Əldə bir qədəh şərab
“Ölkə.Az” xarici mətbuata istinadən digər dünya liderlərinin də sevdiyi spirtli içkilərinin siyahısını təqdim edir.
II Yelizaveta
92 yaşlı kraliça gündəlik spirtli içki qəbul edir. Səhər saatlarında Yelizaveta bir stəkan cin içməyə üstünlük verir - bol buz və bir dilim limon ilə. Naharda o, bir qədəh martini ilə bir qədəh turş qırmızı şərabın qarışığını içir. Axşam Britaniya Kraliçası yatmazdan əvvəl bir qədəh şampan şərabı qəbul edir.
ABŞ prezidenti Donald Tramp və Barak Obama
Bir zamanlar Donald Tramp “Tramp” markası ilə araq istehsal etmək istəyirdi. Lakin Trampın özü içmədiyini və alkoqol dadmadığını dəfələrlə bəyan edib. Xatırladaq ki, onun qardaşı cavan yaşında alkoqolizmdən vəfat edib.
Lakin ABŞ-ın əvvəlki lideri Barak Obama pivəni çox sevir. Xüsusilə, ballı, açıq rəngli pivə (Ell) onun ən sevimli içkisidir. Hətta o, 2011-ci ildə Ağ evdə balaca pivə hazırlanan məkan inşa etdirmişdi. Orada prezident üçün xüsusi olaraq ballı pivə hazırlanırdı.
Fransa prezidenti Emmanuel Makron
Əlbətdəki Fransa prezidentinin ən sevimli içkisi çaxırdır. Makron gündə iki dəfə - günorta və axşam qırmızı və ya ağ turş şərab içdiyini açıqlayıb. O, hər bir fransız kimi şərab aşiqidir.
Almaniya kansleri Angela Merkel
Hər bir alman kimi, Angela Merkel də pivə pərəstişkarıdır. O, sevimli içkisini yalnız gündəlik deyil, həm də iş yerində içir. Xanım Merkel açıq rəngli pivəyə üstünlük verir. Onun pivə köpüyü sevgisi o qədər məşhurdur ki, bəziləri hətta Almaniyanın başçısının içki aludəçisi olduğunu da iddia edir.
Çin lideri Si Tszinpin
ÇXR rəhbərinin şəxsi həyatı hər zaman gizli saxlanılır. Lakin Çin rəhbərini rəsmi qəbullarda bir qədəh şərab ilə görmək olar. Ancaq pivə ilə onu indiyə qədər görən olmayıb.
Rusiya Prezidenti Vladimir Putin
Rusiya liderini tanıyan hər kəs onun spirtli içki azarkeşi olmadığını söyləyir. Lakin Putin də pivəyə qarşı biganə qala bilməyən rəhbərlərdəndir. Zaman – zaman o, yüngül, açıq rəngli pivənin dadına baxmağı xoşlayır.
Vüsalə Balayeva
Ölkə.Az
