Əli Həsənovun nəvəsinə hökm oxundu — YENİLƏNİB

Əli Həsənovun nəvəsinə hökm oxundu
12:07
18.12.2017
7135
Ölkə
A
Bu gün Bakı Ağır Cinayətlər Məhkəməsində baş nazirin müavini, Qaçqınların və Məcburi Köçkünlərin İşləri üzrə Dövlət Komitəsinin sədri Əli Həsənovun nəvəsi Nail Allahverdiyevin məhkəməsi yekunlaşıb.

"Ölkə.Az"  Qafqazinfo-ya istinadən xəbər verir ki, məhkəmə kollegiyasının hökmü ilə N.Allahverdiyev 6 il müddətinə azadlıqdan məhrum edilib.

Hökmdə N.Allahverdiyevin təqsirləndirildiyi Cinayət Məcəlləsinin 264-cü (hadisə yerindən qaçma) maddəsinə xitam verilib. Hakim bildirib ki, bu maddə üzrə verilən ittiham məhkəmədə prokurorluq tərəfindən sübuta yetirilməyib. Yəni, N.Allahverdiyev hadisə yerindən qaçmayıb.

***

"Ölkə.Az" Qafqazinfo-ya istinadən xəbər verir ki, hakim Əhməd Quliyevin icraatında olan prosesə jurnalistlər buraxılmayıb. 

İclasda N.Allahverdiyevə cəza istənilib. Dövlət ittihamçısı çıxış edərək ittihamdan "hadisə yerindən qaçma" maddəsinin çıxarılmasını istəyib və N.Allahverdiyevə 7 il azadlıqdan məhrumetmə cəzasının verilməsini təklif edib. 

Hazırda hakimlər hökmü elan etmək üçün müşavirəyə çıxıb.

N.Allahverdiyev iki və daha çox şəxsin ölümü ilə nəticələnən yol qəzası törətməkdə və hadisə yerindən qaçmaqda ittiham edilir.

ŞƏRH YAZ
0

Lənkəranda dələduzluq edən saxta vəkil məhkəmədə ifadə verdi

Lənkəranda dələduzluq edən saxta vəkil məhkəmədə ifadə verdi
18:50
Bu gün
277
Ölkə
A
Bu gün Bakı Ağır Cinayətlər Məhkəməsində dələduzluqda təqsirləndirilən Nuranə Sadıqovanın cinayət işi üzrə məhkəmə iclası başlayıb.

"Ölkə.Az"ın xəbərinə görə, hakim Faiq Qəniyevin sədrliyi ilə keçirilən prosesdə dövlət ittihamçısı ittiham aktını elan edib.

İttiham aktına əsasən, N.Sadıqova 2017-ci ilin noybar ayında heç bir yerdə işləmədiyi və vəkillik fəaliyyəti ilə məşğul olmadığı halda, özgənin külli miqdarda əmlakını ələ keçirib.

Belə ki, o, Lənkəran rayonlararası Psixiatriya xəstəxanasının həkimi vəzifəsində işləyən Fərid Məmmədova, Lənkəran rayonlararası Onkoloji xəstəxanasında xadimə işləyən Sələmə Mirzəyevaya, Lənkəran rayonlararası Psixiatriya xəstəxanasını həkimi vəzifəsində işləyən Hüsməddin Alicanova özünü Vəkillər Kollegiyasının üzvü kimi təqdim edib.

N.Sadıqova heç bir tibbi sənəd olmadan ayrı-ayrı şəxslərə əlillik dərəcəsinin təyin edilməsi faktı ilə bağlı həmin şəxslərin barəsində Baş prokuror yanında Korrupsiyaya qarşı Mübarizə Baş İdarəsində aparılan ibtidai araşdırmaya xitam veriləcəyinə, heç bir tibbi sənəd olmadan ayrı-ayrı şəxslərə təyin edilmiş əlillik dərəcələri üzrə pensiyaların dayandırılmayacağına, onların istintaq orqanlarına çağırılmayacağına dair yalan vədlər verərək aldadıb.

O, Sələmə Mirzəyevanın 20 min manat pulunu, Fərid Məmmədovun vasitəsi ilə Hüsməddin Alicanovun 40 min manat pulunu, Fərid Məmmədovun isə 10 min manat pulunu dələduzluq yolu ilə alıb.

N.Sadıqova hər üç şəxsdən, ümumilikdə, 70 min manat pulu aldatma yolu ilə ələ keçirərək öz şəxsi ehtiyaclarına sərf etməklə dələduzluq edib. O, Fərid Məmmədov, Hüsməddin Alicanov, Sələmə Mirzəyevanı vəzifəli şəxsə qanunsuz hərəkətlərə görə maddi nemət verilməsinə sövq edərək rüşvət vermə cinayətinin törədilməsinə təhrik edib.

N.Sadıqovanın barəsində Cinayət Məcəlləsinin 178.3.2-ci (dələduzluq, külli miqdarda) və 32.4, 312.2-ci (ələ alma, sövdələşmə, təhrik etmə, vəzifəli şəxs tərəfindən bilə-bilə qanunsuz hərəkətlər etməyə görə ona rüşvət vermə və ya təkrar rüşvət vermə) maddələri ilə ittiham irəli sürülüb.

