Əlbəyaxa oldular, məhkəməyə düşdülər, küsülü öldülər... — Düşmən olan aktyorlarımız

Əlbəyaxa oldular, məhkəməyə düşdülər, küsülü öldülər...
01:49
07.09.2019
44957
Mədəniyyət
A
Dünyanın bütün sənət cameələrində şəxsi münaqişələr, davalar və küsüşmələr olur. Bizim istəyimizdən asılı olmayaraq bu, bir gerçəklikdir. İnkişaf etmiş ölkələrdə bu cür münaqişələri mətbuatdan və oxucudan gizləmirlər. Çünki gerçəklikdən qorxmağa dəyməz. Əksinə sənət dünyası bu çatışan-çatışmayan cəhətlərinə görə də maraqlıdır. Azərbaycanın sənət cameəsində, o cümlədən teatr aləmində də çoxlu münaqişələr olub.

"Ölkə.Az" onların bir qismi ilə sizi tanış edir.

Mehdi Məmmədov – Adil İsgəndərov

 

 

 

 

Hər ikisi böyük rejissor olduğuna görə aralarındakı qısqanclıq bir az ifrata varmışdı. Uzun sürən münaqişənin nəticəsində Adil İskəndərov teatrdan uzaqlaşıb kino sahəsinə getdi.

Adil İsgəndərov – Yusif Vəliyev

Bir-birini dindirməyiblər. Lakin Adil İsgəndərov “Axırıncı aşırım” filmində özünün oynadığı Kərbəlayi İsmayıl rolunun səsləndirilməsin üçün Yusif Vəliyevin çağırılmasını tapşırıb. Eyni zamanda, “Nəsimi” filminin çəkilişləri öncəsi Teymurləng rolu üçün özü foto-sınaqda iştirak etsə də, bu rola Yusif Vəliyevi seçmişdi. Hər iki hadisə baş verəndə Adil İsgəndərov C.Cabbarlı adına “Azərbaycanfilm” Kinostudiyasının direktoru idi.

Nəcibə Məlikova - Hökümə Qurbanova

Şəxsi zəmində araları dəymişdi. Həm də təbii ki, rol qısqanclığı da vardı. Lakin Hökümə Qurbanova Nəcibə Məlikova ilə küsülü olsa da "Ögey ana" filmində onun oynadığı obrazı səsləndirməyə razı olur.

Leyla Bədirbəyli – Əliağa Ağayev

Onlar arasındakı söz-söhbət teatrın rəsmi iclasına da yansıyır. Deyilənə görə, onlar burda bir-birilərini təhqir də etmişdilər. Çoxu isə bu hadisəni lətifə kimi danışır.

Cənnət Səlimova – Amaliya Pənahova

Amaliya Pənahovanın rəhbərlik etdiyi Bakı Bələdiyyə Teatrı və Cənnət Səlimovanın rəhbərlik etdiyi Kamera Teatrı eyni binada – Şəhriyar klubunda yerləşirdi. Hər iki sənətkar öz teatrına yer almağa çalışdığı üçün mənafelər toqquşurdu. Münaqişə də burdan başlamışdı.

Fuad Poladov – Bəsti Cəfərova

Fuad Poladov Bəsti Cəfərovaya görə Mehriban Ələkbərzadənin “Afət” tamaşasında baş rolu oynamaqdan imtina edir. O, tərəf-müqabil kimi onunla oynamaq istəmir. Bu hərəkətinə görə, Bəsti Cəfərova onu heç vaxt bağışlamır və yasına getmir.

Bəsti Cəfərova – Hicran Nəsirova

Şəxsi zəmində dərin münaqişə yaşayıblar. Lakin bu münaqişənin içərisində iki gözəl aktrisanın bir-birinə sənət qısqanclığı da vardı.

Səyavuş Aslan - Vaqif Mustafayev

“Bəyin oğurlanması” filmində rejissor Vaqif Mustafayev kadrın təbii alınması üçün Muxtar Maniyevin gizlincə Səyavuş Aslanı vurmasını istəyir. M.Maniyev onu vuru və kadr çəkilir. Lakin bundan sonra Səyavuş Aslan Vaqifdən inciyir və ömür boyu onu danışdırmayıb. Beləliklə, Vaqif Mustafayevin filmlərində çəkilmək imkanını itirir.

Səyavuş Aslan – Hacıbaba Bağırov

Biri-biri yaxın dost olan hər iki komik aktyorun Musiqili Komediya Teatrında münaqişəsi başlayır və bunun nəticəsi olaraq Səyavuş Aslan teatrdan uzaqlaşır, öz profilinə uyğun olmayan Akademik Dövlət Dram Teatrına gedir. Hacıbaba Bağırov isə Musiqili Komediya teatrının direktoru olur.

Leyla Şıxlinskaya - Amaliya Pənahova

“Gün keçdi” filmində Leyla Şıxlinskayanın oynadığı Əsmər rolunu Amaliya Pənahova səsləndirib. Leyla xanım onun ifasını bəyənməyib və “Ordakı ehtiraslı səslər obrazımı korlayıb” deyərək etirazını bildirib. Hər iki aktrisanın konflikti də elə burdan başlayıb.

