Elgizin verilişində Elnarə ilə Aysel arasında gərginlik — "Öz rəfiqəmi boşatdırmışam" - VİDEO

Elgizin verilişində Elnarə ilə Aysel arasında gərginlik
12:00
21.04.2017
199
Maqazin
A
"Ona "bu adamdan sənə ər olmaz" demişəm, 7 illik ailə dağılıb"

ARB TV-də Elgiz Əkbərin təqdimatında yayımlanan "Elin gözü" verilişində gərgin anlar yaşanıb.

"Ölkə.Az"-ın məlumatına görə, verilişin bu dəfəki buraxılışında ailədaxili problemlər, çoxuşaqlı ailələrin yaşadığı çətinliklər müzakirə olunub. Verilişdə iştirak edən məşhurlar arasındakı müzakirələr zaman-zaman mübahisələrə səbəb olub. Müzakirələr zamanı müğənni Elnarə Xəlilova ilə yazıçı-jurnalist Aysel Əlizadə arasında yaranan gərginlik də diqqətdən yayınmayıb. 

Yazıçı-jurnalist Aysel Əlizadə verilişə qatılan ailənin vəziyyəti haqda bunları söyləyib:

"Biraz ayrı qalmalıdırlar. Bəlkə, 5-10 gün sonra oğlan özü sakitləşəcək. Zamanla düşünəcək, doğru qərarı verəcək. Oğlanı psixoloqa apara bilərik. Hərə öz səhvini görər. Ailədə hər cür söz-söhbət olur. Təhqiri, zorakılığı bağışlamaq olmaz. Adam istəmirsə, onları barışdırmaq olmaz. 4 qızın xətrinə o ailə dağılmalıdır. Çünki uşaqlar normal ailədə böyüməlidir. Sağlam valideyn tərbiyə etməlidir. Elə adam var ki, ona nə eləsən də qabında o var".

Elnarə Xəlilova isə ailəni bir arada tutmağın vacibliyindən danışıb:

"Ailə dağıtmaq 1 saniyədə belə olar, amma qurmağa çox zaman lazımdır. Əlimizdə olanların dəyərini bilmirik. Hər zaman xanımlara dəstək olmuşam. Elə situasiya olur ki, ər içir gəlir evə, pul qazanmır, döyür, söyür. Mən belə hallarda qadına haqq verirəm, buna dözmək olmaz. Mən öz rəfiqəmə "boşan" sözünü demiş, məsləhət vermiş adamam. Onu boşatdırmışam, ona "bu adamdan sənə ər olmaz" demişəm, 7 illik ailə dağılıb. İndiki situasiyada görürəm ki, məsələni burada həll etmək olar. Məqsədimiz odur ki, bu ailə dağılmasın. Mən də anayam, mənim də 4 övladım var. Mənim də yoldaşımın işdən əsəbi, ac gəldiyi, əlinin gətirmədiyi vaxtlar olur. Hər xırda şey olanda durub ailəmi dağıtmalıyam? Mən özümü elə aparmaram ki, o məni təhqir etsin. Sən ərinin sözünə qulaq asmalısan. Evdə böyük atadır, ərdir. Hər şey qadının əlindədir. Mən ailə dağıtmağın tərəfdarı deyiləm. Bu mənim mövqeyimdir. Heç olmasa o uşaqların xatirinə nəsə etmək olar". 

Aysel Əlizadə Elnarə Xəlilovanın söylədiyi fikirlərə etiraz edib: 

"Elnarə xanım, siz sənətçisiniz, sizin ruhunuz daha azad olmalıdır. Bir insan xoşbəxt olmadığı yerdə niyə qalmalıdır? Elə qadınlar var ki, övladını atalı-analı uşaqlardan daha tərbiyəli böyüdür. Mənim nənəm 3 qız böyütmüşdü, 3-ü də bir-birindən savadlı, ağıllı". 

Ölkə.Az

ŞƏRH YAZ
0

Ahu Tuğba etiraf etdi: “Xidmətçim və rəfiqələrim ərə getdiyim kişilərdən hamilə qalıb”

Ahu Tuğba etiraf etdi: “Xidmətçim və rəfiqələrim ərə getdiyim kişilərdən hamilə qalıb”
18:29
19.05.2018
7660
Maqazin
A
Məşhur aktrisa Ahu Tuğba özəl həyatı ilə bağlı müsahibə verib.

“Ölkə.Az” xəbər verir ki, Ahu bu illər ərzində neçə dəfə ərə getdiyini xatırlamadığını deyib. O, bütün ərləri tərəfindən aldadıldığını etiraf edib.

Ahu atası ilə görüşmədiyini bildirib:
“11 yaşımdan atamı görmürəm. “Adımızı ləkələdin” deyərək mənə arxasını çevirdi. Mən də ondan intiqam almaq üçün aktrisa oldum”.

Aktrisa ərə getdiyi insanların rəfiqələri, hətta xadimələri ilə yatağa girdiyini etiraf edib: “Rəfiqələrimin hamilə qaldığı ərlərim olub”.

Ahu Tuğba eyni zamanda şiddətdən də bəhs edib:
“Zamanında çox şiddət gördüm. Kişinin əli bir dəfə qalxsa, davamı gələcək. Həyatım başdan-ayağa dramdır”.

Hikmət Həsənov
Ölkə.Az

ŞƏRH YAZ
0

Xəstəlik Musa Yaqubu bu hala salıb — FOTO

Xəstəlik Musa Yaqubu bu hala salıb
14:12
19.05.2018
8523
Maqazin
A
Məşhur şair Musa Yaqubun səhhəti ağırlaşıb.

 "Ölkə.Az"ın məlumatına görə, ötən gün xalq şairi Sabir Rüstəmxanlı İsmayıllının Buynuz kəndinə gedərək, həmkarına baş çəkib. Rüstəmxanlının qardaşı şairlərin görüşündən çəkilmiş fotonu paylaşaraq bunları yazıb: 

"Bu gün İsmayıllı rayonunun Buynuz kəndində ailəmizə çox yaxın olan, Azərbaycanın görkəmli şəxsiyyəti, çox hörmətli şairi Musa Yaqubu qardaşlarımla, Sabir Rüstəmxanlı və Mədət Rüstəmxanlı ilə birlikdə ziyarət etdik. Musa əmi biraz nasaz idi. Allah şəfasını versin. Söz verdi ki, növbəti dəfə gələndə sizi ayaq üstə, sağlam qarşılayacağam".

Qeyd edək ki, səksən yaşlı məşhur şair uzun müddətdir bir neçə xəstəlikdən əziyyət çəkir. 

İntiqam VALEHOĞLU
Ölkə.Az

ŞƏRH YAZ
1
BAĞLA