KORONAVİRUSA YOLUXANLARIN SAYI - CANLI STATİSTİKA

"Əli İnsanovun pulunun hesabına müxalifətdəki ömürlərini uzatmaq istəyirlər" — Deputat

14:49
07.11.2019
2673
Siyasət
A
“Azərbaycan cəmiyyəti son 25 ildə müxalif düşərgədə Əli İnsanov kimi çox “qəhrəmanlar” görüb. 1993-cü ildə Heydər Əliyev hakimiyyətə gəldikdən sonra etimad edib yüksək vəzifələrəçəkdiyi, lakin etimadı doğrultmadığı üçün tutduqları kresloları itirərkən necə radikal, “millət qəhrəmanı”, “millət fədai”lərinin çox şahidi olmuşuq”.

Bunu “Ölkə.Az”a açıqlamasında deputat Rüstəm Xəlilov deyib.

Onun sözlərinə görə, hələ Ümummil lider  Heydər Əliyev o zaman çıxışlarında  dəfərlərlə deyib ki, etimadı doğrultmayan, rüşvət, korrupsiyaya bulaşan, öz vəzifə borcunu yerinə yetirməyib, şəxsi mənfəəti üçün çalışan   nazirləri, məmurları işindən çıxaran kimi tez  müxalif  düşərgəyə qaçaraq özlərini bir anın içində müxalifətə keçərək, demokrat kimi qələmə veriblər.

“Ulu Öndər  hələ onda deyirdi ki, necə olur vəzifədə olanda yırtıcı olursan, vəzifədən gedəndə demokrat, qanun keşikçisi... Məmurları anladım, amma müxalifəti anlaya bilmirəm. Bir yandan özlərini demokrat adlandırırlar, digər tərəfdən korrupsioner, rüşvətxor məmura qucaq açırlar. Bunun bir adı var;- prinsipsizlik, tutduğun yola xəyanət”.

Bax, Ulu Öndərin dediyi kimi biz bu ötən müddətdə müxalifətin tutuduğu yola xəyanətinin daimi şahidi olmuşuq, Rəsul Quliyevin, Lalə-Şövkət Hacıyevanın və digərlərinin simasında çox görmüşük.  Özlərini müxalifət liderləri adlandıran şəxslərin Ulu Öndərin dediyi kimi, vəzifədən çıxarılan  şəxslərin hansı düşüncə sahibi olmasına deyil, maddiyatına olan vurğunluğuna görə, onlara qucaq açıb. Onlar demokratiya, müxalifət adından  istifadə etməklə həmin keçmiş məmurların maliyyəsini qoparmaqla özlərinə yaxşı şərait yaradıblar.  Məhz ona görədir ki, bu gün Əli Kərimlinin xarici banklarda  milyonlarla vəsaitinin olması barədə mediada yazılar gedir. Bir zaman onlar Rəsul Quliyevin və digərlərinin maliyyəsinə göz dikib xeyli varlandırlar.  Rəsul Quliyev sonda adı çəkilən müxalifətçilərin başına nə üçün yığışdığını gördükdə, onlardan qaçdı. İndi isə bu şəxslər  Əli İnsanova  kəmənd atıb maliyyəsindən yaralanmaq istəyir. Eyni zamanda onun hesabına  müəyyən müddət müxalifətdə ömürlərini uzatmaq  istəyirlər.  Özü də Əli Kərimli ilə Arif Hacılı Əli İnsanovun pulunu başqalarına vermək niyyətində deyil, özləri yemək istəyir. Ona görə də daha dar çərçivədə əməkdaşlığa üstünlük verirlər”- deputat bildirib.

O, əlavə edib ki, onların fəaliyyəti heç də həqiqi müxalifətçilik deyil, öz şəxsi planlarını həyata keçirməkdir.

