Elbay Qasımzadə yenidən Memarlar İttifaqının sədri seçildi

Elbay Qasımzadə yenidən Memarlar İttifaqının sədri seçildi
14:01
20.12.2017
4101
Mədəniyyət
A
Elbay Qasımzadə yenidən Azərbaycan Memarlar İttifaqının İdarə Heyətinin sədri seçilib.

"Ölkə.Az" APA-ya istinadən məlumat verir ki, bu barədə Memarlar İttifaqının Azərbaycan Dövlət Filarmoniyasında keçirilən XIX Qurultayında qərar verilib. Qurultayda E. Qasımzadənin namizədliyi irəli sürülüb və onun sədr seçməsinə etiraz edən olmayıb.

 E. Qasımzadə qurultay iştirakçılarına təşəkkürünü bildirib: “Mən həmişə sizə güvənmişəm, sizin dəstəyinizi hiss etmişəm. Çox sağ olun ki, mənə etibar etdiniz”.
 
Qurultayda iştirak edən Azərbaycan prezidentinin iqtisadi məsələlər üzrə köməkçisi Əli Əsədov çıxış edərək bildirib ki, ötən beş illik fəaliyyətində Elbay Qasımzadənin fəaliyyəti dövlət tərəfindən müsbət qiymətləndirilib.

ŞƏRH YAZ
1

Avropa Şurası: "Azərbaycanda tolerantlıq ənənələrinin inkişafına böyük diqqət ayrılır"

Avropa Şurası:
19:00
20.01.2018
2829
Mədəniyyət
A
Azərbaycanda keçirilən çoxsaylı beynəlxalq tədbirlər multikulturalizm, tolerantlıq ənənələrinin inkişafından xəbər verir və bu sahəyə böyük diqqət ayrılır.

Mədəniyyət və Turizm Nazirliyindən "Ölkə.Az"verilən məlumata görə, bunu Avropa Şurasının (AŞ) Şimal-Cənub Təşkilatının rəhbəri Antonio Gamito Azərbaycanın mədəniyyət və turizm naziri Əbülfəs Qarayevlə görüşündə deyib.

AŞ rəsmisi bildirib ki, həmin tədbirlərdə iştirak edən alimlər, mütəxəssislər də bu fikirdədirlər və həyata keçirilən bu kimi layihələri yüksək qiymətləndiririk.

Təşkilat Azərbaycanda keçirilən Ümumdünya Mədəniyyətlərarası Dialoq Forumunun partnyorudur. Görüş zamanı Forumun əhəmiyyətindən bəhs olunub, 2018-ci ildə Bakı Prosesinin 10 illiyi ilə bağlı təşkil olunacaq tədbirlər müzakirə olunub.

Məlumatda qeyd olunur ki, görüşdə bu il ölkəmizdə keçiriləcək Humanitar Forum haqqında da söhbət açılıb, bu istiqamətdə yeni layihələrin işlənilməsi və bu kimi tədbirlərin Ümumdünya Mədəniyyətlərarası Dialoq Forumu ilə bağlılığı barədə fikir mübadiləsi aparılıb.

Nazir Ə.Qarayev A.Gamitonu ölkəmizdə keçiriləcək beynəlxalq tədbirlərdə iştirak etməyə dəvət edib və gələcəkdə də mərkəzlə əməkdaşlığın ölkəmiz üçün mühüm əhəmiyyətini qeyd edib.

Qeyd edək ki, görüş nazir Ə.Qarayevin Portuqaliyaya səfəri çərçivəsində baş tutub.

ŞƏRH YAZ
0

Xalq artisti vəfat etdi

Xalq artisti vəfat etdi
18:17
20.01.2018
5777
Mədəniyyət
A
Bu gün xalq artisti Gülcahan Güləhmədova-Martınova dünyasını dəyişib.

Yaxınlarının "Ölkə.Az"-a verdiyi məlumata görə xalq artisti xəstəlik nəticəsində, 92 yaşında dünyasını dəyişib.

Qeyd edək ki, Gülcahan Güləhmədova-Martınova 30 il ərzində Səməd Vurğun adına Rus Dram teatrında quruluşçu rejissor olub. Azərbaycan Respublikasının xalq artisti, Dövlət mükafatı laureatıdır.

Onun tərəfindən 70-dən çox əsər tamaşaya qoyulub. Onlar Şekspir, Şiller, Rostan, Fr. Saqan, İ. Əfəndiyev, M. İbrahimov, Verdi, Çaykovski, Bize, Motsart, Çimaroza, Hacıbəyov, Əmirov, Rimski-Korsakov və digər məşhurların əsərləridir.

ŞƏRH YAZ
0
BAĞLA