Əli Həsənov: "ATƏT-in media azadlığı ofisi öz mövqeyində daha balanslı və obyektiv olmalıdır"

Əli Həsənov:
17:02
13.01.2018
2171
Siyasət
A
"Təəssüf hissi ilə qeyd etmək lazım gəlir ki, bir sıra xarici dairələr və onların nəzarətində olan beynəlxalq QHT və KİV-lərin Azərbaycanda söz və məlumat azadlığının vəziyyəti ilə bağlı qərəzli və subyektiv iddiaları ATƏT kimi mötəbər beynəlxalq qurumun rəsmi nümayəndələri tərəfindən də heç bir araşdırma aparmadan təkrarlanır".

"Ölkə.Az" xəbər verir ki, bunu "AZƏRTAC"a açıqlamasında Azərbaycan Prezidentinin ictimai-siyasi məsələlər üzrə köməkçisi Əli Həsənov deyib. 

ATƏT-in media ofisinin rəhbəri Harlem Dezirin Azərbaycanda söz və məlumat azadlığının, kütləvi informasiya vasitələrinin vəziyyəti ilə bağlı “Amerikanın səsi” radiosuna müsahibəsində səsləndirdiyi bəzi fikirlərinə münasibət bildirən Ə.Həsənov vurğulayıb ki, Azərbaycanda söz və məlumat azadlığı təmin edilib, bu sahəni tənzimləyən beynəlxalq standartlara uyğun qanunvericilik bazası formalaşdırılıb, yüzlərlə kütləvi informasiya vasitəsi sərbəst fəaliyyət göstərir, əhalinin 82 faizinin internetə çıxışı var: "Buna görə də Azərbaycanda media azadlığının durumundan narahatlıq ifadə etmək, guya KİV-lərin qarşısının alınması, jurnalistlərin işgəncələrə məruz qalması, hüquq müdafiəçilərinin həbs edilməsi və cəzasızlıq mühitinin mövcud olması ilə bağlı iddialar irəli sürmək yanlış mövqedir və mövcud reallıqla tam ziddiyyət təşkil edir.

Ümumiyyətlə, hər hansı bir ölkədə konkret cinayət halının mahiyyətini təhrif edərək, kontekstdən çıxararaq ümumiləşdirmək, söz və məlumat azadlığının məhdudlaşdırılması kimi qələmə vermək olmaz. Azərbaycan hüquqi, demokratik və qanunun aliliyinin təmin olunduğu ölkədir. Vəzifəsindən, sosial statusundan asılı olmayaraq hər bir kəs, o cümlədən də qanunları, jurnalist etikasını və normalarını pozan, KİV nümayəndəsi adı altında qeyri-qanuni əməllərlə məşğul olan hər bir şəxs buna görə cavabdehlik daşımalıdır.

Azərbaycan Respublikasının Prezidenti İlham Əliyev jurnalistlərlə çoxsaylı görüşlərində dəfələrlə jurnalist məsuliyyətinin əhəmiyyətinə toxunub, media nümayəndələrini obyektiv olmağa, başqa-başqa dairələrin əlində vasitəyə çevrilməməyə çağırıb. Bu, Azərbaycan dövləti və cəmiyyəti üçün prinsipial məsələdir.

İnkişaf etmiş Avropa ölkələrində jurnalistlərə qarşı dözülməz hallar baş verir, onların fəaliyyəti məhdudlaşdırılır, həbs olunur, insanların öz fikirlərini sərbəst şəkildə ifadə etmək hüququnun qarşısı ən sərt metodlarla alınır. Amma təəssüf ki, belə hallar həm beynəlxalq jurnalist təşkilatlarının, həm də ATƏT-in diqqətini cəlb etmir. Bütün bunları nəzərə alaraq, hesab edirəm ki, Harlem Dezir və onunla həmrəy olan maraqlı dairələr öz mövqeyində daha balanslı və obyektiv olmalı, Azərbaycana qarşı tendensioz yanaşmaya yol verməməlidirlər.

Azərbaycan dövləti söz və məlumat azadlığının daha da inkişaf etdirilməsi, həmçinin jurnalist təhlükəsizliyinin, mediada şəffaflığın və məsuliyyətli yanaşmanın təmin olunması ilə bağlı ardıcıl tədbirlər görür, qarşıdan gələn dövrdə səylərini davam etdirmək əzmindədir və bu məsələlərlə bağlı bütün beynəlxalq qurumlar və yerli təşkilatlarla açıq dialoqa hazırdır".

ŞƏRH YAZ
0

“Daxili İşlər Nazirliyinin müvəqqəti saxlama yerlərində hüquq pozuntusu aşkarlanmayıb" — Nazir müavini

“Daxili İşlər Nazirliyinin müvəqqəti saxlama yerlərində hüquq pozuntusu aşkarlanmayıb
20:15
Bu gün
4992
Siyasət
A
"Ombudsmanın Milli Preventiv Qrupunun, İşgəncələrə qarşı Azərbaycan Komitəsinin və digər aidiyyəti qurumların əməkdaşları tərəfindən polisin müvəqqəti saxlama yerlərində birbaşa və məhdudiyyətsiz monitorinqlər keçirilir".

