KORONAVİRUSA YOLUXANLARIN SAYI - CANLI STATİSTİKA

Ekspert: "Rusiyaya uğursuz səfər Paşinyanın balanslı xarici siyasət doktrinası yarada biləcəyi ilə bağlı son ümidləri də məhv etdi"

Ekspert:
16:48
30.12.2018
3028
Analitika
A
Ermənistanın baş naziri vəzifəsini icra edən Nikol Paşinyan növbədənkənar parlament seçkilərindən sonra Moskva səfərinə böyük ümidlərlə getsə də, 2018-ci ilin may ayından Rusiya-Ermənistan münasibətlərində başlanmış gərginlik bir az da dərinləşdi və əslində iki ölkənin münasibətlərindəki aktual problemlərin heç biri həll edilmədi.

"Ölkə.Az" bildirir ki, bunu trend-ə açıqlamasında "Bakı xəbər" qəzetinin baş redaktoru, siyasi ekspert Aydın Quliyev deyib.

Onun sözlərinə görə, səfər çərçivəsində çoxdan gündəmin əsas mövzusu olan qaz satışının qiyməti barədə razılaşma da əldə edilmədi: "Həmçinin səfər zamanı Dağlıq Qarabağ problemi ilə əlaqədar ətraflı müzakirə aparıldığına dair heç bir məlumat yoxdur, iki ölkənin münasibətlərinin konkret məsələlər üzərində dərinləşdiriləcəyinə dair hər hansı mesajlara rast gəlinmədi və s. Üstəlik, Paşinyan formal nəzakət xatirinə olsa belə, Rusiya liderindən seçki və yeni il münasibətilə təbriklər ala bilmədi. Əksinə, Paşinyanın var gücü ilə təqib etdirdiyi siyasi rəqibi olan Robert Koçaryan hətta həbsxanada olduğu halda Rusiya liderindən ad günü ilə bağlı xüsusi təbrik məktubu aldı. Bunlar böyük siyasətdə kiçik faktlar sayılmır və hər birinin cari və perspektiv anlamda böyük mənası var. Faktiki olaraq RF lideri göstərdi ki, Paşinyanın siyasətindən məmnun deyil, Rusiyanın önəm verdiyi siyasi fiqurların siyasi repressiyalara məruz qoyulmasına çox anormal baxır və ən əsası isə budur ki, Putin Koçaryanın ad gününə Paşinyanın öz aləmində böyük dəyər verdiyi seçki qələbəsindən böyük əhəmiyyət verdi".

A.Quliyev qeyd edib ki, Moskvada Putin-Paşinyan danışıqları Rusiyanın hazırda Ermənistanla münasibətlərə regional sülh və inkişaf nöqteyi-nəzərindən hər hansı bir önəm verdiyinə dair heç bir mesaj vermədi:

"Görüşün nəticəsi olaraq daha çox iki tezisin üzərində dayanmağa əsaslar var: "Birincisi odur ki, Paşinyan özünün ziddiyyətli siyasəti ilə iki ölkənin əməkdaşlığına qeyri-müəyyən və narahatlıq doğuran elementlər gətirdi. İkincisi isə Rusiya Ermənistana artıq həm regionda, həm də qlobal miqyasda tam etibarlı tərəfdaş və müttəfiq kimi baxmağa çox ehtiyatla yanaşır. Paşinyanın özünün də görüşdən çox məyus olduğu keçirdiyi mətbuat konfransında ifadə etdiyi baş-ayaq mətləblərdən və narahat emosional vəziyyətdən çox aydın sezilirdi. Paşinyan daxili siyasətdə uğursuz olduğu kimi, xarici siyasət sahəsində də Ermənistanın qarşısındakı vəzifələrin həllində səriştəsiz və bacarıqsız olduğunu ən azı bütün erməni cəmiyyətinə göstərdi".

Ekspert xüsusi vurğulayıb ki, Rusiyanın dövlət elitası və şəxsən Vladimir Putinin özünün bu görüşdən çox maraqlı nəticələr çıxardığını böyük ehtimalla söyləmək olar: "İndi Rusiyada çoxları əmindir ki, Paşinyan böyük regional və qlobal siyasi-iqtisadi-strateji layihələrin səmərəli müzakirə edilə biləcəyi lider deyil. Məncə, Moskvada Putinlə son uğursuz və nəticəsiz müzakirədən sonra həm Rusiyada, həm də daha çox Ermənistanın özündə yeni bir ciddi siyasi fiqurun axtarış cəhdləri intensivləşəcək. Moskvadakı uğursuzluq Paşinyanın balanslı xarici siyasət doktrinası yarada biləcəyi ilə bağlı kimlərdəsə olan-qalan son ümid işartılarını da məhv etdi. Ermənistanın daxili və xarici siyasətdə yeni silsilə uğursuzluqlar mərhələsinin əsasının qoyulduğunu düşunmək olar".

