Eldar Mansurovdan Maestro Niyazi barədə — QALMAQALLI AÇIQLAMA

Eldar Mansurovdan Maestro Niyazi barədə
18:05
22.03.2018
12506
Mədəniyyət
A
Tanınmış bəstəkar, xalq artisti Eldar Mansurov " Space" telekanalında Kamran Həsənlinin aparıcılığıyla yayımlanan "Onda başladıq" verilişində bəzi ifaçıları sərt tənqid edib. Xalq artisti həmçinin Maestro Niyazi barədə qalmaqallı açıqlama verib:

"Klassik estrada janrı və mahnıları çoxdan qurtarıb. Keçmişi basdırdıq, gələcək də hələ doğulmayıb. Hazırda xaos gedir. Hələ bilinmir ki, doğulan oğlan olacaq, yoxsa qız. Doğulsun, böyüsün, nə olduğu bilinəcək. Amma baxıram ki, Azərbaycan estrada musiqisi yoxdur. Əvvəl Azərbaycan bəstəkar mahnılarının öz istiqaməti, üslubu var idi. Baxın, "Eurovision"dakı təmsilçilərimizin ifa etdiyi mahnılar da ingiliscədir. Azərbaycanca oxunan mahnılar da ingilis, fransız mahnılarına oxşayır". 

E.Mansurov aranjemanların da keyfiyyətsiz edildiyini söyləyib:

"Xalq musiqisi istiqamətində yazılanlar isə ya ərəbə, ya özbəyə, ya da əfqana oxşayır. İfaçı gəlir yanıma, mahnı istəyir. Sonra mahnımı aparıb tanınmayan, qeyri-peşəkar aranjimançıya aranjiman elətdirir. Baxıram ki, yalnız nəqarətdə mənim yazdıqlarım var. Deyirəm ki, axı bu adam mənə şərik çıxır, qabırğalıq edir. Elədirsə, ikimizin də adını bəstəkar kimi yazın da. İndi kim kompüteri bilirsə, aranjimançıdır. Rus mahnılarını da "üç badam bir qoz" formasına salıb oxuyuruq. 
Müğənninin bacarığı lirik mahnılarla bilinir, amma dingiliqoz mahnılarla yox. Elariz toylarda oxuyur. Amma ona lirik mahnı verdim-"Gəl sevimli" yar. Klipi bir az efirdə getdi, yığışdırdılar. Camaatın zövqü dəyişib. Amma Elarizi, Nurlan Əzizbəylini çağırırlar ki, ən mahnı oxu. Şanson da lirikadı, çıkıdı-çıkıdı deyil. Savadsız yazarlar elə oxuyanları şanson ifaçısı kimi təqdim edirlər".

Bəstəkar bildirib ki, musiqi bəstələmək üçün təhsil vacib deyil:

"Maestro Niyazi konservatoriya bitirməmişdi. Ona sonradan diplomu hədiyyə etdilər. Heç Vaqif Gərayzadə də konservatoriya məzunu deyil. Amma yaxşı musiqilər bəstələyir".

Qeyd edək ki, həftə içi hər gün 10:00-da efirə çıxan "Onda başladıq" verilişinin informasiya dəstəkçisi "Ölkə.Az" saytıdır.

İntiqam VALEHOĞLU 
Ölkə.Az

ŞƏRH YAZ
0

Sərxan Sərxan: "Sənətdə heç vaxt pul, şöhrət dalınca qaçmamışam"

Sərxan Sərxan:
13:27
20.07.2018
2107
Mədəniyyət
A
"40 ildir sənətdə, səhnədəyəm. Düz 30 il öncə Əməkdar artist fəxri adına layiq görüldüm. Bu il isə mayın 27-də ölkə prezidenti tərəfindən Xalq artisti fəxri adını aldım. İnanın ki, nə o vaxt, nə də indi xəbərim olmuşdu.Hətta dostlarımdan biri zəng vurub təbrik edəndə bildirdim, niyə tələsirsən, ad günümə hələ 20 gün qalır, qayıdıb dedi ki, ad gününü yox, Xalq artisti adını təbrik edirəm."

"Ölkə.Az" Oxu.Az-a istinaən  xəbər verir ki, bunu tanınmış sənətkar, Xalq artisti Sərxan Sərxan deyib.

