“Eldar Mahmudov dedi ki, kömək edəcək...”

“Eldar Mahmudov dedi ki, kömək edəcək...”
20:50
14.04.2017
442
Siyasət
A
Bu gün Bakı Hərbi Məhkəməsində həbsdə olan MTN polkovniki Vüsal Ələkbərovun cinayət işi üzrə məhkəmə prosesi davam etdirilib.

Ölkə.Az-ın verdiyi xəbərə görə, hakim Siyavuş Hacıyevin sədrliyi ilə keçirilən prosesdə şahid qismində iş adamı Arzu Kazımov ifadə verib.

Xatırladaq ki, A.Kazımov ABU-nun rektoru Elşad Abdullayevin yaydığı videodan sonra həbs edilib, Ali Məhkəmədən sərbəst buraxılıb.

O deyib ki, V.Ələkbərov qardaşı Nizami Kazımov və qaynı Hüseyn Səfərovun həbsdən azad edilməsi üçün 2 milyon manat tələb edib: “Mən o qədər pulumuz olmadığını deyib imtina etdim. Bir ay gözlədikdən sonra Eldar Mahmudovun köməkçisinə zəng edib nazirlə görüşmək istədiyimi dedim. Eldar Mahmudovla görüşdüm və qohumlarımın qanunsuz həbs edildiyini dedim. O da işin qanun çərçivəsində həll ediləcəyini və lazımi kömək edəcəyini dedi. Bundan sonra məni Mövlam Şıxəliyev qəbul etdi, o da tələb olunan pulu ödəməyini məsləhət gördü. Mən də qohumlarıma pul verməməyi deyib oradan çıxdım. Amma bunlara MTN-də necə təzyiq etdilərsə, pulu verdilər. Bu gün də banklara kredit ödəyirlər”.

V.Ələkbərov deyib ki, N.Kazımov və H.Səfərov sadəcə zərərçəkmişlərə dəyən ziyanı ödədikləri üçün sərbəst buraxılıblar: “Biz MTN-də şərəfli iş görmüşük. Bizim gücümüzə bu gün rahat yaşayırsız. Biz heç kimə hədə-qorxu gəlməmişik, şər-böhtan atırlar. Şər-böhtana görə burada oturmuşuq”. 

Növbəti şahid əvvəl MTN-də, indi isə DTX-da müstəntiq işləyən Rövşən Hüseynov olub. O deyib ki, “Texbikabank”ın sədri Etibar Əliyevin cinayət işi üzrə istintaq aparılarkən iş adamı Akif Qurbanovu tanımayıb. 

Daha sonra V.Ələkbərov MTN-dəki işlərindən danışıb: “Mənim idarəmin 3 müstəntiqi bu gün Bakı Ağır Cinayətlər Məhkəməsində hakimdir. Mövlam Şıxəliyevlə Nadir Mustafayev polisdən, Təhsin Ağayev isə Bakı Hərbi Məhkəməsində katib vəzifəsindən MTN-ə gəliblər. Qalan bütün işçilər mənim yetirməm olub. Rövşən Hüseynovu da mən yetirmişəm”.

V.Ələkbərov vəsatət verərək barəsindəki həbs qətimkan tədbirinin ləğv edilməsini istəyib: “Mən hərbçiyəm, barəmdə  həbs qərarını Səbail rayon məhkəməsi yox, Bakı Hərbi Məhkəməsi seçməli idi. Mən qanunsuz olaraq həbs edilmişəm”.

MTN polkovnikinin vəsatəti təmin edilməyib.

Məhkəmə prosesi aprelin 28-də davam etdirləcək.

ŞƏRH YAZ
0

“Elçibəyi müqəddəsləşdirmək xəstəlikdir” — partiya sədrindən QALMAQALLI AÇIQLAMALAR

“Elçibəyi müqəddəsləşdirmək xəstəlikdir”
18:20
Bu gün
418
Siyasət
A
“Əbülfəz Elçibəyi əvəzolunmaz lider kimi qəhrəmanlaşdırmaq Şərq xəstəliyidir. Əgər xatırlayırsınızsa, bir neçə il öncə Üsamə bin Laden öldürüləndə də onun meyidini gizlətdilər. Əgər gizlətməsəydilər, şərqlilər oranı ziyarətgaha çevirəcəkdi”.

Bu sözləri “Ölkə.Az”a açıqlamasında “Turan mənəvi birliyi”nin rəhbəri, Azərbaycan Xalq Demokratik Partiyasının qurucusu Rafiq Turabxanoğlu bildirib. 

