Eldar Mahmudovun atasının adını daşıyan gəmiyə HƏBS QOYULDU

“Ölkə.Az” xarici mətbuata istinadən xəbər verir ki, Almaniyanın Hamburg Commercial Bankı (HC BANK) (köhnə adı “HSH NORDBANK”)  Mübariz Mənsimovun  27 milyonluq kredit borcuna görə rəhbərlik etdiyi  "Palmali Dry Holding" və "Palmali Holding"ə məxsus 6 gəmiyə həbs qoyub. Bu gəmilər içərisində sabiq milli təhlükəsizlik naziri  Eldar Mahmudovun atası Əhməd Mahmudovun adını daşıyan gəmi var. Məhkəmənin qərarı ilə  "Palmali Dry Holding" və "Palmali Holding"ə məxsus “AKHMAD MAHMUDOV”, “RİAD AHMEDOV”, “MIRZAAGA KHALILOV”, “NAKHCHIVAN”, “ISMAYIL SHIKHLY” və “'SHIRVAN” yükdaşıyan gəmiləridir. 

Bildirilir ki, M. Mənsimovun rəhbərlik etdiyi şirkət 2006-cı ildən kredit götürsə də, kredit tamamilə ödənilməyib. Ona görə də bank ən qısa zaman ərzində kreditin müqabilində gəmilərinin banka verilməsi tələbini irəli sürüb. “HC Bank” bununla bağlı olaraq 2018-ci ilin iyul, 2019-cu ilin mart, aprel, may, avqust, dekabr, 2012-ci ilin  yanvar və fevral ayında  "Palmali Holding"ə 8  dəfə  27 milyon dollar kredit borcunu ödəməsini tələb etmək barədə rəsmi müraciət etsə də. nəticəsi olmayıb. Nəticədə bank onun 6 gəmisinin holdiqdən alınaraq borc əvəzi banka verilməsi ilə bağlı məhkəməyə müraciət edib və  məhkəmə də bankın iddiasını təmin edib.

Ölkə.Az