Ölkə.Az

ŞƏRH YAZ
0

Azərbaycan Ordusunda islahatlar yeni müstəviyə keçib — Ekspertlər

Azərbaycan Ordusunda islahatlar yeni müstəviyə keçib
15:11
17.05.2020
2028
Analitika
A
“Ordunun modernləşdirilməsi ən vacib məsələlərdəndir, bu gün ordumuza ən müasir silahlar alınıb”.

"Ölkə.Az" bildirir ki, bunu “Report”a açıqlamasında orduda aparılan islahatları şərh edərkən Milli Məclisin Müdafiə, təhlükəsizlik və korrupsiya ilə mübarizə komitəsinin üzvü Aqil Abbas deyib.

O bildirib ki, əvvəllər orduda vəziyyət acınacaqlı idi. Deputat tez-tez hərbi hissələrə baş çəkdiyini və son illərdə ordunun maddi-texniki bazasının gücləndirildiyinin şahidi olduğunu söyləyib.

A.Abbas qeyd edib ki, son illərdə xeyli sayda yeni hərbi hissələr tikilərək istifadəyə verilib: “Əsgərlərə ən yüksək səviyyədə kalorisi olan yeməklər verilir. Əvvəllər əsgərlər paltarlarını yuyurdular, yemək bişirirdilər, indi bunu mülki insanlar edir. Əsgərin işi ancaq vətəni müdafiə etməkdir. Daha hərbi maşınları 18-19 yaşlı əsgərlər sürmür, əvvəllər buna görə tez-tez qəzalar olurdu. İndi isə hərbi maşınları idarə etməyə mülki insanlar cəlb olunub deyə, qəzaların sayı da azalıb. Azərbaycan Ordusunda böyük islahatlar aparılıb. Təbii ki, müəyyən problemlər ola bilər, heç bir ölkənin ordusu bundan uzaq deyil”.

Azərbaycan Ordusunun mayın 18-dən 22-dək keçiriləcək genişmiqyaslı əməliyyat-taktiki təlimlərindən danışan deputat bunu şəxsi heyətin döyüş qabiliyyətinin artırılması kimi qiymətləndirib.

“Bütün təlimlər döyüş qabiliyyətini artırmağa hesablanıb. Təlimlər həm də əsgərin, gizirin, müddətdən artıq xidmət edən hərbi qulluqçuların, zabit heyətinin döyüş ruhunu artıraraq onları daha da səriştəli edir. Praktiki məşqlərdə bütün nöqsanlar, çatışmazlıqlar aşkarlanaraq aradan qaldırılır. Ordumuza alınan yeni hərbi texnikaların, silah-sursatın, döyüş vasitələrinin istismarı yoxlanılır və şəxsi heyətə daha mükəmməl öyrədilir. 

Təlim ordunu döyüşə hazırlamaq deməkdir. Azərbaycan Ordusu mütəmadi genişmiqyaslı təlimlər keçirir. Bu da döyüş taktikasını, döyüş ruhunu, ümumiyyətlə döyüş qabiliyyətini artırmaq üçün ən önəmli məsələdir”, - A.Abbas vurğulayıb.

Hərbi ekspert Ramil Məmmədli isə Azərbaycan Ordusunda islahatlarla bağlı köklü dəyişikliklərin 2005-ci ildən başlandığını, lakin 2013-2014-cü illərdən bu dəyişikliklərin başqa bir müstəviyə keçdiyini deyib.

O bildirib ki, bu dəyişikliklərin əsasında əsgər-zabit münasibətləri ilə bağlı yeniliklər dayanır: “2014-cü ilə kimi mətbuatda və cəmiyyətdə əsgər-zabit münasibətlərində bir çox narahatlıq və nizamnamədən kənar hadisələrin olmasına dair xəbərlər yer alırdısa, bu gün övladını hərbi xidmətə göndərən Azərbaycan vətəndaşı rahatdır. O bilir ki, oğlunun komandiri – zabiti ona öz övladı, qardaşı, dostu kimi yanaşacaq. Bu, birinci və vacib məsələdir. İslahatlarla bağlı növbəti məsələ maddi-texniki bazanın gücləndirilməsi ilə bağlıdır. 

