KORONAVİRUSA YOLUXANLARIN SAYI - CANLI STATİSTİKA

Əli Əsədov Baş nazir kimi ilk onunla görüşdü

Əli Əsədov Baş nazir kimi ilk onunla görüşdü
23:20
09.10.2019
3512
Siyasət
A
Gürcüstanın Baş naziri Giorgi Qaxariya Bakıya səfəri çərçivəsində Azərbaycanın yeni Baş nazir Əli Əsədovla görüşüb.

“Ölkə.Az” xəbər verir ki, bu, Əli Əsədovun Baş nazir kimi ilk rəsmi görüşü olub.

Görüşdən sonra Əli Əsədovun adından Giorgi Qaxariyanın şərəfinə şam yeməyi verilib.

ŞƏRH YAZ
0

İtaliya hökuməti İlham Əliyev və Mehriban Əliyevaya təşəkkür etdi

İtaliya hökuməti İlham Əliyev və Mehriban Əliyevaya təşəkkür etdi
16:01
Bu gün
175
Siyasət
A
İtaliyada 28 May - Respublika Günü münasibətilə videokonfrans keçirilib.

"Ölkə.Az" xəbər verir ki, İtaliyanın Xarici İşlər və Beynəlxalq Əməkdaşlıq Nazirliyinin dövlət katibi, Azərbaycan-İtaliya iqtisadi əməkdaşlıq üzrə Hökumətlərarası Komissiyanın həmsədri Manlio Di Stefano İtaliya hökuməti adından Azərbaycan xalqını Respublika Günü münasibətilə təbrik edib.

O daha sonra Azərbaycan Prezidentinin İtaliyaya dövlət səfərini iki ölkə arasındakı münasibətlərdə tarixi mərhələ adlandırıb və bu səfərin müstəsna strateji tərəfdaşlıq xarakteri daşıyan əlaqələrə böyük təkan verdiyini söyləyib. Səfər vaxtı çoxsaylı sənədlərin, o cümlədən iki ölkənin hökumət başçıları arasında Çoxölçülü Strateji Tərəfdaşlığın Gücləndirilməsinə dair Birgə Bəyannamənin imzalandığını, hazırda pandemiyadan irəli gələn çətinliklərə baxmayaraq, iki ölkə arasında siyasi, iqtisadi, elm, təhsil və mədəniyyət sahələrində əməkdaşlığın daha da dərinləşəcəyinə nikbinliklə baxdığını və Prezident İlham Əliyevin səfəri vaxtı bu mövzularda aparımış geniş və çox maraqlı müzakirələrdə şəxsən iştirak etdiyini bildirib. 

Münasibətlərdə iqtisadi sektorun əhəmiyyətini vurğulayan dövlət katibi İtaliyanın uzun illərdir Azərbaycanın ən böyük ticarət tərəfdaşı olduğunu, xüsusilə də enerji sektorunda güclü əməkdaşlığın olduğunu, TAP layihəsinin istisamara verilməsi ilə bu əməkdaşlığın daha da dərinləşəcəyini, iqtisadiyyatın digər sahələrində mövcud olan geniş imkanlardan faydalanmağın əhəmiyyətini bildirib. İki ölkə arasında humanitar sahələrdə də geniş əməkdaşlığın mövcud olduğunu, mədəniyyət, universitetlərarası, elm və texnologiyalar sahələrində çoxsaylı mübadilələrin həyata keçiridiyini, 2020-ci ildə İtaliyada Azərbaycan Mədəniyyət İlinin elan olunduğunu və epidemioloji vəziyyətin düzəlməsi ilə İtaliyada Azərbaycan mədəniyyətinə həsr olunmuş tədbirlərin davam edəcəyinə böyük ümidlər bəslədyini və bu tədbirlərin iki ölkə arasında yaxın dostluq əlaqələrini daha da dərinləşdirəcəyinə əminliyini bildirib. 

Manlio Di Stefano çıxışının sonunda bu imkandan istifadə edərək İtaliyada çox ağır epidemioloji vəziyyətdə Azərbaycanın İtaliyaya göstərdiyi yardıma və yaxınlıq və həmrəyliyin təcəssümü olan digər təşəbbüslərə görə Azərbaycan hökumətinə, şəxsən Prezident İlham Əliyevə və Birinci vitse-prezident Mehriban Əliyevaya dərin təşəkkürünü bildirib, baş nazir Cüzeppe Konte, xarici işlər naziri Luici Di Maio və özünün də dəfələrlə dediyi kimi bütün bunları heç zaman unutmayacaqlarını və göstərilən bu dəstəyin iki ölkə arasında daha da güclənəcək dərin münasibətlərin göstəricisi olduğunu deyib. 

Dövlət katibi Azərbaycan və Avropa Birliyi arasında yeni tərəfdaşlıq sazişinin tezliklə imzalanmasında İtaliyanın bütün lazımi dəstək verməyə hazır olduğunu bildirib.

ŞƏRH YAZ
0

Pakistanın Baş Naziri Azərbaycan Prezidentinə təşəkkür etdi

Pakistanın Baş Naziri Azərbaycan Prezidentinə təşəkkür etdi
15:02
Bu gün
250
Siyasət
A
Pakistan İslam Respublikasının Baş Naziri İmran Xan Azərbaycan Respublikasının Prezidenti İlham Əliyevə məktub ünvanlayıb.

"Ölkə.Az"ın məlumatına görə, mətndə deyilir:

"Zati-aliləri.

Bu məktubumla ölümcül COVID-19 pandemiyasına qarşı mübarizədə səylərimizi gücləndirmək üçün Pakistana bir milyon ABŞ dolları məbləğində humanitar yardımın ayrılmasına dair Azərbaycanın verdiyi qərarla bağlı təşəkkürümü çatdırıram.

Belə çətin zamanlarda bu cür düşünülmüş jest bizim yaxın və qardaşlıq münasibətlərimizin təzahürüdür. Pakistan xalqı azərbaycanlı qardaşları tərəfindən edilmiş bu xeyirxahlığı daim xatırlayacaqdır.

İcazə verin, həmçinin Sizi Qoşulmama Hərəkatının Təmas Qrupunun bu yaxınlarda uğurla keçirilmiş, COVID-19 qlobal təhdidinə qarşı mübarizəyə həsr olunmuş onlayn Zirvə görüşü ilə bağlı təbrik edim. Bu, vaxtında göstərilmiş təşəbbüs idi. Səmərəli qlobal cavab tədbirləri üçün biz hamımız birlikdə olmalı, əlaqələndirilmiş və vahid icra mexanizminə əsaslanan birgə strategiya həyata keçirməliyik.

Fürsətdən istifadə edərək, müqəddəs Ramazan ayında bu cür həmrəylik nümayişinə görə Sizə və Azərbaycan xalqına bir daha təşəkkür edir, Zati-alinizin cansağlığı, xoşbəxtliyi və rifahı üçün dua edirəm.

Zati-aliləri, xahiş edirəm ən yüksək ehtiramımı qəbul edin".

ŞƏRH YAZ
1
BAĞLA