Elektrik enerjisindən istifadə qaydaları dəyişdirildi

Elektrik enerjisindən istifadə qaydaları dəyişdirildi
09:21
21.10.2018
10512
İqtisadiyyat
A
Nazirlər Kabineti "Elektrik enerjisindən istifadə Qaydaları"na dəyişikliklər edib.

"Ölkə.Az"ın məlumatına görə, bu barədə qərarı Baş nazir Novruz Məmmədov imzalayıb.

“Elektrik və istilik enerjisi, habelə qaz təchizatı sahəsində nəzarətin həyata keçirilməsi Qaydası”nın təsdiq edilməsi haqqında” Azərbaycan Respublikası Prezidentinin 2018-ci il 16 iyul tarixli 204 nömrəli Fərmanının 2.2-ci bəndinin icrasını təmin etmək məqsədi ilə Azərbaycan Respublikasının Nazirlər Kabineti Qərara alır:

3.2-ci bəndin ikinci cümləsində “layihə və tələb olunan həcmdə texniki təhviltəslim sənədlərini” sözləri “bu Qaydaların 3.2-1-ci bəndində göstərilən sənədləri” sözləri ilə əvəz edilsin; aşağıdakı məzmunda 3.2-1-ci bənd əlavə edilsin: “Enerji Məsələlərini Tənzimləmə Agentliyi tərəfindən 150 kVt-dan yuxarı elektrik qurğularının istismarına buraxılış aktı vermək üçün texniki baxış sifarişçilərin təqdim etdiyi aşağıdakı sənədlər əsasında keçirilir: enerji təchizatı müəssisəsinin və ya dövlət elektroenergetika müəssisəsinin verdiyi texniki şərtlər; Enerji Məsələlərini Tənzimləmə Agentliyi və enerji təchizatı müəssisəsi ilə razılaşdırılmış enerji təchizatı layihəsi; tikinti-quraşdırma işlərini aparmış şəxslə sifarişçi arasında təhvil-təslim aktı; elektrik təsərrüfatına cavabdeh şəxsin təyin olunması barədə əmrin surəti; kontur torpaqlama müqavimətinin ölçülməsi protokolu; transformatorun və avadanlıqların sınaq-sazlama protokolu; elektrik verilişi xəttinin sınaq protokolu və qapalı işlər aktı; elektrik sayğacının quraşdırılması aktı”.

Ölkə.Az

ŞƏRH YAZ
0

Maaş artımı inflyasiya və devalvasiyaya səbəb olacaq? — Ekspertlər aydınlıq gətirdi

Maaş artımı inflyasiya və devalvasiyaya səbəb olacaq?
05:00
Bu gün
332
İqtisadiyyat
A
Ötən gün Prezident İlham Əliyevin imzaladığı sərəncama əsasən, minlərlə insanın maaşı artıb. Ekspertlər deyir ki, ümumilikdə son aylarda imzalanan sərəncamlardan iki milyon insan faydalanıb. Lakin son sərəncamlardan sonra Azərbaycanda inflyasiya olacağı, qiymətlərin artacağına dair söz-söhbətlər gəzir.

"Ölkə.Az" bildirir ki, oxu.az-ın əməkdaşı bu söz-söhbətlərə aydınlıq gətirmək üçün ekspertlərlə əlaqə saxlayıb. 

Milli Məclisin İqtisadi siyasət, sənaye və sahibkarlıq komitəsinin üzvü, iqtisad elmləri doktoru, professor Rüfət Quliyev saytımıza açıqlamasında bildirib ki, maaşların artımı labüddür:

“Prezident İlham Əliyevin sərəncamları sosial rifahın yaxşılaşdırılmasına hesablanıb. Maaşların artması müəyyən qədər qiymətlərə də təsir edəcək. Bu, o demək deyil ki, maaş artan kimi qiymətlər kəskin artacaq. Xeyr. Müəyyən müddətdən sonra istehsal olunan mallara cüzi təsiri ola bilər.

Dövlət kifayət qədər antiinflyasiya metodlarına əl atır ki, iqtisadi artım, tədarük balansı müsbət olsun, qeyri-neft sektoru inkişaf etsin və neftin qiyməti 60 dollar civarında davam etsin. Bu bizə kifayət edir ki, iqtisadiyyatda müsbət hal olsun və sosial məsələlər də öz nəticəsini göstərsin”.

Deputat qeyd edib ki, inflyasiyanın artacağı, devalvasiya olacağı barədə gəzən fikirlər yanlışdır:

“Hansı mallar Azərbaycana xaricdən gətirilirsə, bəzi “işbazlar” onların qiymətini kəskin qaldırmağa çalışa bilərlər. Bunun üçün İqtisadiyyat Nazirliyi yanında Antiinhisar Siyasəti və İstehlakçıların Hüquqlarının Müdafiəsi Dövlət Xidməti tədbirlər görməlidir”.

