"Ələt azad iqtisadi zonası haqqında" qanun layihəsi I oxunuşda qəbul edildi

17:30
13.02.2018
673
Siyasət
A
Milli Məclisin bu gün keçirilən plenar iclasında "Ələt azad iqtisadi zonası haqqında" qanun layihəsi müzakirə olunaraq I oxunuşda təsdiqlənib.

“Ölkə.Az” xəbər verir ki, qanun Azad Zonanın fəaliyyətinin, inkişafının və idarə edilməsinin hüquqi rejimini müəyyən edir.

Azad Zonanı müvafiq icra hakimiyyəti orqanı yaradır və orada azad zona qanunvericiliyi tətbiq edilir. Bu qanunvericiliklə əsas iqtisadi qanunvericiliyi arasında ziddiyyət yaranarsa, azad zona qanunvericiliyi üstün tutulur.

Azad Zonada hüquqi şəxslərin nizamnamə kapitalının və investisiya qoyuluşunun 100%-nin xarici hüquqi və fiziki şəxslərə məxsus olmasına məhdudiyyət qoyulmur.
Azad Zona səlahiyyətli qurumu, Azad Zona inzibati müəssisələri, Azad Zona hüquqi şəxsləri və onların işçiləri, Azad Zona rezidentləri azad zonada fəaliyyətlərinə aid olan bütün vergilərdən azaddırlar.

Azad Zonaya idxal edilən mallara, işlərə, xidmətlərə görə gömrük rüsumları və vergilər ödənilmir. Mallar, işlər, xidmətlər Azad Zonadan əsas iqtisadiyyata ixrac edildikdə, bu cür ixrac edilmiş mallara, işlərə, xidmətlərə əsas iqtisadiyyat qanunvericiliyinin müddəaları tətbiq edilir.

Əsas iqtisadiyyat gömrük idarəsi Azad Zonada gömrük qaydalarının tətbiq edilməsi üçün gömrük idarəsi yaradır. Gömrük idarəsi öz fəaliyyətini Azad Zonanın strateji məqsədlərinə, qabaqcıl beynəlxalq təcrübəyə və Azad Zona qanunvericiliyinə uyğun həyata keçirir.

Azad Zonada fəaliyyət göstərmək hüququ əldə etmiş Azad Zona hüquqi şəxslərinə hər hansı milliləşdirmə, müsadirə tədbirləri və ya özəl mülkiyyətə aid hər hansı digər məhdudiyyət tətbiq edilə bilməz.

İnvestorlar, səhmdarlar, Azad Zona rezidentləri, Azad Zona hüquqi şəxsləri Azad Zonaya investisiya qoymaq və fəaliyyətlərindən əldə etdikləri pul vəsaitlərini məhdudiyyətsiz xaricə köçürmək hüququna malikdirlər.

İnvestorların, səhmdarların, Azad Zona rezidentlərinin, Azad Zona hüquqi şəxslərinin və onların işçilərinin, heç bir məhdudiyyət olmadan, hər hansı xarici valyuta ilə işləməyə və əməliyyatlar aparmağa hüququ var.

Vasif Həsənli
Ölkə.Az

ŞƏRH YAZ
0

TÜRK PA Türkiyədəki seçkiləri müşahidə edəcək

TÜRK PA Türkiyədəki seçkiləri müşahidə edəcək
18:35
Bu gün
244
Siyasət
A
Türkdilli Ölkələrin Parlament Assambleyasının (TÜRK PA) beynəlxalq müşahidəçilər missiyası Türkiyədə iyunun 24-də keçiriləcək növbədənkənar prezident və parlament seçkilərini izləyəcək.

"Ölkə.Az" xəbər verir ki, TÜRK PA-dan "Report"a verilən məlumata görə, missiyanın tərkibinə Qazaxıstan, Qırğızıstan və Azərbaycan parlamentlərinin üzvləri daxildir.

Müşahidəçilər səsverməni yerində izləmək üçün Ankarada bir neçə müşahidə məntəqələrini ziyarət edəcək.

İyunun 22-də müşahidəçilər missiyasının Respublika Xalq Partiyasının (CHP) sədr müavini Tekin Bingöl, Yüksək Seçki Şurasının Sədri Sadi Güven, Milliyyətçi Hərəkət Partiyasının (MHP) sədr müavini Mevlüt Karakaya, Ədalət və İnkişaf Partiyasının sədr müavini (AKP) Naci Bostancı ilə görüşləri nəzərdə tutulur.

İyunun 25-də isə TÜRK PA missiya üzvləri seçkilərin yekununa dair mətbuat konfransı keçirəcək.

ŞƏRH YAZ
0

Xəzər dənizində başqa ölkələrin hərbi mövcudluğu qadağan edilir

Xəzər dənizində başqa ölkələrin hərbi mövcudluğu qadağan edilir
18:23
Bu gün
325
Siyasət
A
Xəzərin hüquqi statusuna dair konvensiya layihəsi barədə sənəd Rusiya prezidentinə təqdim edilib.

“Ölkə.Az” xəbər verir ki, layihəyə əsasən, iştirakçı ölkələr sualtı borulardan istifadə edə biləcəklər.

Konvensiya layihəsinin 14-cü maddəsində deyilir: “Tərəflər Xəzərin dibindən sualtı kabel və borular çəkə bilərlər”. Bununla yanaşı qeyd edilir ki, layihə ekoloji tələb və standartlara uyğun olmalıdır.

Boru çəkən ölkələr konvensiya iştirakçılarını iş gedən rayonun koordinatları ilə məlumatlandırmalıdırlar.
Xəzərin hüquqi statusu ilə bağlı Konvensiyanın iştirakçıları bu sənədə tərəf olmayan ölkələrin silahlı qüvvələrinin Xəzər dənizində mövcud olmaması prinsipinə sadiq qalmalıdır.

Layihədə bildirilir ki, Xəzər dənizində sahilyanı ölkələrin fəaliyyəti ərazi bütövlüyü, suverenliyə hörmət, güc tətbiq etməmək və güc tətbiqi ilə hədələməmək, qarşılıqlı hörmət, əməkdaşlıq və bir-birinin daxili işlərinə qarışmamaq prinsipləri əsasında tənzimlənəcək. 

Tərəflər Xəzər dənizindən sülh məqsədilə istifadə edəcəklər, problemləri sülh yolu ilə qaydasına salacaqlar, Xəzərdə silahlanma balansını qoruyacaqlar, hərbi quruculuğu Konvensiyanın bütün tərəflərinin maraqları nəzərə alınmaqla, məqbul ölçüdə həyata keçirəcəklər.
 
Tərəflər öz ərazilərini Konvensiya ölkələrinə qarşı təcavüz və hərbi əməliyyat məqsədilə açmayacaqları barədə öhdəlik götürüblər.

Hikmət Həsənov
Ölkə.Az

ŞƏRH YAZ
0
BAĞLA