Əli Əhmədov: “Azərbaycan artıq bir çox hədəflərə çatıb”

Əli Əhmədov: “Azərbaycan artıq bir çox hədəflərə çatıb”
11:12
15.05.2019
651
Siyasət
A
"Azərbaycan dünyada sürətlə inkişaf edən, orta yüksək gəlir səviyyəsinə çatan ölkə kimi tanınır. Qısa müddətdə bu qədər inkişaf səviyyəsinə çatmaq Azərbaycanın böyük uğurdur"

"Ölkə.Az" xəbər verir ki, bunu Baş nazirin müavini, Dayanıqlı İnkişaf üzrə Milli Əlaqələndirmə Şurasının sədri Əli Əhmədov deyib. O, Dayanıqlı İnkişaf üzrə 2030-cu il gündəliyindən irəli gələn məqsədlərə nail olunması istiqamətində aparılan işlərə biznes qurumlarının cəlb olunması, dövlət-özəl sektor əməkdaşlığında maarifləndirmə tədbirlərinin əhəmiyyətini vurğulayıb. 

Baş nazirin müavini bildirib ki, Azərbaycanda təhsil, səhiyyə və digər sahələrdə, eləcə də, həyat səviyyəsinin yüksəldilməsi ilə bağlı böyük işlər görülüb. 

"Dünyanın dəyişdirilməsi əlaqədar qarşıya qoyulan 17 hədəf içərisində Azərbaycan üçün birbaşa hədəf olmayan məsələlər var. Məsələn təhsil, səhiyyə və əhalinin rifah halının yüksəldilməsi ilə bağlı məsələlər bizim üçün birbaşa hədəf deyil. Azərbaycan artıq bu hədəflərə çatıb. Lakin insanların həyat rifahının yaxşılaşdırılması, inkişafın yüksək pilləsinə çatmaq üçün həmin hədəflər əhəmiyyət kəsb edir". 

Ə.Əhmədov qeyd edib ki, özəl sektorun DİM-ə çatmaqda üzərinə böyük iş düşür: "Onların bu məqsədlərə çatmaqda öz töhfələrini verəcəklərinə əminəm. İnsanların işlə təmin edilməsi, layiqli əməyin təmin edilməsi baxımından özəl sektorun üzərinə böyük iş düşür. Özəl sektor son illər sürətlə inkişaf edir, özəl müəssisələr yaradılıb, kiçik və orta sahibkarlıq inkişaf edir. Azərbaycan höküməti güzəştli kreditlərlə, müxtəlif layihələr həyata keçirməklə özəl sektorun inkişafına dəstək verir. Onların ixrac potensialının inkişaf etdirilməsi üçün imkanlar axtarır'. 

Baş nazirin müavini vurğulayıb ki, iqtisadiyyatın 80 faizdən çoxu özəl sahəyə aiddir. 

"Büdcənin formalaşmasında, ÜDM-da özəl sektor əhəmiyyətli rol oynayır və yaxın gələcəkdə bu rolun artacağına əminik. Özəl sektorun şəffaf şəkildə fəaliyyət göstərməsi, işləyən insanların sosial müdafiəsinin daha yaxşı təmin edilməsini istərdik". 

Ölkə.Az

ŞƏRH YAZ
0

Leyla Əliyevanın təşəbbüsü ilə daha bir həyət abadlaşdırıldı — FOTO

Leyla Əliyevanın təşəbbüsü ilə daha bir həyət abadlaşdırıldı
22:33
18.09.2019
1210
Siyasət
A
Sentyabrın 18-də IDEA İctimai Birliyinin təmirə ehtiyacı olan həyətlərin abadlaşdırılmasına yönəlmiş “Bizim həyət” layihəsi çərçivəsində yenilənən növbəti həyət sakinlərin istifadəsinə verilib.

