Əli Həsənov: “Bu il minlərlə məcburi köçkün ailə yeni evlərlə təmin olunacaq”

Əli Həsənov: “Bu il minlərlə məcburi köçkün ailə yeni evlərlə təmin olunacaq”
19:02
19.10.2017
141
Ölkə
A
Qaçqınların və Məcburi Köçkünlərin İşləri üzrə Dövlət Komitəsində bu ilin doqquz ayının yekunlarına və qarşıda duran vəzifələrə həsr olunmuş geniş tərkibdə Kollegiya iclası keçirilib.

"Ölkə.Az"ın APA-ya istinadən məlumatına görə,  Kollegiya iclasında baş nazirin müavini, Qaçqınların və Məcburi Köçkünlərin İşləri üzrə Dövlət Komitəsinin sədri Əli Həsənov bu il minlərlə məcburi köçkün ailənin yeni evlərlə, mənzillərlə təmin olunacağını, bu prosesin gələn il də davam etdiriləcəyini bildirib.
 
Ə. Həsənov hələ ki, ağır vəziyyətdə yaşayan köçkünlərin çox olduğunu, dövlətin bu məsələnin tezliklə həllini tapması üçün əlindən gələni etdiyini qeyd edib. Komitə sədri yaxın günlərdə Tərtər rayonunda məcburi köçkünlər üçün bütün sosial-texniki infrastrukturu ilə birlikdə inşa edilən 1178 ailəlik yeni qəsəbənin istifadəyə veriləcəyini nəzərə çatdırıb. Eyni zamanda Azərbaycan prezidentinin müvafiq sərəncamına uyğun olaraq Cəbrayıl rayonunun Cocuq Mərcanlı kəndində ikinci mərhələdə aparılan bərpa işləri, əlavə olaraq 100 evin, digər infrastrukturların da inşası başa çatmaq üzrədir.
 
Ə. Həsənov Bakı və Sumqayıt şəhərlərində qəzalı binalarda yaşayan köçkünlərin problemlərinin də yaxın vaxtlarda öz həllini tapacağına əminliyini bildirib. İlk növbədə, ən ağır vəziyyətdə yaşayan dörd min köçkün ailəsi yeni evlərə köçürüləcək: “Bu proses mərhələli yollarla həll edilir. Həm yeni binalar tikilir, eyni zamanda, vaxtilə tikilmiş mövcud binalarda mənzillər alınaraq məcburi köçkünlər orada yerləşdirilir”.

ŞƏRH YAZ
0

"İki kəlmə soruşub, sonra soxub gedirsən" videosunun qəhrəmanı vəfat edibmiş — FOTO

13:59
Bu gün
24
Ölkə
A
Bir zamanlar sosial şəbəkədə ən çox yayılan videonun qəhrəmanı vəfat edibmiş.

"Ölkə.Az"ın məlumatına görə, söhbət "iki kəlmə soruşub, sonra soxub gedirsən" videosunun qəhrəmanından gedir. O, Əliyev Rəşad Rəfail oğludur. 

Qeyd edək ki, 1987-ci il təvəllüdlü R.Əliyev 2013-cü ildə vəfat edib. O, polis bölməsində jurnalistə verdiyi müsahibə zamanı işlətdiyi ifadələrlə məşhurlaşmışdı.

Ölkə.Az

ŞƏRH YAZ
0

Azərbaycanla Pakistan arasında hərbi danışıqlar aparılır

Azərbaycanla Pakistan arasında hərbi danışıqlar aparılır
13:39
Bu gün
164
Ölkə
A
Yanvarın 17-də Bakıda Azərbaycan Respublikası Müdafiə Nazirliyi və Pakistan İslam Respublikası Birləşmiş Qərargahı arasında Azərbaycan-Pakistan işçi qrupunun 8-ci görüşü başlayıb.

Müdafiə Nazirliyindən "Ölkə.Az"a verilən məlumata görə, İşçi qrupuna Azərbaycan tərəfindən Beynəlxalq Hərbi Əməkdaşlıq İdarəsinin rəisi general-mayor Hüseyn Mahmudov, Pakistan tərəfindən isə Birləşmiş Qərargahın Xarici əlaqələr İdarəsinin rəisi general-mayor Muhammad Şafiq rəhbərlik edirlər.

Görüşdə hərbi əməkdaşlığın cari vəziyyəti və inkişaf perspektivləri, regionda təhlükəsizlik, hər iki dövlətin orduları arasında dostluq əlaqələrinin möhkəmləndirilməsi, o cümlədən 2018-ci ildə birgə tədbirlərin keçirilməsi məsələləri müzakirə olunur.

İşçi görüşü yanvarın 18-dək davam edəcək.

ŞƏRH YAZ
0
BAĞLA