Əli Həsənovun nəvəsi yenidən məhkəmə qarşısında

Əli Həsənovun nəvəsi yenidən məhkəmə qarşısında
17:35
16.04.2018
2871
Hadisə
A
Qaçqınların və Məcburi Köçkünlərin İşləri üzrə Dövlət Komitəsinin sədri Əli Həsənovun nəvəsi Nail Allahverdiyev yenidən məhkəmə qarşısına çıxarılacaq.

“Ölkə.Az”ın xəbərinə görə, Nail Allahverdiyevin vəkili apellyasiya şikayətinin müddətinin bərpa edilməsi ilə bağlı Bakı Ağır Cinayətlər Məhkəməsinə müraciət ünvanlayıb. Ancaq fevral ayının 13-də keçirilən məhkəmə prosesində hakim müddəti bərpa etməyib. Vəkil müddətin bərpası ilə bağlı Bakı Apellyasiya Məhkəməsinə müraciət edib. Sabah hakim Faiq Qasımovun sədrliyi ilə vəkilin apellyasiya şikayətinə baxılacaq. 

Qeyd edək ki, ötən il dekabr ayının 18-də Bakı Ağır Cinayətlər Məhkəməsi Qaçqınların və Məcburi Köçkünlərin İşləri üzrə Dövlət Komitəsinin sədri Əli Həsənovun nəvəsi Nail Allahverdiyev barəsində qərar verib. N.Allahverdiyev 6 il müddətinə azadlıqdan məhrum edilib.

O, Cinayət Məcəlləsinin 264 (Yol nəqliyyat hadisəsi yerindən qaçma) və 263.3-cü (yol hərəkəti qaydalarını pozma — iki və daha artıq şəxsin ölümünə səbəb olduqda) maddələri ilə təqsirli bilinib.

Xatırladaq ki, 2017-ci il avqustun 3-də axşam saat 21:30 radələrində Heydər Əliyev prospektindəki Azərbaycan Dövlət Rəssamlıq Akademiyasının binası qarşısında Azərbaycanın baş nazirinin müavini, Qaçqınların və Məcburi Köçkünlərin İşləri üzrə Dövlət Komitəsinin sədri Əli Həsənovun nəvəsi Nail Allahverdiyevin idarə etdiyi "Mercedes Gelandewagen" markalı avtomobillə 99 FS 777 dövlət nömrə nişanlı "Mazda" markalı avtomobilin yarışı zamanı ağır yol-nəqliyyat hadisəsi baş verib. Yüksək sürətlə hərəkət edən "Gelandewagen"-in sürücüsü qarşıdakı maşına dəyərək idarəetməni itirib və əsas yoldan ikinci dərəcəli yola çıxaraq səkidə dayanan 3 piyadanı vurub.

Nəticədə maşın yanıb. Üstəlik iki nəfər — avtomobilin sərnişini və piyada ölüb. Daha iki piyada — Türkiyə vətəndaşları olan Mütəllib və Songül Tekiş cütlüyü isə ağır bədən xəsarətləri alıb.

Dekabrın 18-də keçirilən məhkəmə prosesində dövlət ittihamçısı Ramin Nağdəliyev məhkəmədən Allahverdiyevin işindən 264-cü maddənin (Yol nəqliyyat hadisəsi yerindən qaçma) çıxarılmasını xahiş edib və müttəhimə 7 il müddətinə azadlıqdan məhrumetmə cəzası istəyib.

Nail Allahverdiyevin müdafiəsinin onun hadisə yerindən qaçmadığı və bu barədə ittihamın özünü doğrultmadığı ilə bağlı qaldırdığı vəsatəti təmin edərək məhkəmə müttəhimi AR CM-nin 264-cü maddəsi ilə təqsirli bilməyib.

Qeyd edək ki, ölkədə böyük rezonans doğurmuş qəzadan 3 gün sonra — avqustun 6-da Mazda markalı avtomobilin sürücüsü Mirməhəmməd İsmayılov saxlanılıb. Nərimanov rayon məhkəməsi onun haqqında 1 aylıq inzibati həbs qərarı seçib. Allahverdiyev də elə həmin gün saxlanılıb. Xətai rayon məhkəməsi onun haqqında 4 aylıq həbs qətimkan tədbiri seçib.

Xatırladaq ki, Nail Allahverdiyev 6 il cəza aldıqdan sonra apellyasiya şikayəti verməyəcəyini bildirmişdi.

ŞƏRH YAZ
0

260 manata görə qətlə əl atdı

260 manata görə qətlə əl atdı
19:02
Bu gün
1617
Hadisə
A
Pula görə qətl törədən şəxsin kassasiya şikayətinə baxılacaq.