İqtisadçı ekspert Elşad Məmmədov bildirib ki, Azərbaycanda əməkhaqlarının artırılması ilə bağlı imzalanan sərəncamlar çox ciddi sosial-iqtisadi məna daşıyır:

“Bir çox ekspertlərin çıxışlarında da qiymət artımı ilə bağlı narahatlıqlar ifadə olunur. Azərbaycanda inflyasiya təhlükəsi və iqtisadiyyatda yarana biləcək problemlərlə bağlı hər hansı bir fikir bildirmədən öncə iqtisadi proseslərin ciddi elmi əsaslarla təhlili həyata keçirilməlidir.

Ölkəmizdə müstəqillik dövründən bəri formalaşan inflyasiyanın təbiəti bizə deməyə əsas verir ki, dövlət əlində olan antiintisar tədbirləri və digər mexanizmlərdən istifadə edərsə, əməkhaqqı paketinin inflyasiyaya heç bir təsiri olmayacaq.

Azərbaycanda mövcud olan inflyasiya əlavə pul kütləsi ilə bağlı olan inflyasiya deyil. Bu, təklif inflyasiyasıdır və iqtisadiyyata heç bir təsiri olmayacaq”.

Ekspert süni qiymət artımı ehtimallarından da danışıb.

“Bir sıra hallarda Azərbaycana məhsullar daxil olan zaman bəzi işbazlar süni qiymət artımına yol verirlər. Bunlar nə gömrük rüsumları, nə də məhsulu aldıqları yerdə qiymət artımı ilə izah oluna bilər.

Bunun bir səbəbi var: işbazlar tərəfindən qiymətlərin hədsiz dərəcədə artırılması. Bəzi işbazlar ölkədə maaş artımından istifadə edərək qiyməti artırmağa cəhd edə bilərlər. Amma bu, fundamental əsas deyil. Bunun qarşısını almaq üçün dövlət mexanizmi var. Hesab edirəm ki, inflyasiya təhlükəsi ilə bağlı yanaşma yanlışdır”, - deyə iqtisadçı qeyd edib.

Ölkə.Az

ŞƏRH YAZ
0

“2016-2017-ci illər ölkəmiz, ölkə iqtisadiyyatı üçün kifayət qədər çağırışlarla dolu illər olub” — Samir Şərifov

“2016-2017-ci illər ölkəmiz, ölkə iqtisadiyyatı üçün kifayət qədər çağırışlarla dolu illər olub”
02:45
Bu gün
948
İqtisadiyyat
A
“2008-ci ildən başlayaraq sosial tədbirlərin ardıcıl şəkildə keçirilməsi baş verir. Bu nə ilə bağlıdır? Bildiyiniz kimi 2016-2017-ci illər ölkəmiz, ölkə iqtisadiyyatı üçün kifayət qədər çağırışlarla dolu illər olub. 2016-cı ildə ölkəmizdə iqtisadi artım mənfi məcraya yönəlmişdisə, 2017-ci ildəartıq ölkəmizdə iqtisadi artım müsbət trayektoriyaya qayıtmışdı. Yəni 0,1% iqtisadi artım əldə edilmişdi”.

"Ölkə.Az" bildirir ki, bunu AzTV-də yayımlanan “Günün Nəbzi” proqramında çıxış edən Azərbaycan Maliyyə naziri Samir Şərifv deyib.

S.Şərifovun sözlərinə görə, 2018-ci ildən başlayaraq müsbət dinamika əldə edildikcə, makroiqtisadi sahədə iqtisadiyyatın tarazlaşdırılması istiqamətində əldə etdiyi uğurlar nəticəsində bir slra sosial addımların atılmasına başlanıb:

“2018-ci ilin ilk aylarında prezident İlham Əliyev tərəfindən əmək haqlarının artırılmasına dair bir sıra sərəncamlar imzalanmışdı və bu sırəncmlarla o vaxt əmək haqları, təqaüdlər, sosial müavinətlər və s. 10% artrılmışdı. Bu məqsədlər üçün 2018-ci ilin dövlət büdcəsində 500 mln. manatdan artıq vəsait sərf edilib. 2019-cu ildə bu siyasət davam etdirilib. Cari ilin mart-aprel aylarında ilk sosial tədbirlər paketi bəyn edilmişdi və onun həyata keçirilməsinə başlanılmışdı. Bu kifayət qədər böyük miqyasda idi. Minimum əməkhaqqı 130 manatan 180 manata artırılmışdı və bununla yanaşı minimum pensiyanın məbləği də 160 manata çatdırılmışdı. O vaxt bu rəqəm 116 manat idi. Ndeksasiyanı da nəzərə alsaq 120 manat idi. Prezidentin sərəncamlarına əsasən təkcə bu tədbirlərin həyata keçirilməsinə dövlət büdcəsindən 340 mln. manat vəsait ayrılmışdı”.

Ölkə.Az

ŞƏRH YAZ
0
BAĞLA