"Ölkə.Az" Azərtaca istinadən bildirir ki, Heydər Əliyev Fondunun vitse-prezidenti, IDEA İctimai Birliyinin təsisçisi və rəhbəri Leyla Əliyeva həyətin açılışında, o cümlədən tədbir zamanı keçirilmiş kütləvi ağacəkmədə iştirak edib.

Ümumi sahəsi 12000 kvadratmetr olan həyət Xətai rayonu, Lütfi Zadə 10, M.Rüstəmov 21, Sarayevo 19 ünvanlarında 2500 nəfər sakinin yaşadığı beş 9 mərtəbəli və iki 16 mərtəbəli binaları əhatə edir.

“Bizim həyət” layihəsinin əsas məqsədi Bakı həyətlərinin ekoloji cəhətdən təmiz və abad edilməsi, şəhər ekologiyasının sütununu təşkil edən yaşıllıqların bərpası, sağlam həyat tərzinin formalaşdırılması, sakinlər üçün təhlükəsiz və rahat yaşam şəraitinin yaradılmasıdır.

Abadlaşdırılan növbəti həyətdə əlil və sağlamlıq imkanları məhdud olan insanların rahat hərəkəti də nəzərə alınıb, bütün yaş qrupları üzrə uşaqların inkişafı üçün əlverişli şəraitin yaradılması, gənclərin asudə vaxtlarını səmərəli keçirmələri və onlarda sistematik idmanla məşğulolma refleksinin yaradılması məqsədilə süni örtüklü mini futbol meydançası, şahmat meydançası, müxtəlif idman qurğuları və uşaqlar üçün oyun meydançası salınıb.

Eyni zamanda, ərazidə velosiped yolu, 10 söhbətgah inşa edilib, çoxsaylı oturacaqlar, tullantılar üçün qutular quraşdırılıb, həyətdəki xeyir-şər evi əsaslı təmir olunub və bütün avadanlıqlarla təmin edilib.

Sakinlərin istək və maraqları nəzərə alınaraq, həyətdə yeni işıqlandırma dirəkləri quraşdırılıb, binaların fasadları, dam örtükləri və giriş hissələri tam təmir olunub, bloklara yeni dəmir qapılar və plastik pəncərələr quraşdırılıb. Həyətin ərazisindəki mövcud yaşıllıqların bərpası ilə yanaşı, əlavə olaraq 100 ədəd ağac, gül kolları əkilib və 4500 kvadratmetr ərazidə yaşıllıq zolağı salınıb.

Xətai rayonunda sakinlərin istifadəsinə verilmiş həyət layihə çərçivəsində abadlaşdırılan otuzuncu həyətdir.

Sözügedən layihənin Bakının bütün rayonlarında həyata keçirilməsi nəzərdə tutulur. Bununla əlaqədar, paytaxtımızın abadlaşdırılmaya ehtiyacı olan həyətləri haqqında məlumat və tövsiyələrin IDEA İctimai Birliyinə təqdim edilməsi xahiş olunur.

ŞƏRH YAZ
0

İlham Əliyev sərəncam imzaladı — 10 milyon MANAT AYRILDI

İlham Əliyev sərəncam imzaladı
18:21
18.09.2019
2133
Siyasət
A
Prezident İlham Əliyev Bakı şəhərində çoxmənzilli binaların dam örtüklərinin təmiri ilə bağlı tədbirlər haqqında sərəncam imzalayıb.

"Ölkə.Az"-ın xəbərinə görə, Bakı şəhərində 380 çoxmənzilli binanın dam örtüyünün təmiri məqsədilə Azərbaycan Respublikasının 2019-cu il dövlət büdcəsində nəzərdə tutulmuş Azərbaycan Respublikası Prezidentinin ehtiyat fondundan Bakı Şəhər İcra Hakimiyyətinə 10,0 (on) milyon manat ayrılsın.

Azərbaycan Respublikasının Maliyyə Nazirliyi bu Sərəncamın 1-ci hissəsində göstərilən məbləğdə maliyyələşməni təmin etmək tapşırılıb.

Ölkə.Az

ŞƏRH YAZ
0
BAĞLA