Partiya sədri deyib ki, insanları qəhrəmanlaşdırmaq Azərbaycan xalqının qüsurudur:

“Şəxsiyyətə pərəstiş hamımızın bəlasıdır. Elçibəyi liderləşdirmək ona nə verəcək? Əbülfəz Elçibəy qəbirdədir, bu onun çox da vecinədir! Görünür ki, bəzi adamlar Elçibəy adı ilə nə isə qazanmaq istəyir”. 

R.Turabxanoğlu qeyd edib ki, bəzən Heydər Əliyevlə Əbülfəz Elçibəyin müqayisəsini aparırlar: 

“Bu cür hərəkətlər doğru deyil. Bunu edən cəbhəçilərin bəlkə də 90 faizinin qandığı elə budur.  Bizdə siyasi tərbiyyə kifayət qədər getməyib. Heç bir lideri, o cümlədən Əbülfəz Elçibəyi bu qədər şişirtməyə ehtiyac yoxdur. Bilirsiniz, Biləcəridən ağızı bəri nə qədər üfürürsənsə üfür, tanıyan olmayacaq. Kimi tanıyacaqlar? 1946-cı ildən şəxsiyyətin tanıdılması işinə son verilib. Ancaq bizə hələ indi çatır”.  

Partiya sədri bildirib ki, 1988-ci ildə başlanan siyasi proseslərdə Əbdürrəhman Vəzirovu dəstəkləmək lazım idi:

“Həmin dövrdə mən siyasi prosesləri izləyib görürdüm ki, Əbdürrəhman Vəzirov düzgün oyun qurmağı bacarır. Xalq Cəbhəsi isə buna qarşı çıxırdı. 

Bilirsiniz, Əbülfəz Elçibəy insan kimi dünyaya gəldi və insan kimi də dünyadan köçdü. O, tələb olunanı yerinə yetiridi. Sonradan proseslər mürəkkəbləşdiyi üçün o hakimiyyətdə qala bilmədi. Yəni, həmin vaxtı dünyada geosiyasi vəziyyət dəyişdi. Ona görə də Rusiya Əbülfəz Elçibəyin hakimiyyətdə qalmasına imkan vermədi. Onların hakimiyyəti dünyada gedən prosesləri düzgün anlaya bilmədiyi üçün iqtidarda çox qala bilməyiblər.  

Baxın, Əbülfəz Elçibəy hakimiyyəti atıb qaçmışdı. İnanın ki, o prezidentliyi kefindən atıb getməmişdi. Onu divara dirəmişdilər, deyirdilər ki, getməlisən! Gərək ki, Əbülfəz Elçibəy hakimiyyəti vaxtında düzgün siyasət yürüdəydi. O bunu edə bilmədi və nəticədə hakimiyyətini itirdi. Ümumiyyətlə, onlar hakimiyyətdə təsədüfi adamlar idilər. Güclü siyasi bacarıqları olsaydı, dünyada gedən proseslərə düzgün qiymət verib nəticə çıxarardılar.

Bəzən deyirlər ki, Heydər Əliyev hakimiyyətə gəldi və sairə. Onlara deyim ki, əgər Heydər Əliyev həmin vaxtı hakimiyyətə gəlməsydi, aqibətləri Karen Dəmirçiyandan da pis olacaqdı”.

Zaur Əziz
Ölkə.Az

ŞƏRH YAZ
0

Prezident bu yolun tikintisinə 13,7 milyon manat ayırdı

Prezident bu yolun tikintisinə 13,7 milyon manat ayırdı
18:10
Bu gün
166
Siyasət
A
Prezident İlham Əliyev Şamaxı rayonunun Dəmirçi kəndini İsmayıllı rayonunun Lahıc qəsəbəsi ilə birləşdirən Dəmirçi-Lahıc avtomobil yolunun tikintisinin davam etdirilməsi ilə bağlı əlavə tədbirlər haqqında Sərəncam imzalayıb.

"Ölkə.Az" xəbər verir ki, sərəncama əsasən Şamaxı rayonunun Dəmirçi kəndini İsmayıllı rayonunun Lahıc qəsəbəsi ilə birləşdirən, ümumi uzunluğu 22 kilometr olan Dəmirçi–Lahıc avtomobil yolunun tikintisinin davam etdirilməsi məqsədilə 2018-ci il dövlət büdcəsinin dövlət əsaslı vəsait qoyuluşu xərclərinin bölgüsündə avtomobil yollarının tikintisi və yenidən qurulması üçün nəzərdə tutulmuş vəsaitin 13,7 milyon manatı Azərbaycan Avtomobil Yolları Dövlət Agentliyinə ayrılıb. 

ŞƏRH YAZ
0
BAĞLA