KORONAVİRUSA YOLUXANLARIN SAYI - CANLI STATİSTİKA

Elçibəyin köməkçisi Firudin Cəlilovu BİABIR ETDİ — "Bunu ona sonadək bağışlamadı"

Elçibəyin köməkçisi Firudin Cəlilovu BİABIR ETDİ
12:15
10.10.2019
2392
Siyasət
A
“Keçmiş Təhsil Naziri Firudin Cəlilovun müsahibəsindən dostların zəngindən sonra xəbər tutdum. Gop, yalan,böhtanın sərhəddinin pozulduğu müsahibəni təəccüblə oxusam da, gözlənilməz deyildi. Çünki professor Cəlilov əvvəllər də verdiyi bəzi müsahibələrdə Əbülfəz bəyə qarşı etikaya uyğun olmayan formada qərəzini büruzə vermişdi. O zaman xəstəliyini nəzərə alıb cavab verilməmişdi. Amma indi elə iddialar səsləndirib ki, şahidi və iştirakçısı olduğumuz yaxın tarixi saxtalaşdırmasına dur demək zərurəti yarandı”.

“Ölkə.Az” xəbər verir ki, sabiq Prezident Əbülfəz Elçibəyin köməkçisi Oqtay Qasımov deyib.

“Müsahibədə : "İndiyə qədər mən bu barədə danışmamışam. Amma görürəm ki, artıq danışmaq lazımdır". Adamdan soruşarlar, “nə üçün Elçibəyin və Vurğun Əyyubun sağlığında yox, onların yoxluğunda danışmağa başladın?” Rəhmətə gedənin arxasınca danışmaq, özü də yalan danışmaq hansı milli mənəvi dəyərin göstəricisidir? Professor cəmiyyətdən ona yönələcək suallara yəqin ki, aydınlıq gətirər. Ona qədər bəzi məsələlərə açıqlıq gətirməyin faydalı olacağını düşündük”, - O.Qasımov deyib.

 O əlavə edib ki, əvvəla 1991-ci ilin avqustunda Elçibəyin təklifi ilə AXC tərəfindən Türkiyəyə göndərilən 50 tələbənin qəbul imtahanına rəhbərlik edən V.Əyyuba sənədlərin hazırlanması və texniki işlərdə AXC qərargahının ştatlı işçiləri kimi Ellada Məmmədli ilə kömək etmişik. “Prosesin yüksək səviyyədə və şəffaflıqla həyata keçirilməsi Elçibəy tərəfindən yüksək qiymətləndirilib və sonradan V.Əyyubun TQDK-ya sədr təyin olunmasında əsas faktorlardan biri olub.

2. Bir universtitet müəllimi olan Elçibəy təhsil sahədəki problemləri yaxşı bilir, bu sistemindəki korrupsiya və rüşvətxorluğu aradan qaldırmağın yolunun test üsulunun tətbiqindən keçəcəyinə dərindən inanırdı. Misirdə işlədiyi vaxtdan bu barədə düşünmüş, sonrakı dövrlərdə Türkiyədən gələn təhsil mütəxəssisləri ilə bu mövzuda xeyli müzakirələr aparmış, Test üsulunun tətbiqi məsələsini Seçki platformasına daxil etmişdi. İdeyanın müəllifinin Elçibəy olduğunu çox sayda şahidlər təstiqləyə bilər.

3. Elçibəylə F.Cəlilovun münasibətləri 1991-ci ilə qədər yaxın olsa da, o zaman Ali Sovetdə Latın əlifbasına keçidlə bağlı aparılan müzakirələr aralarında soyuqluq yaranmışdı. Belə ki, Elçibəy gələcəkdə yaranacaq vahid Türk əlifbası məsələsində onunla həmrəy olduğunu bildirən Firudun müəllimə aralarındakı razılaşmanın AS-dəki müzakirələrdə yeni əlifbada nəzərə alınmasını təklif etməyi tövsiyə edir. O, isə bu söhbəti mərhum İsmayıl Şıxlıya çatdıraraq prosesə mane olduğundan Elçibəy bunu ona sonadək bağışlamadı. Hakimiyyət dönəmində prezident tərəfindən qəbul edilməyən nazirin onun qapısını çırpıb getmək uydurması sadəcə gülüş doğurur və qeyri ciddidir. Firudin müəllimi Baş Nazirin müavini vəzifəsinə Elçibəy yox, Mütəllibov təyin edib və 18 may 1992-ci ildə Rəhim Hüseynov başda olmaqla Mütəllibovun 14 mayda təyin etdiyi bir çox şəxslərin təyinatı əldə edilən razılaşmaya görə AS-də təsdiq edilib. Elçibəyin Cəlilova soyuq münasibətinin nəticəsi və işindəki bəzi nöqsanlara görə Təhsil Nazirliyi iki yerə ayrılıb və digər hissəsinə mərhum Tofiq Hacıyev rəhbər təyin edilib”- o qeyd edib.

