Əli Həsənovun nəvəsi yenidən məhkəmə qarşısında

Əli Həsənovun nəvəsi yenidən məhkəmə qarşısında
17:35
16.04.2018
2762
Hadisə
A
Qaçqınların və Məcburi Köçkünlərin İşləri üzrə Dövlət Komitəsinin sədri Əli Həsənovun nəvəsi Nail Allahverdiyev yenidən məhkəmə qarşısına çıxarılacaq.

“Ölkə.Az”ın xəbərinə görə, Nail Allahverdiyevin vəkili apellyasiya şikayətinin müddətinin bərpa edilməsi ilə bağlı Bakı Ağır Cinayətlər Məhkəməsinə müraciət ünvanlayıb. Ancaq fevral ayının 13-də keçirilən məhkəmə prosesində hakim müddəti bərpa etməyib. Vəkil müddətin bərpası ilə bağlı Bakı Apellyasiya Məhkəməsinə müraciət edib. Sabah hakim Faiq Qasımovun sədrliyi ilə vəkilin apellyasiya şikayətinə baxılacaq. 

Qeyd edək ki, ötən il dekabr ayının 18-də Bakı Ağır Cinayətlər Məhkəməsi Qaçqınların və Məcburi Köçkünlərin İşləri üzrə Dövlət Komitəsinin sədri Əli Həsənovun nəvəsi Nail Allahverdiyev barəsində qərar verib. N.Allahverdiyev 6 il müddətinə azadlıqdan məhrum edilib.

O, Cinayət Məcəlləsinin 264 (Yol nəqliyyat hadisəsi yerindən qaçma) və 263.3-cü (yol hərəkəti qaydalarını pozma — iki və daha artıq şəxsin ölümünə səbəb olduqda) maddələri ilə təqsirli bilinib.

Xatırladaq ki, 2017-ci il avqustun 3-də axşam saat 21:30 radələrində Heydər Əliyev prospektindəki Azərbaycan Dövlət Rəssamlıq Akademiyasının binası qarşısında Azərbaycanın baş nazirinin müavini, Qaçqınların və Məcburi Köçkünlərin İşləri üzrə Dövlət Komitəsinin sədri Əli Həsənovun nəvəsi Nail Allahverdiyevin idarə etdiyi "Mercedes Gelandewagen" markalı avtomobillə 99 FS 777 dövlət nömrə nişanlı "Mazda" markalı avtomobilin yarışı zamanı ağır yol-nəqliyyat hadisəsi baş verib. Yüksək sürətlə hərəkət edən "Gelandewagen"-in sürücüsü qarşıdakı maşına dəyərək idarəetməni itirib və əsas yoldan ikinci dərəcəli yola çıxaraq səkidə dayanan 3 piyadanı vurub.

Nəticədə maşın yanıb. Üstəlik iki nəfər — avtomobilin sərnişini və piyada ölüb. Daha iki piyada — Türkiyə vətəndaşları olan Mütəllib və Songül Tekiş cütlüyü isə ağır bədən xəsarətləri alıb.

Dekabrın 18-də keçirilən məhkəmə prosesində dövlət ittihamçısı Ramin Nağdəliyev məhkəmədən Allahverdiyevin işindən 264-cü maddənin (Yol nəqliyyat hadisəsi yerindən qaçma) çıxarılmasını xahiş edib və müttəhimə 7 il müddətinə azadlıqdan məhrumetmə cəzası istəyib.

Nail Allahverdiyevin müdafiəsinin onun hadisə yerindən qaçmadığı və bu barədə ittihamın özünü doğrultmadığı ilə bağlı qaldırdığı vəsatəti təmin edərək məhkəmə müttəhimi AR CM-nin 264-cü maddəsi ilə təqsirli bilməyib.

Qeyd edək ki, ölkədə böyük rezonans doğurmuş qəzadan 3 gün sonra — avqustun 6-da Mazda markalı avtomobilin sürücüsü Mirməhəmməd İsmayılov saxlanılıb. Nərimanov rayon məhkəməsi onun haqqında 1 aylıq inzibati həbs qərarı seçib. Allahverdiyev də elə həmin gün saxlanılıb. Xətai rayon məhkəməsi onun haqqında 4 aylıq həbs qətimkan tədbiri seçib.

Xatırladaq ki, Nail Allahverdiyev 6 il cəza aldıqdan sonra apellyasiya şikayəti verməyəcəyini bildirmişdi.

ŞƏRH YAZ
0

Qızıl oğruları tutuldu

Qızıl oğruları tutuldu
15:08
Bu gün
233
Hadisə
A
Novxanıda evdən oğurluq edən 2 nəfər tutulub.

"Ölkə.Az" DİN-in saytına istinadən xəbər verir ki, Abşeron RPİ əməkdaşlarının keçirdikləri əməliyyat-axtarış tədbirləri nəticəsində sentyabrın 17-də Novxanı qəsəbəsindəki evlərin birindən 200 manat pul və 12000 manat dəyərində qızıl –zinət əşyaları oğurlamaqda şübhəli bilinən Xırdalan şəhər sakini Coşqun Məhərrəmov və Zərdab rayon sakini, əvvəllər məhkum olunmuş Qasım Abdullayev saxlanılıblar.

ŞƏRH YAZ
0

Qadının çantasından yarım kilo heroin çıxdı

Qadının çantasından yarım kilo heroin çıxdı
12:53
Bu gün
1839
Hadisə
A
Dövlət Gömrük Komitəsi Əməliyyat İstintaq Baş İdarəsinin Əməliyyat idarəsinə İran İslam Respublikası vətəndaşı Mahdioghli Roghayeh Hasan qızının Azərbaycan ərazisinə narkotik vasitə gətirməsi barədə əməliyyat məlumatı daxil olub.

“Ölkə.Az” xəbər verir ki, Cənub Ərazi Baş Gömrük İdarəsi Astara gömrük postunun gömrük nəzarət zonasında vətəndaşın üzərinə və əl yüklərinə baxış keçirilib.

Baxış zamanı, vətəndaşa məxsus içərisində şəxsi əşyalar olan yük çantasında, 1 ədəd sellofan torbanın içərisində müxtəlif rəngli şarlara bükülmüş 10 ədəd yumru formalı bağlama aşkar olunub. Sonra həmin bağlamalar açılıb və hər bir bağlamanın içərisində açıq qəhvəyi rəngli, ümümi çəkisi 555 qram olan narkotik vasitə-heroin aşkarlanıb. 

Faktla bağlı araşdırma aparılır.

ŞƏRH YAZ
0
BAĞLA