Fələstin Vaşinqtondakı səfirini geri çağırıb
Fələstin ABŞ-dakı səfirini geri çağırıb.
"Ölkə.Az" “Ria Novosti”yə istinadən xəbər verir ki, bu barədə Fələstin XİN-in bəyanatında bildirilir.
Bəyanatda qeyd olunur ki, bu addım ABŞ səfirliyinin Tel-Əvivdən Qüdsə köçürülməsinə cavab olaraq atılıb. XİN səfirin artıq mayın 16-da vətəninə dönəcəyini bildirib.
Qeyd edək ki, Türkiyənin İsraildəki səfiri də geri çağırılıb.
Türkiyə prezidenti Rəcəb Tayyip Ərdoğan İsraili terrorçu ölkə, fələstinlilərə qarşı əməllərini isə soyqırımı adlandırıb.
Qəza zolağında İsrail hərbçiləri ilə toqquşmalarda ölənlərin xatirəsinə Türkiyə və Fələstində üçgünlük matəm elan edilib.
Ölkə.Az