F.Cəlilovu yaddaşsızlıqda ittiham eədn O.Qasımov deyib ki, Firudun müəllimin yaddaşındakı problem ortadadır: “ Əvvəla TQDK Təhsil Nazirliyinə yox, birbaşa prezidentə tabe olduğundan bu qurumu onun yaratması fikri yumşaq desək yalandır. Bu qurum Elçibəyin fərmanı ilə yaradılıb. Digər tərəfdən 2000 nəfər Türkiyəyə göndərilən tələbələr üçün ayrıca imtahan keçirilməsi fikri absurddur. Bütün tələbələr üçün imtahan bir dəfə keçirilib.
Firudun müəllimə xatırlatmaq istəyirəm ki, Prezidentin iradəsi,istəyi olmasa istənilən nazir ən gözəl ideyasını belə həyata keçirə bilməz. Bu həm də Firudun müəllimə aiddir. Digər tərəfdən cəmiyyətin gözü tərəzidir. Bunu da unutmaq lazım deyil”.

Mürtəza
Ölkə.Az

ŞƏRH YAZ
0

“Qeyri-etik ifadələr agentliyin rəsmi hesabından yazılmayıb” — BNA

“Qeyri-etik ifadələr agentliyin rəsmi hesabından yazılmayıb”
00:57
Bu gün
568
Siyasət
A
“Bakı Nəqliyyat Agentliyinin “Facebook” sosial şəbəkəsindəki rəsmi hesabından Bəxtiyar Hacıyev adlı izləyicinin paylaşımına qeyri-etik ifadələr yazılması ilə bağlı məsələ nəzarətə götürülərək araşdırılıb”.

"Ölkə.Az" xəbər verir ki, bunu Bakı Nəqliyyat Agentliyinin (BNA) mətbuat katibi Mais Ağayev bildirib.

“Şərhin agentliyin rəsmi hesabından yazılmadığı müəyyən edilib. Bu cür yazı tərzi heç bir halda qəbul olunan deyil və Bakı Nəqliyyat Agentliyinin mövqeyini ifadə edə bilməz. Bakı Nəqliyyat Agentliyi hər zaman yazılan tənqidi fikirlərə qarşı dözümlülük nümayiş etdirib.

Eyni zamanda şərhin saxta profil hesabından yazılmasına dair əsaslı şübhələr var və bu məsələ də ciddi şəkildə araşdırılır. İndiki həssas məqamda müəyyən maraqlı qüvvələr bu vasitə ilə vətəndaşlarda dövlət qurumuna qarşı narazılıq yaratmağa uğursuz cəhd edirlər.

Vətəndaş müraciətləri Bakı Nəqliyyat Agentliyinin önəm verdiyi əsas məsələlərdəndir. Vətəndaşların müraciət imkanlarını artırmaq üçün əhalinin geniş istifadə etdiyi sosial şəbəkə platformalarında Agentliyin rəsmi hesabları yaradılıb, Alo141 Çağrı Mərkəzi təşkil edilib.

Vətəndaş müraciətləri eyni zamanda www.bna.az”, www.alo141.az” saytları və “141 Çağrı Mərkəzi”i vasitəsi ilə də qəbul olunmaqdadır. Vətəndaşların müraciətləri hər zaman dolğun şəkildə cavablandırılır və qaldırılan məsələlərin həll edilməsi istiqamətində işlər görülür” , - o qeyd edib.report

ŞƏRH YAZ
0

DİN-dən rəis müavininin din xadimindən pul istəməsi haqqında — AÇIQLAMA

DİN-dən rəis müavininin din xadimindən pul istəməsi haqqında
23:59
10.07.2020
970
Siyasət
A
Daxili İşlər Nazirliyi sosial şəbəkələrdə Tovuz Rayon Polis Şöbəsinin rəis müavini İslam Əhmədovun rayonda yas mərsasiminin keçirilməsi üçün pul tələb etməsi iddialarına münasibət bildirib.

"Ölkə.Az" bildirir ki, DİN-in Mətbuat Xidmətinin Gəncə regional qrupunun baş inspektoru, polis baş leytenantı Eşqin Qasımov “Qafqazinfo”ya açıqlamasında bildirib ki, yayılan məlumatlar həqiqəti əks etdirmir:

“Əfsuslar olsun ki, bəzi sosial şəbəkələrdə və xəbər saytlarında bu gün Tovuz Rayon Polis Şöbəsinin rəhbərliyinin adına həqiqəti əks etdirməyən, böhtan xarakterli yazı dərc edilib. Bildirmək istəyirəm ki, Tovuz rayonunda hər hansı bir şəxs vəfat etdikdə dərhal Tovuz Rayon Polis Şöbəsinin rəhbərliyi həmin şəxsin ailə üzvləri ilə əlaqə saxlayır, onunla profilaktik söhbət aparır, karantin rejimin tələbləri bir daha onun nəzərinə çatdırılır və karantin rejimi pozulduqda məsuliyyət daşıyacaqlarını qeyd edir. Hər hansı bir yas yerindən pul istənilməsi tamamilə cəfəngiyyatdır, həqiqətə uyğun olmayan məlumatdır”. 

Qeyd edək ki, sosial şəbəkələrdə Tovuz Rayon Polis Şöbəsinin rəis müavini İslam Əhmədovun mollaya zəng edərək “üç” və “yeddi” mərasimləri üçün 500 manat pul istəməsi ilə bağlı məlumatlar yayılıb.

ŞƏRH YAZ
0
BAĞLA