Eldar Mahmudovun atasının adını daşıyan liseyin sökülməsi xəbəri yalan çıxdı

Eldar Mahmudovun atasının adını daşıyan liseyin sökülməsi xəbəri yalan çıxdı
18:40
04.11.2015
7093
Ölkə
A

1992-ci ildən keçmiş milli təhlükəsizlik naziri Eldar Mahmudovun atası akademik Əhməd Mahmudovun adını daşıyan Şərur Türk Liseyinin qarşısındakı akademikə qoyulmuş büstün söküldüyü haqda mətbuatda xəbərlər yayılmışdı.

Bu gün isə mediada lisey binasının tamamilə söküldüyü xəbərləri getdi.

Ölkə.az xəbər verir ki, Naxçıvan Muxtar Respublikasının Şərur rayonunda yerləşən bu liseyin söküldüyü xəbərləri həqiqəti əks etdirmir. Aldığımız məlumata görə, 2008-2009-cu illərdə Eldar Mahmudov tərəfindən 4 milyon manat xərc qoyularaq liseyə yeni korpus tikilib. Təhsil ocağının köhnə binasından isə yataqxana kimi istifadə olunub.

Qeyd edək ki, təxminən 2 ay bundan əvvəl bu yataqxana binası yararsız olduğu üçün sökülüb. Akademik Əhməd Mahmudovun büstü də məhz bu binanın qarşısında olduğundan orada gedən söküntü işləri ilə əlaqədar olaraq olduğu yerdən götürülüb.

Məlumata görə, Eldar Mahmudovun şəxsi təşəbbüsü ilə aradan keçən müddət ərzində lisey bir neçə dəfə yenidən əsaslı təmir olunub.

2013-cü ildə Naxçıvan Muxtar Respublikasının Təhsil Nazirliyinin qərarı ilə Şərur Türk Liseyinin fəaliyyəti dayandırılıb. Şərur Türk Liseyinin də Fəthullah Gülənə aid şəbəkəyə məxsus olduğu heç kimə sirr deyil.

Onu da qeyd edək ki, adı çəkilən təhsil ocağına akademik Əhməd Mahmudovun adının verilməsi Eldar Mahmudovun yüksək vəzifə tutduğu illərdən çox əvvələ təsadüf edir.


Ölkə.az

ŞƏRH YAZ
0

Azərbaycanla Pakistan arasında hərbi əməkdaşlığın inkişafı müzakirə olunub

Azərbaycanla Pakistan arasında hərbi əməkdaşlığın inkişafı müzakirə olunub
20:10
22.03.2019
16028
Ölkə
A
Pakistan İslam Respublikasında rəsmi səfərdə olan Azərbaycan Respublikasının Müdafiə naziri general-polkovnik Zakir Həsənov martın 22-də bu ölkənin Birləşmiş Qərargah rəisləri Komitəsinin sədri general Zübair Mahmud Həyat ilə görüşüb.

Müdafiə Nazirliyindən Trend-ə verilən məlumata görə, görüşdə Azərbaycan ilə Pakistan arasında təhlükəsizlik, müdafiə, hərbi, hərbi-texniki və hərbi təhsil sahələrində, eləcə də terrorizmə qarşı mübarizədə əməkdaşlığın daha da inkişaf etdirilməsi, döyüş hazırlığı, ekspert qrupları səviyyəsində qarşılıqlı səfərlərin təşkili, iki ölkə ordularının bütün qoşun növləri arasında əlaqələrin genişləndirilməsi, habelə qarşılıqlı maraq doğuran digər məsələlər müzakirə olunub.

Ölkə.Az

ŞƏRH YAZ
0

Azərbaycanda böyrək köçürülmüş 900-dən çox insan var

Azərbaycanda böyrək köçürülmüş 900-dən çox insan var
18:38
22.03.2019
4025
Ölkə
A
Hazırda Azərbaycanda böyrək köçürülmüş 900-dən çox insan var və onların dərman təminatını dövlət öz üzərinə götürüb.

Trend-in məlumatına görə, respublikanın şəhər və rayonlarında 44 hemodializ mərkəzi fəaliyyət göstərir. Həmin mərkəzlərdə 3600-dən çox xroniki böyrək çatışmazlığı olan xəstə hemodializ seansları və dərman preparatları ilə təmin edilir.

Səhiyyə Nazirliyinin məlumatına görə, bu gün Azərbaycanda dövlət hesabına hemodializlə müalicə üçün növbədə olan xəstə yoxdur. Hazırda xəstələr 71 adda dərman və tibbi ləvazimatlarla Səhiyyə Nazirliyi tərəfindən tam təmin olunurlar.
Qeyd edək ki, xroniki böyrək çatışmazlığı və ya böyrəklərin xroniki xəstəliyi müxtəlif səbəblərdən böyrəklərin funksiyasının tədricən itməsi və təkrar bərpa olunmaması ilə nəticələnən patoloji haldır.

Böyrəklərin xroniki iltihabi xəstəlikləri, sidik yollarının infeksiyaları, anadangəlmə böyrək anomaliyaları, bir sıra uroloji patologiyalar və böyrək daşı xəstəliyi, şəkərli diabet, hipertoniya xəstəliyi və s. böyrək çatışmazlığı ilə fəsadlaşa bilər.

Xəstəliyin ilk mərhələlərində dərman müalicəsi ilə böyrək çatışmazlığının sonrakı inkişafının və gözlənilən ağırlaşmaların qarşısını almaq mümkün olur. Lakin konservativ müalicə effektsiz olduğu hallarda böyrəklərin artıq itirilmiş funksiyalarını əvəz edə biləcək müalicə üsulları tətbiq olunur ki, bunlara hemodializ, periton dializi və böyrəkköçürmə aiddir.

Ölkə.Az

ŞƏRH YAZ
0
BAĞLA