"Ölkә.Az" APA-ya istindla xәbәr verir ki, bunu "Hüquq bərabərliyinin təmin olunmasında və təşviqində milli insan hüquqları təsisatlarının rolu" mövzusunda keçirilən Ombudsmanların XV Bakı Beynəlxalq Konfransının plenar iclasında daxili işlər nazirinin müavini İsmət Əliyev deyib.

Nazir müavini bildirib ki, son 10 ildə Daxili İşlər Nazirliyinin (DİN) 72 müvəqqəti saxlama yerində aparılan monitorinqlər zamanı insan hüquq və azadlıqlarının pozulması halı aşkar olunmayıb.

İ. Əliyev qeyd edib ki, polis əməkdaşları tərəfindən insan hüquq və azadlıqlarının pozulması hallarına dair şikayətlər, kütləvi informasiya vasitələrində yayılan məlumatlarla bağlı DİN tərəfindən xidməti araşdırmalar aparılır və lazımi tədbirlər görülür.

Ölkә.Az

ŞƏRH YAZ
0

Sülhəddin Əkbər: “Azərbaycan hər an müharibəyə hazır olmalıdır”

Sülhəddin Əkbər: “Azərbaycan hər an müharibəyə hazır olmalıdır”
18:17
Bu gün
6577
Siyasət
A
“Erməni işğalı altında olan Naxçıvanın Günnüt kəndinin Azərbaycan ordusu tərəfindən işğaldan azad edilməsi çox müsbət hadisədir”.

Bu fikirləri “Ölkə.Az-a açıqlamasında Azad Demokratlar Partiyasının (ADP) sədri, keçmiş milli təhlükəsizlik nazirinin sabiq birinci müavini Sülhəddin Əkbər bildirib. 

S.Əkbər deyib ki, işğaldan azad olunan ərazilər strateji əhəmiyyətə malikdir:

“İstənilən halda ərazilərimizin bir hissəsinin işğaldan azad edilməsi, xüsusilə də strateji yüksəkliklərdə Azərbaycan Ordusunun nəzarətinin təmin edilməsi müsbət hadisədir. Bu gün Azərbaycan müharibə vəziyyətindədir, torpaqlarımız erməni işğalı altındadır. Azərbaycan hər an müharibəyə hazır olmalıdır. Erməni tərəfinin təxribatları hər an gözləniləndir. Çünki Nikol Paşinyan özünü demokrat adlandırsa da, o, xalq dalğası nəticəsində hakimiyyətə gəlib. Eyni zamanda bu gün Ermənistan xalqının əksəriyyəti də Dağlıq Qarabağ torpaqlarının Ermənistanın tərkibinə qatılmasını istəyir. Nikol Paşinyanın milliyətçi çıxışlar etməsi də məhz buna yönəlib. Nikol Paşinyan bu cür çıxışlarla milliyətçi ermənilərin dəstəyini qazanmağa çalışır. Həmçinin, qarşıdan seçkilər gəlir. Nikol Paşinyan da yaxşı anlayır ki, erməni cəmiyyətini maraqlandıran əsas məsələlərdən biri məhz budur. Ona görə də Paşinyan milliyətçi çıxışlar edir, Qərblə, Rusiya və İranla intensiv danışıqlar aparır”.

Sabiq nazir müavini qeyd edib ki, müharibə siyasətin davamı hesab olunur:

“Hər bir məsələni real qiymətləndirmək üçün ona düzgün diaqnoz qoymaq lazımdır. Mənim fikirlərimə görə, Qarabağda baş verən son hadisələr Rusiyanın Azərbaycana qarşı vəkalət müharibəsidir. Yəni, burada Rusiyanın vəkilləri Ermənistan və qondarma “Dağlıq Qarabağ Respublikasıdır”. Əslində Azərbaycan strateji planda Rusiya ilə hərbi qarşıdurmadadır. Ona görə də Azərbaycanın hərbi hazırlığı buna hesablanmalıdır. Mən hər zaman deyirəm ki, Azərbaycanın təkbaşına strateji potensialı kəskin şəkildə yetərsizdir. Bu gün Rusiyanın Ermənistandakı hərbi potensialı ilə belə Azərbaycanın hərbi potensialını müqayisə etmək yersizdir. Ona görə də Azərbaycan ilk növbədə Türkiyə, Pakistan, İran, ABŞ, Avropa Birliyi ilə hərbi-siyasi ittifaqlar qurmalıdır, müvafiq əməkdaşlıq sənədləri imzalanmalıdır və NATO-ya üzvlük yolu tutmalıdır. Belə olan halda Rusiya və Ermənistanın birgə hərbi potensialını balanslaşdıran qüvvələr nisbəti əldə edə bilərik”.

Vasif Həsənli
Ölkə.Az

ŞƏRH YAZ
0
BAĞLA