Məhkəmədə elan olunmuş ittiham üzrə N.Sadıqova özünü təqsirli bilmədiyini deyib.

Daha sonra təqsirləndirilən şəxs sərbəst ifadə verib. O deyib ki, Lənkəran şəhərində anadan olub, hazırda Ukraynada hüquq təhsili alır:
"Məhkəmədə "praktika" keçsəm də, vəkil kimi fəaliyyət göstərməmişəm. Lənkəranda biznes fəaliyyəti ilə də məşğul olmuşam. Ailə həyatı qursam da, sonra boşanmışam, bir övladım var. Hazırda Bakıda kirayədə yaşayıram".

O bildirib ki, Sələmə Mirzəyevadan 20 min manatı borc alıb:
 "Sələmə Mirzəyevadan pulu başqa adam alıb. Bununla bağlı Baş prokuror yanında Korrupsiyaya qarşı Mübarizə Baş İdarəsinə şikayət olundu. Mən də həmin pulu notarial qaydada ona qaytardım. Fərid Məmmədovdan da faizə pul almışam. Pulları öz biznesimi qurmaq üçün istəmişdim. Xırdalanda icarəyə mağaza götürüb işlədirəm".

O, istintaqa verdiyi ifadəsini təsdiq etdiyini deyib.

Məhkəmənin növbəti iclası iyulun 23-nə təyin edilib.

Qeyd edək ki, N.Sadıqovanın barəsində polis nəzarəti qətimkan tədbiri seçilib.

ŞƏRH YAZ
0

Bakı Şəhər İcra Hakimiyyətinə gətirilən Eldar Əzizovun DOSYESİ

Bakı Şəhər İcra Hakimiyyətinə gətirilən Eldar Əzizovun DOSYESİ
18:15
Bu gün
1932
Ölkə
A
Azərbaycan prezidenti İlham Əliyevin sərəncamı ilə Eldar Əzizov Bakı Şəhər İH başçısının müavini təyin olunub.

"Ölkə.Az" xəbər verir ki, Bakı Şəhər İH-dən  verilən məlumata görə, E. Əzizov bu gün vəzifəsinin icrasına başlayıb.

Qeyd edək ki, E. Əzizov buna qədər Səbel rayon İH başçısı vəzifəsində çalışıb.

Eldar Əzizov kimdir?

 Əzizov Eldar Əziz oğlu 28 iyun 1957-ci ildə Bakı şəhərində anadan olub. 1979-cu ildə S.M.Kirov adına Azərbaycan Dövlət Universitetinin Tarix fakültəsini fərqlənmə diplomu ilə bitirib.

1979-cu ildən Azərbaycan Komsomolu Mərkəzi Komitəsində müxtəlif məsul vəzifələrdə çalışıb. 1984-cü ildən Bakı şəhəri 26 Bakı Komissarları rayonunun Komsomol Komitəsinin birinci katibi, 1987-ci ildən isə Bakı şəhər komitəsinin birinci katibi vəzifələrində çalışıb. 1989-cu ildən Azərbaycan Komsomolu Mərkəzi Komitəsinin katibi vəzifəsinə seçilib.

1990-cı ildə Azərbaycan SSR Ali Sovetinə xalq deputatı seçilib.  1991-ci ildən Azərbaycan Gənclər İttifaqı Mərkəzi Komitəsinin katibi vəzifəsində işləyib.
1998-ci ildən Azərbaycan Respublikası Mərkəzi Seçki Komissiyasında Beynəlxalq əlaqələr şöbəsinin müdiri, 1999-cu ildən Bakı Şəhər İcra Hakimiyyətində Xarici əlaqələr və investisiya proqramları departamenti sədrinin birinci müavini, 2000-ci ilin mart ayından Bakı Şəhər İcra Hakimiyyəti başçısının müavini vəzifələrində çalışıb. 2000-2003-cü illərdə Bakı şəhəri Nizami Rayon İcra Hakimiyyətinin başçısı, 2003-2011-ci illərdə Gəncə Şəhər İcra hakimiyyətinin başçısı, 2011-2015-ci illərdə isə Sumqayıt Şəhər İcra Hakimiyyətinin başçısı vəzifələrində çalışıb.

Azərbaycan Respublikasının Prezidentinin 2 sentyabr 2015-ci il tarixli Sərəncamı ilə Bakı şəhəri Səbail Rayon İcra Hakimiyyətinin başçısı vəzifəsinə təyin edilmişdi.

Azərbaycan Jurnalistlər Birliyinin üzvü, Azərbaycan Memarlar İttifaqının fəxri üzvü, "Difai" kitabının və 200-dən artıq məqalənin müəllifidir. Dəfələrlə Bakı Şəhər Deputatlar Sovetinin üzvü seçilmişdir. Ailəlidir, iki övladı var.

ŞƏRH YAZ
0
BAĞLA