"Elə bir fırtına qopararam ki..." — AXCP sədri Razi Nurullayevin seçkilərlə bağlı açıqlama

14:30
11.01.2018
4700
Siyasət
A
"Bir neçə ay ərzində bütün dünyanı dolanıb, elə bir fırtına qopararam ki, qarşısı alınmaz siyasi dalğa yaranar. Elçibəyin malik olduğu yüksək dəyərləri siyasətə qaytaracağıq".

"Ölkə.Az" xəbər verir ki, bu sözləri AXCP sədri Razi Nurullayev deyib.

Razi Nurullayev bildirib ki, alternativ seçki nəticələrimizin BMT-də müzakirəyə çıxarılmasını və qərarın da qəbul olunmasına bacarığımızdan əminəm:

"Əfsuslar ki, xalqımız xarici siyasətçinin bir ümidverici sözünü cümlə müxalifətin yüz sözündən daha üstün tutur. Vətəndaşlar başqa ölkələrdə olduğu kimi bizim seçkilərə dəyişiklik kimi baxmırlar. Hazırlıqlarımız davam edir və seçkidə də iştirakımız qətidir.

Bizi narahat edən ölkədə seçki ab-havasının olmaması, vətəndaşların passivliyi və seçkiyə inamının azalmasıdır. İndi gərək ölkədə siyasi həyat qaynar qazana bənzəyəydi. Bir tərəfdən, siyasi həyat zəifləyib, iqtidar müxalifətin seçki gündəmini çək-çevir etməsində maraqlı deyil, seçicilər də daha çox sosial həyatlarının yaxşılaşmasında maraqlıdırlar.

Təəssüflər olsun ki, vətəndaşlar başqa ölkələrdə olduğu kimi seçkilərə dəyişiklik kimi baxmırlar. Bütün bunlara baxmayaraq, seçki mühitinin yaradılması üçün əlimizdən gələni edirik və kifayət qədər nəticə də var. Bunu sosial şəbəkələrdə get-gedə artan fəallıqla görmək olar.
Düşüncəm ondan ibarətdir ki, insanların inamını qaytarmaq və seçki mühiti yaratmaq üçün iqtidarın, prezidentin və komandasının tənqidi yetərli deyil. Əslində, rejim, diktatura, rüşvətxorluq və korrupsiya sözlərini hər gün təkrar etməklə, hakimiyyəti oğru adlandırmaqla, ölkəni büsbütün mazuta batan görməklə, pafoslu çıxışlarla xalqı inandırmaq və fəallaşdırmaq mümkün deyil. Mən proqram və fərqliliklərlə xalqın önünə çıxmağın və ona seçim imkanı tanımağın tərəfdarıyam. Əgər xalq liderə və onun proqramına inansa, səsini də qorumaq üçün hərəkətə keçər.

Digər müxalif partiyaların bostanına daş atan AXCP sədri qeyd edib ki, xalq eyni tənqidləri və tutuquşu kimi eyni sözlərin təkrarını eşitməkdən bezara gəlib:

"Elə bu baxımdan biz strategiyanı dəyişmişik və xalqla təmasımız proqramımız və ölkədə hansı dəyişiklikləri görmək istəyimiz müstəvisində qurulur. Kifayət qədər interaktiv təmaslarımız var. İnanıram ki, daha sıx bağlantılar yaratmaq imkanları tükənməyib, xalqı seçkiyə gəlməyə və seçdiyi proqramı dəstəkləməyə inandıra biləcəyik.

Seçkini ölü nöqtədən çıxarmağın daha iki qolu üzərində işləyirik. Birincisi, beynəlxalq aləmin, beynəlxalq təşkilatların Azərbaycanda keçiriləcək seçkilərə maraq göstərməsi vacibdir. Əfsuslar ki, bəzən xalqımız onların bir ümidverici sözünü cümlə müxalifətin yüz sözündən daha üstün tutur. Hazırda beynəlxalq aləm susqundur və bunu dəyişmək üçün səylər göstərirəm.

Məsələ burasındadır ki, bizlər Əbülfəz Elçibəy kimi xalqın sevgisinin zirvəsinə qalxa bilməmişik. Onun üçün də yerli siyasətçilərin sözündən daha çox beynəlxalq aləmdən gələn mesaja xalq inanır. Bunun dəyişilməsi üçün xeyli çabalarımız və nəticələrimiz var.

Problem isə ondadır ki, eyni adda iki partiya var, həm mən, həm Əli Kərimli AXCP adına iddia edir, bu da effektiv əlaqələr qurmağa maneçilik törədir. Əslində isə, mənim beynəlxalq aləmlə iş qabiliyyətim və bacarığım yüksək səviyyədədir.