“Ölkə.Az” bildirir ki, məhkum olunan Xalıqov Rövşən Gülbala oğlunun məhkəmə prosesi fevral ayının 27-də hakim Əli Seyfəliyevin sədrliyi ilə keçiriləcək.

Xatırladaq ki, 2016-cı il 17 iyun tarixində Bakı Ağır Cinayətlər Məhkəməsində quldurluq yolu ilə qətl törətməkdə təqsirləndirilən Rövşən Xalıqov 18 il müddətinə azadlıqdan məhrum edilib. Qeyd edək ki, 2015-ci il iyunun 28-də Qaradağ rayonunun Lökbatan qəsəbəsində yaşayan Viktor Lituxinin baş nahiyəsində xəsarət olan və qismən çürüməyə məruz qalmış meyiti mənzilində tapılıb. Araşdırmalar zamanı onun Bakı şəhər sakini, əvvəllər məhkum olunmuş R.Xalıqov tərəfindən tamah məqsədilə çəkiclə qətlə yetirilməsi müəyyən edilib. Qaradağ Rayon Polis İdarəsinin (RPİ) 10-cu Polis Bölməsinin (PB) əməkdaşlarının həyata keçirdikləri əməliyyat-axtarış tədbirləri nəticəsində R.Xalıqov tutulub. Hadisəsini törətdikdən sonra onun evdən 260 manat pul apardığı məlum olub. R.Sadıqov Cinayət Məcəlləsinin 120.2.11-ci (qəsdən adam öldürmə, quldurluq, hədə-qorxu ilə tələb etmə) və 181.3.3-cü (quldurluq, zərərçəkmişin sağlamlığına ağır zərər vurmaqla törəldildikdə) maddəsi ilə ittiham olunur. Xatırladaq ki, R.Xalıqov 2015-ci ildə oğurluqda təqsirli bilinərək, həbs edilib. Məhkəmənin hökmü ilə o, 2 min manat məbləğində cərimə edilib.

Natiq Allahverdiyev
Ölkə.Az

ŞƏRH YAZ
0

Dələduzluqda ittiham olunan federasiya vitse-prezidenti həbs edildi

Dələduzluqda ittiham olunan federasiya vitse-prezidenti həbs edildi
17:58
Bu gün
2921
Hadisə
A
Azərbaycan Kikboksinq Federasiyasının peşəkarlar üzrə vitse-prezidenti Aydın Əhmədov 10 milyon manat dəyərində dələduzluqda ittiham edilir.

"Ölkə.Az" oxu.az-a istinadən xəbər verir ki, o bir neçə gündür Baş Mütəşəkkil Cinayətkarlıqla Mübarizə İdarəsində nəzarətə götürülüb.

Əldə olunan məlumata əsasən, A.Əhmədov sözügedən məbləği bir neçə insandan alıb və qaytarmayıb. Buna görə də ona pul verən şəxslər haqqında şikayət ediblər. Bu səbəbdən araşdırmalar aparılıb və nəticədə A.Əhmədov gözaltına alınıb. Faktla bağlı araşdırmalar davam edir.

Məsələ ilə bağlı olaraq Kikboksinq Federasiyasının vitse-prezidenti Güloğlan Cabbarovla əlaqə saxladıq. O bildirib ki, Aydın Əhmədovu artıq federasiya ilə hər hansısa bağ bağlamır:

“Bildiyiniz kimi, o, apreldə bizim federasiyada vitse-prezident təyin olunmuşdu. Lakin biz bir neçə peşəkar döyüş keçirdik. Ancaq o, həmin döyüşlərə gəlmədi. Onun yerinə bütün işləri mən görməli oldum. Hələ onda hiss edirdim ki, onun problemləri var.

Mən də federasiyamızın prezidenti Adil Əliyevə bunları bildirdim. Hardasa iki ay olar ki, mən və digər vitse-prezidentimiz Nadir Əzizov istisna olmaqla, bütün İdarə Heyəti istefaya göndərilib. Fevralın əvvəllərində yeni İdarə Heyətinin seçkisi keçiriləcək.

Onun rəhbəri olduğu “Yuro Fayt” (Euro Fight) klubunun fəaliyyətinə də son qoyulub. Həmin klubda baş məşqçi olan Eduard Məmmədova demişdim ki, həmin uşaqları yığıb başqa adla klub yaratsın”.

Tanınmış kikboksçumuz Eduard Məmmədov isə saytımıza bu klubun əvəzinə üç il əvvəl yaratdığı, daha sonra bir müddət fəaliyyətinə ara verdiyi özünün “Ağ Canavar” adlı komandasında fəaliyyət göstərdiyini bildirib.

ŞƏRH YAZ
0
BAĞLA