O qeyd edib ki, sənətdə heç vaxt pul, şöhrət dalınca qaçmayıb. Xalq artistinin sözlərinə görə, sənətə pulun gözü ilə baxmaq düzgün deyil, sənətə sənət naminə gəlmək lazımdır və yalnız o zaman uğur qazana bilərsən.

Tanınmış sənətçi həm adının, həm soyadının Sərxan olmasına da aydınlıq gətirib.

Bildirib ki, gənc vaxtlarından Bakıdan Moskvaya üz tutmalı olub və o vaxt onu təqdim edərkən aparıcı soyadını söyləməkdə xeyli çətinlik çəkməli olub:

“Mənim gözəl soyadım var - Qurbanbəyov. Sərxan da babamın adıdır. Gördüm ki, soyadımı çəkməyə çətinlik çəkir, rus aparıcıya dedim ki, Sərxan Sərxan de (gülür). Elə ötən əsrin 80-ci illərindən də Sərxan Sərxan oldum və belə təqdim edildim.

Eyni zamanda, Sərxan adı o vaxt yeni və az qoyulan adlardan olduğu üçün mənim pərəstişkarım olan azərbaycanlıların - içərisində Rusiyada, ovaxtkı SSRİ-də yaşayan soydaşlarımız da var - bir çoxu övladlarına Sərxan adı verməyə başladılar. İndi həmin sərxanların bir çoxu ailə-uşaq sahibi olublar”.

S.Sərxan mərhum dövlət başçısı Heydər Əliyevlə bağlı maraqlı xatirəsini danışıb:

“Böyük dövlət adamı olan Heydər Əliyev hər zaman sənətə, sənət adamlarına xüsusi diqqət yetirib. Daim dövlət konsertlərindən sonra səhnənin arxasına gələrək sənət adamları ilə görüşüb, söhbətləşib. Bir gün yenə dövlət konsertlərindən biri idi, Heydər Əliyev konsertdən sonra sənət adamları ilə görüşürdü.

Hamı ilə Azərbaycan dilində danışırdı, mənə çatanda isə rus dilində danışdı. Dedim ki, Heydər Əliyevic, mənimlə də azərbaycanca danışın. O da gülə-gülə və özünəməxsus amiranəliklə dedi ki, o zaman sən də azərbaycanca oxu (gülür).

Bu söz məni əməlli-başlı tutdu. Elə həmin gün bir nəfər televiziyada çalışan dostum mənə bir xeyli şeir təqdim etdi. Əksəriyyəti də Tofiq Bayramın şeirləri idi, özü də hamısı gözəl idi.

Onlardan birini, tez bir zamanda hitə çevrilən “Ay gecikən məhəbbətim” şerini seçdim və ona musiqi bəstələdim, elə həmin gün, bir anın içində... Bu mahnım Azərbaycanla yanaşı, Moskvada, keçmiş SSRİ-də də çox məşhur oldu”.

ŞƏRH YAZ
0

Azərbaycanda iki teatra yeni direktorlar təyin olundu

Azərbaycanda iki teatra yeni direktorlar təyin olundu
17:22
17.07.2018
4636
Mədəniyyət
A
Azərbaycandaiki teatra yeni direktor təyin edilib.

"Ölkə.Az"ın "Report"a istinadən xəbərinə görə, Gənc Tamaşaçılar Teatrının keçmiş direktoru Mübariz Həmidov Sumqayıt Dövlət Dram Teatrına direktor təyin olunub. Sumqayıt şəhər İcra Hakimiyyəti başçısının I müavini Teymur Səmədov və Mədəniyyət Nazirliyinin İncəsənət şöbəsinin müdiri İsmayıl Hüseynov Mübariz Həmidovu kollektivə təqdim ediblər.

Sumqayıt Dövlət Dram Teatrının sabiq direktoru İslam Həsənov YUĞ teatrına direktor yeni təyin olunub.Qeyd edək ki, bundan əvvəl YUĞ teatrında direktor əvəzi vəzifəsini Kukla Teatrının direktoru Rəşad Əhmədov icra edirdi.

ŞƏRH YAZ
0
BAĞLA