Bir neçə ay ərzində bütün dünyanı dolanıb, elə bir fırtına qopararam ki, qarşısıalınmaz siyasi dalğa yaranar. İnşallah, bunun da bir hüquqi və digər yollarını arayıram və əminəm ki, nəticə olacaq. Məhkəmələrin isə hər iki tərəfi havada saxlaması yolverilməzdir. Mütləq bu məsələnin bir hüquqi çözümü lazımdır.

İkinci çözüm isə, özümüz tərəfindən seçki günü alternativ seçkinin keçirilməsidir. Bu alternativ seçki dediyimiz - seçki ilə “exit-poll” arasında olan bir təsisatdır. Biz seçicilərimizi seçki məntəqələrinə gətiririk, onlar səs verir, çölə çıxan zaman isə bizə səs verməsi ilə bağlı uygun sənədi imzalayır və biz bu nəticələr tanınmazsa, onu BMT səviyyəsinə çıxarırıq.

Bunu necə edəcəyik və BMT-yə necə çıxaracağıq? Bunu sirr kimi saxlayıram ki, önləyici tədbirlər həyata keçirilə bilməsin, amma BMT-də bunun müzakirəyə çıxarılmasına və qərarın da qəbul olunmasına bacarığımız, bilik və savadımız yetər".

Səxavət Məmməd
Ölkə.Az

ŞƏRH YAZ
0

"Ultimativ tərzdə Azərbaycanla danışmaq qəbuledilməzdir" — XİN Rusiyaya cavab verib

20:43
Bu gün
201
Siyasət
A
Azərbaycanla ultimativ tərzdə danışmaq qəbuledilməzdir və diplomatik etik qaydalara tamamilə ziddir.

"Ölkə.Az" xəbər verir ki, bu barədə Azərbaycan Xarici İşlər Nazirliyinin Mətbuat Xidmətinin Rusiya tərəfinə cavabında bildirilib. 

Məlumatda deyilir: "Rusiya Federasiyası Xarici İşlər Nazirliyinin Mətbuat xidmətinin bu ölkənin bəzi vətəndaşlarının Azərbaycana buraxılmamasına dair yanvarın 18-də mətbuat üçün məlumatı ilə tanış olduq. Buna cavab olaraq bildiririk ki, Azərbaycan və Rusiya bərabərhüquqlu suveren dövlətlərdir, Azərbaycanla ultimativ tərzdə danışmaq qəbuledilməzdir və diplomatik etik qaydalara tamamilə ziddir. Azərbaycan Respublikası Xarici İşlər Nazirliyinin mətbuat xidməti tərəfindən məsələ ilə əlaqədar verilən şərhlərin tərzi Rusiya Xarici İşlər Nazirliyinin mətbuat xidmətinin verdiyi açıqlamaya tam adekvat idi. Bir daha bildiririk ki, yalnız 2018-ci il ərzində 880.000 nəfərdən artıq Rusiya vətəndaşı Azərbaycan Respublikasına səfər edib və onların mütləq əksəriyyəti bu səfərdən razı qalıb, göstərilən qonaqpərvərliyə görə təşəkkürlərini ifadə ediblər. Rusiya Xarici İşlər Nazirliyinin mətbuat xidmətinin bu məsələ ilə bağlı anlaşılmaz inadkarlığı başa düşülən deyil, Azərbaycan-Rusiya strateji əlaqələrinin mahiyyətinə ziddir. Həmçinin Azərbaycan və Rusiya prezidentlərinin iki ölkə arasında əlaqələrin inkişafı üçün nümayiş etdirdiyi iradə və gördükləri işlərlə heç bir halda uzlaşmır. Bir daha bildiririk ki, Rusiya XİN-in mətbuat xidməti tərəfindən atılacaq addımlara mütənasib olaraq Azərbaycan tərəfindən də adekvat tədbirlərin görülməsi müəyyən ediləcək”.

Ölkə.Az

ŞƏRH YAZ
0

Zimbabvenin Prezidenti Azərbaycanda səfərdədir

Zimbabvenin Prezidenti Azərbaycanda səfərdədir
18:51
Bu gün
1365
Siyasət
A
Zimbabve Respublikasının Prezidenti Emmerson Mnanqaqva yanvarın 18-də Azərbaycan Respublikasına işgüzar səfərə gəlib.

"Ölkə.Az" xəbər verir ki, hər iki ölkənin dövlət bayraqlarının dalğalandığı Heydər Əliyev Beynəlxalq Aeroportunda ali qonağın şərəfinə fəxri qarovul dəstəsi düzülüb.

Zimbabve Respublikasının Prezidenti Emmerson Mnanqaqvanı hava limanında Azərbaycan Respublikası Baş nazirinin birinci müavini Yaqub Eyyubov, xarici işlər nazirinin müavini Ramiz Həsənov və digər rəsmi şəxslər qarşılayıblar. 

Ölkə.Az

ŞƏRH YAZ
0
BAĞLA