Əlcəzairli futbolçudan Azərbaycana qarşı tərbiyəsizlik

Əlcəzairli futbolçudan Azərbaycana qarşı tərbiyəsizlik
16:04
18.05.2017
125
İdman
A
IV İslam Həmrəyliyi Oyunlarında iştirak edən Əlcəzair yığmasının futbolçusu Fərid Əl-Melali xoşagəlməz hərəkətlə diqqət çəkib.

"Ölkə.Az" Apasport-a istinadən xəbər verir ki, o, Azərbaycanla yarımfinal qarşılaşmasından sonra feyr-pley qaydalarını pozub.

Millimizlə görüşdə məğlubiyyət Əl-Melalini özündən çıxarıb. Belə ki, o, matçdan sonra paltardəyişmə otağının qapısını sındırıb. 20 yaşlı futbolçu, eyni zamanda yığmamızın üzvü ilə dəyişdiyi formanı da yerə atıb.
 
Qeyd edək ki, Ruslan Abışov və Məqsəd İsayevin qolları sayəsində 2:0 hesablı qələbə qazanan Azərbaycan millisi finala vəsiqə əldə edib.

ŞƏRH YAZ
0

İngiltərə Panamanı darmadağın etdi — 6:1

İngiltərə Panamanı darmadağın etdi
18:16
Bu gün
256
İdman
A
Futbol üzrə İngiltərə yığması DÇ-2018-in qrup mərhələsinin II turunda Panama üzərində böyükhesablı qələbə qazanıb.

“Ölkə.Az” xəbər verir ki, Nijnıy Novqorodun eyniadlı stadionunda keçirilən görüş 6:1 hesabı ilə avropalıların xeyrinə başa çatıb.

İngilislərin heyətində Harri Keyn het-trik, Con Stouns dubl edib. Cessi Linqard isə bir dəfə fərqlənməyə macal tapıb. Panamanın dünya çempionatında ilk qolunu isə Felipe Baloy vurub.

İngiltərə yığması bu qələbə sayəsində xallarının sayını Belçika ilə birgə 6 xala çatdıraraq turnirin "play-off" mərhələsinə vəsiqə qazanıb.

Panama və Tunis 1/8 finala çıxmaq şanslarını itirib.

DÇ-2018 – final mərhələsi. G qrupu. 2-ci tur

İngiltərə – Panama - 6:1

Qollar: 1:0 – Stouns – 8, 2:0 – Keyn – 22 (pen), 3:0 – Linqard – 36, 4:0 – Stouns – 40, 5:0 – Keyn – 45+1 (pen), 6:0 – Keyn – 62, 6:1 – Baloy – 78.

Ölkə.Az

ŞƏRH YAZ
0

FİFA İsveçrənin ulduzları Caka və Şaqiri haqqında istintaq başlatdı — FOTO + VİDEO

FİFA İsveçrənin ulduzları Caka və Şaqiri haqqında istintaq başlatdı
13:59
Bu gün
2465
İdman
A
FİFA Serbiya ilə qarşılaşmada qol vurduqdan sonra əlləri ilə Albaniyanın simvolu olan iki başlı qartal işarəsi göstərən Qranit Caka və Xerdan Şaqiri haqqında intizam istintaqı başladıb.

"Ölkə.Az" xəbər verir ki, futbol üzrə 2018-ci il Dünya Çempionatında oynanılan Serbiya - İsveçrə matçında əslən Kosova albanı olan Qranit Caka və Xerdan Şaqiri qol vurduqdan sonra ki başlı qartal işarəsi göstəriblər.

Serbiya Futbol Federasiyasının baş katibi Yovan Surbatoviç həm Caka, həm də Şaqirinin İsveçrəyə qələbə gətirən qollarını albanların simvolu olan qartal hərəkəti ilə qeyd etdiklərinə görə şikayət etdiklərini açıqlayıb.

Qeyd edək ki, 17 Fevral 2008-ci ildə Kosovo Serbiyanın tərkibindən çıxaraq birtərəfli qaydada müstəqilliyini elan edib. Serbiya isə 116 ölkə tərəfindən müstəqil dövlət kimi tanınan Kosovanı hələ də öz ərzisi kimi görməyə davam edir.

Ölkə.Az

ŞƏRH YAZ
0
BAĞLA