Əli İnsanovun məhkəməsi təxirə salındı

Əli İnsanovun məhkəməsi təxirə salındı
10:19
14.11.2017
721
Ölkə
A
Ali Məhkəmədə həbsdə olan sabiq səhiyyə naziri Əli İnsanovun kassasiya şikayəti üzrə məhkəmə iclası başlayıb.

"Ölkə.Az"ın APA-ya istinadən məlumatına görə, Fərhad Kərimovun sədrliyi ilə keçirilən iclasda dövlət ittihamçısı Rizvan Şəmmədov işlə tanış olmaq üçün vaxt istəyib. Proses bu səbəbdən qeyri-müəyyən vaxtadək təxirə salınıb. 

Qeyd edək ki, bir müddət əvvəl Qaradağ rayon Məhkəməsində sabiq səhiyyə naziri Əli İnsanovun barəsində cinayət işi üzrə məhkəmə prosesi yekunlaşıb. Hökmə əsasən, Əli İnsanov 7 il 5 gün müddətinə azadlıqdan məhrum edilib. Hökmdən verilən apellyasiya şikayəti təmin edilməyib.

Bir müddət əvvəl Ə. İnsanov barəsində Cinayət Məcəlləsinin 234.1-ci (satış məqsədi olmadan qanunsuz olaraq narkotik vasitələri və ya psixotrop maddələri şəxsi istehlak miqdarından artıq miqdarda əldə etmə və ya saxlama), 315.2 (Hakimiyyət nümayəndəsinə xidməti vəzifələrini yerinə yetirərkən həyat və sağlamlıq üçün təhlükəli olmayan zor tətbiq etməklə müqavimət göstərmə, xidməti vəzifələrini yerinə yetirməsi ilə əlaqədar ona və ya onun yaxın qohumlarına qarşı belə zor tətbiq etmə və ya zor tətbiq etmə hədəsi ilə hədələmə, bu maddədə göstərilən şəxslərə qarşı həyat və sağlamlıq üçün təhlükəli olan zor tətbiq etmə) və 317-2.1-ci (Cəzaçəkmə müəssisələrində və ya istintaq təcridxanalarında saxlanılan şəxs tərəfindən qadağan olunmuş əşyaların hazırlanması, saxlanılması, gəzdirilməsi, daşınması və ya istifadəsi, eyni əməllər təkrar törədildikdə) maddələri üzrə cinayət işi başlanıb.
 
Ə. İnsanov 2005-ci ilin oktyabr ayında həbs olunub. O, dövlət vəsaitlərinin mənimsənilməsində və dövlət aktivlərinin qanunsuz özəlləşdirilməsinin təşkilində ittiham edilib. 2007-ci ilin aprel ayında əmlakı müsadirə olunmaqla 11 il müddətinə azadlıqdan məhrum olunub. Ə. İnsanovun cəza müddəti ötən ilin oktyabr ayında başa çatırdı.

ŞƏRH YAZ
0

6 şəxsin meyiti Azərbaycana qaytarılıb — Qızıl Xaç-ın hesabatı

6 şəxsin meyiti Azərbaycana qaytarılıb
19:20
Bu gün
663
Ölkə
A
Beynəlxalq Qızıl Xaç Komitəsi (BQXK) yanvar-iyun aylarına dair hesabatı açıqlayıb.

Ölkə.Az xəbər verir ki, BQXK-dən modern.az-a verilən məlumata görə, 540 şəxsin (120 ailə təsərrüfatı) ailə üzvlərinin cəbhəboyu icmalarda yaşayış şəratinin yaxşılaşdırılması ilə bağlı layihələrdə iştirakı təmin edilib.

3 mina qurbanı nağd pul yardımı sayəsində səhhətini və yaşayış şəratini yaxşılaşdırıb.
 
Eyni zamanda, hesabat dövründə 6 şəxsin meyiti BQXK-nin vasitəçiliyi ilə Azərbaycan tərəfinə qaytarılıb.
 
Bundan başqa, 28 dəfə saxlama yerlərinə başçəkmə həyata keçirilib ki, bu da 19 saxlama mərkəzində saxlanılan şəxslərlə rəftarı, saxlanma şəraitini yoxlamağa və onların ailələri ilə əlaqə saxlamlarına dəstək olmağa imkan verib.

ŞƏRH YAZ
0

Polis cərimə yazdı: Sürücü küsüb getdi — VİDEO

Polis cərimə yazdı: Sürücü küsüb getdi
16:13
Bu gün
2100
Ölkə
A
Mingəçevir şəhər Polis Şöbəsinin Dövlət Yol Polisi Bölməsi növbəti reyd keçirib.

Ölkə.Az xəbər verir ki, DİN Mətbuat Xidmətinin Şəki regional qrupunun baş inspektoru, polis leytenantı Mahir Məsimov APA TV-nin yerli bürosuna bildirib ki, reyd zamanı sərnişindaşıma sürücülük hüququ olmayan, cərimələri ödəməyən, həmçinin təhlükəsizlik kəmərindən istifadə etməyən sürücülər müəyyənləşib, habelə polis əməkdaşlarına tabe olmayan sürücülər aşkarlanıb. Onlar barəsində protokollar tərtib olunub.

Mingəçevir şəhər Polis Şöbəsinin Yol Polisi bölməsinin təbliğat və təşviqat üzrə inspektoru Xətai Məmmədovun sözlərinə görə, iki saat ərzində şəhərin müxtəlif ərazilərində keçirilən reyddə sərnişindaşımada sıxlıq yaradan 16 sürücüyə, eləcə də avtomobillərdə görməni məhdudlaşdıran qara plyonkadan və pərdədən hələ də istifadə edən 18 sürücüyə protokol tərtib olunub.

Mütəmadi təşkil olunan reydlərdə əsas məqsəd sərnişindaşımada xidmətin keyfiyyətini yüksəltməkdir. Reyd zamanı polisə müqavimət göstərən məsuliyyətsiz sürücülər də olub. Yol polisi əməkdaşlarının qayda pozan və qəza vəziyyəti yaradan sürücülərə qarşı reydi mütəmadi olaraq davam edəcək.

 

ŞƏRH YAZ
0
BAĞLA