“Əli İnsanovdan ikinci İbrahimbəyov obrazı yaratmaq planı da fiaskoya uğrayacaq. Çünki bu gün Azərbaycan cəmiyyəti Əli İnsanovu “iqnor” edir  və qəbul etmir.
 İnsanovun məqsədi heç də Azərbaycanın inkişafı deyil. Qisasçılıq hissi onu müxalif düşərgəyə getməyə vadar edib.  Bəzi müxalifət partiyaları da ondan “lider” obrazı yaratmağa çalışır. Lakin elə həmin müxalifətçilər düşüncələrində yanılacaqlar. Elə İnsanov da onlara qoşulmaqda yanılacağını görəcək. Ona görə də Əli İnsanov Rəsul Quliyev, Rüstəm İbrahimbəyov kimi həmin şəxslərin iç üzünü görüb, iyrənərək onları tərk edəcək. Zaman gələcək elə onu  bu gün  keçirdikləri tədbirlərdə başa dəvət edənləri ən sərt formada tənqid edən Əli İnsanov olacaq”-deputat bildirib.
Xəlilov onu da əlavə edib ki, xalq onsuz da bu qüvvələri qəbul etmir:

“Bunu zaman sübut etdi. Onların taleyinə müxalifətdə çürümək yazılıb. Bir zamandan sonra elə onların ətrafındakılar onları uğursuzluq labirintinə sürüklədiyi üçün linç edəcəklər.  Ölkə ictimaiyyətinin böüyk bir qismi, o cümlədən bəzi konstruktiv müxalifət, ölkənin inkişafını istəyən siyasi qüvvələrə Azərbaycanın gələcəyini Prezident İlham Əliyev və Birinci Vitse-prezident Mehriban xanım Əliyevada gördükləri üçün onun ətrafında birləşib, uğurlu gələcəyimiz üçün ona dəstək verirlər”.

Deputat sonda bir  məqama diqqət edərək bildirib ki, müxalifət düşərgəsinin  təmsilçilərinin ölkədəki proseslərə hansı destruktiv münasibət bəsləməsindən asılı olmayaraq, onlar ən dar məqama düşdükdə ölkə başçısı  humanizm prinsiplərinə sadiq qalaraq onlara hərtərəfli dəstək verib.

“Elə hakimiyyətə çox sərt münasibəti ilə seçilən və icazəsiz aksiyalarda iştirak edib, insanları hakimiyyətə qarşı itaətsizliyə  dəvət edən Oqtay Gülalıyev keçirdiyi qəza nəticəsində  səhhətindəki problemlə bağlı ona ilk dəstək verən ölkə başçısı və Birinci Vitse-prezident Mehriban xanım Əliyeva oldu. Onun müalicəsi ilə bağlı bütün məsuliyyəti üzərinə götürərək, hətta onun müalicəsini davam etdirmək üçün xüsusi təyyarə ilə Ankaraya göndərdi. Bunu xalq görür və ona görə də rəhbərinin ətrafında sıx birləşir. Belə  radikal ünsürlərə isə cəmiyyətdə yer yoxdur və olmayacaq da...”.

Mürtəza
Ölkə.Az

ŞƏRH YAZ
1

Azərbaycanın Baş Nazirinə yeni köməkçi təyin edildi

Azərbaycanın Baş Nazirinə yeni köməkçi təyin edildi
17:17
Bu gün
1204
Siyasət
A
Baş Nazir Əli Əsədova yeni köməkçi təyin edilib.

"Ölkə.Az" xəbər verir ki, bunu "Report"a açıqlamasında Nazirlər Kabinetinin Mətbuat Xidmətinin rəhbəri İbrahim Məmmədov deyib. 

Onun sözlərinə görə, müvafiq sərəncamla Mehman Tağıyev Baş Nazirin köməkçisi təyin olunub.

ŞƏRH YAZ
0

Küveytin əmiri Prezident İlham Əliyevə məktub göndərib

Küveytin əmiri Prezident İlham Əliyevə məktub göndərib
16:37
Bu gün
1011
Siyasət
A
Küveyt Dövlətinin Əmiri Sabah əl-Əhməd əl-Cabir əs-Sabah Azərbaycan Respublikasının Prezidenti İlham Əliyevə təbrik məktubu ünvanlayıb.

"Ölkə.Az" xəbər verir ki, təbrikdə deyilir:

"Zati-aliləri.

Dost ölkənizin milli bayramı - Respublika Günü münasibətilə Sizə ən xoş təbriklərimi çatdırmaqdan böyük məmnunluq duyuram.

Bu xoş fürsətdən istifadə edərək, dost ölkələrimiz və xalqlarımız arasında mövcud olan gözəl münasibətlərin daha da inkişaf etməsini arzulayıram.

Zati-aliləri, Sizə uzun ömür, cansağlığı, dost Azərbaycana və onun xalqına davamlı tərəqqi və rifah arzulayıram".

ŞƏRH YAZ
0
BAĞLA