Burada əsas yeri əsgərlərin yataqxanaların (kazarma) müasirləşdirilməsi, hərbi hissələrdə müasir tələblərə cavab verən işlərin görülməsi, zabit, gizir və müddətdən artıq xidmət edən hərbi qulluqcuların sosial vəziyyətinin yaxşılaşdırılması idi. Əvvəlcə onların maaşlarının artırılması məsələsi təmin olundu. Eyni zamanda onların mənzillərlə təminat məsələsi həll edildi. Bu gün də bu proses mərhələli formada davam edir. Xidmət müddətinə uyğun olaraq zabitlər və gizirlər evlərlə, torpaq sahələri ilə təmin olunurlar”.

Silah və hərbi texnika parklarının yenilənməsini islahatların davamı kimi qiymətləndirən hərbi ekspert bu sahədə köklü dəyişikliklərin olduğunu bildirib: “Hava hücumundan müdafiə sistemi yenidən quruldu, Hərbi Hava Qüvvələrinin texniki imkanlarının gücləndirilməsi üçün müasir təyyarələrin alınmasına başlanıldı. Bu proseslə Qərbin modern texnologiyalarının mənimsənilməsinə start verildi. Bu, bir neçə günə həll olan məsələ deyil, buna görə də islahatlar davamlı şəkildə aparılır. 

Quru Qoşunlarda Azərbaycan Ordusunun istifadəsində olan texnikalar yeniləndi, çoxlu sayda zirehli maşınlar alındı, artilleriya qurğuları, atıcı silahların yeniləşməsi prosesinə başlanıldı. Bununla yanaşı Azərbaycan Ordusunda təlimlərinin sayının artdığının şahidi olduq.

İslahatlara kadr dəyişiklikləri məsələsini də aid etmək olar. Uzun illər Müdafiə Nazirliyinin rəhbər strukturlarında vəzifə tutan şəxslər işdən uzaqlaşdırıldı. Onların yerinə daha gənc və perspektivli zabitlər gətirildi”. 

Ekspertin sözlərinə görə, təəssüf ki, bəzi şəxslər düşünmədən ordu ilə bağlı bəzi şayiələr yayırlar: "Bu da daim internet pusqusunda duran düşmənin işinə yarayır. Fəaliyyəti nə zamansa hərb ilə bağlı olan şəxslərin isə ordu ilə bağlı hər hansı neqativ açıqlamaları hərbçilər arasında ruh düşkünlüyü yarada bilər. Bu səbəbdən həm xidmət keçən, həm ehtiyatda olan hərbçilər öz bəyanat və açıqlamalarında maksimum diqqətli olmalıdırlar və gördüyü istənilən neqativ halla bağlı dövlətin müvafiq qurumlarına müraciət etməlidirlər". 

ŞƏRH YAZ
0

Güzəştli ipoteka kreditləri üçün əlavə 90 milyon manat ayrılacaq

Güzəştli ipoteka kreditləri üçün əlavə 90 milyon manat ayrılacaq
21:50
04.04.2020
3310
Analitika
A
Güzəştli ipoteka kreditləri üçün ayrılan vəsaitlərin həcmi artırılacaq.

"Ölkə.Az" xəbər verir ki, bu, Nazirlər Kabinetinin bu gün təsdiqlədiyi “Koronavirus (COVID-19) pandemiyasının və bundan irəli gələrək dünya enerji və səhm bazarlarında baş verən kəskin dalğalanmaların Azərbaycan Respublikasının iqtisadiyyatına, makroiqtisadi sabitliyə, ölkədə məşğulluq məsələlərinə və sahibkarlıq subyektlərinə mənfi təsirinin azaldılması ilə bağlı bir sıra tədbirlər haqqında” Azərbaycan Respublikası Prezidentinin 2020-ci il 19 mart tarixli 1950 nömrəli Sərəncamının 10.2-ci bəndinin icrası ilə bağlı Tədbirlər Planı”nda əksini tapıb. 

Sənədə əsasən, Maliyyə Nazirliyi aprel ayında güzəştli ipoteka kreditləri üçün ayrılan vəsaitlərin həcminin artırılması üçüq 90 milyon manat ayırlmasını təmin etməlidir.

Ölkə.Az

ŞƏRH YAZ
0
BAĞLA