Amaliya Pənahova – Məlahət Abbasova

Aktrisa Məlahət Abbasova Amaliya Pənahovanın plastik əməliyyatını bəyənmədiyini bildirmiş və Amaliya xanım da cavab atəşi ilə həmkarını susdurmuşdu: “Onun özünün də plastik əməliyyata ehtiyacı var”.

Fuad Poladov – Məlik Dadaşov

Bu konfliktinin səbəbi dəqiq məlum deyil. Görünür, elə də açıb-ağardılası məsələ deyilmiş. Deyilənə görə, “Güllələnmə təxirə salınır” filmində bir yerdə oynayan hər iki aktyor aralarındakı küsülülüyü büruzə verməyiblər.

Ramiz Məlik – Məleykə Əsədova

Ramiz Məlik mətbuatda Xalq artisti Məleykə Əsədovanın şərəf və ləyaqətinə toxunan sözlər demiş, iş məhkəməyə qədər gedib çıxmışdı.

Ramiz Məlik – Ramiz Novruz

Həmişə münaqişələrlə zəngin olan “Azdrama”nın bu iki adaş aktyoru arasında baş verənləri teatr tariximizin ən yaddaqalan münaqişələrindən hesab etmək olar. Bu münaqişə “Azdrama”nın aktyorlarını iki cəbhəyə bölmüşdü. Əvvəlcə əlbəyaxa davaya, ordan isə məhkəməyə qədər uzanan münaqişə rəhbərliyin ciddi müdaxiləsi nəticəsində öz yoluna düşdü.

Hikmət Rəhimov – Azər Paşa Nemət

Kulis.aza verdiyi müsahibədəki tənqidi fikirlərə görə “Azdrama”dan kənarlaşdırıldı və beləliklə teatrın rəhbəri ilə münaqişəsi başladı.

Fuad Poladov – Azər Paşa Nemət

Teatr cameəsinin hələlik son və bəlkə ən ağrılı söz-söhbəti oldu. Fuad Poladov heç bir səbəb açıqlamadan teatrı tərk etdi və öz gənclik dostundan küsülü öldü. Hətta onların müalicə üçün köməyindən də imtina etdi. (kulis.az)

Ölkə.Az

ŞƏRH YAZ
1

Heydər Əliyev Mərkəzində "Bakı və Moskva onları sevir" fotosərgisi açılıb

Heydər Əliyev Mərkəzində
22:24
24.01.2020
533
Mədəniyyət
A
Yanvarın 24-də Heydər Əliyev Mərkəzində "Bakı və Moskva onları sevir" adlı fotosərgi açılıb.

"Ölkə.Az"ın məlumatına görə, sərgidə Rusiyanın TASS agentliyinin və Azərbaycan Dövlət İnformasiya Agentliyinin (AZƏRTAC) fotomüxbirləri tərəfindən çəkilmiş 60-dan çox foto nümayiş etdirilir.

AZƏRTAC-ın İdarə Heyətinin sədri Aslan Aslanov və TASS informasiya agentliyinin baş direktoru Sergey Mixaylov sərginin açılışında çıxış ediblər. Qeyd olunub ki, sərgini cəsarətlə iki informasiya agentliyinin birgə yaradıcılıq işinin bəhrəsi adlandırmaq olar.

Açılışı bildirən rəmzi lent kəsildikdən sonra iştirakçılar sərgi ilə tanış olublar.

Sərgidə nümayiş olunan fotolarda ölkələrimizin liderləri, tanınmış siyasətçilər, ictimai xadimlər, elm adamları, aktyorlar, musiqiçilər və idmançılar əks olunub. Ekspozisiyada Azərbaycan xalqının ümummilli lideri, Rusiya-Azərbaycan münasibətlərini tamamilə yeni məzmunla zənginləşdirmiş Heydər Əliyevin, öz səyləri ilə ölkələrimiz arasında əlaqələri strateji tərəfdaşlıq səviyyəsinə yüksəldən və gündən-günə möhkəmləndirən Azərbaycan Prezidenti İlham Əliyevin və Rusiya Prezidenti Vladimir Putinin fotoları var.

Bəstəkarlar Qara Qarayev və Fikrət Əmirov, SSRİ Xalq rəssamı Tahir Salahov, SSRİ Xalq artisti Müslüm Maqomayev, Xalq artisti Polad Bülbüloğlu, görkəmli neftçi Fərman Salmanov da bu fotoların qəhrəmanlarıdır.

ŞƏRH YAZ
0

Həmidə Ömərova professor oldu

Həmidə Ömərova professor oldu
16:31
24.01.2020
648
Mədəniyyət
A
Xalq artisti Həmidə Ömərova "professor" elmi adına layiq görülüb.

"Ölkə.Az" axşam.az-a istinadən xəbər verir ki, bu barədə Azərbaycan Dövlət Mədəniyyət və İncəsənət Universitetindən məlumat verilib. Universitetin "Kinoşünaslıq" kafedrasına rəhbərlik edən aktrisanı sənət dostları da sosial şəbəkədə təbrik edib.

Qeyd edək ki, sənətçi Prezidentin fərdi təqaüdçüsüdür. İndiyədək onlarla tamaşa və filmdə rol alan H.Ömərova hazırda “Ata ocağı” serialına çəkilir.

ŞƏRH YAZ
0
BAĞLA