“Prezident İlham Əliyevin siyasətini dəstəkləyirik” — İlhan Aşkın Arif Hacılı ilə görüşündən DANIŞDI

“Prezident İlham Əliyevin siyasətini dəstəkləyirik”
18:33
07.12.2017
2981
Siyasət
A
“Rəhbərlik etdiyim Azərbaycan-Türk Kültür Dərnəyi Niderland Krallığında hər zaman Azərbaycan xalqının milli maraqlarını müdafiə edərək erməni lobbisinə qarşı mübarizə aparıb. Mən və rəhbərlik etdiyim təşkilat olaraq heç bir vaxt Azərbaycan dövlətinin daxili işlərinə qarşımayaraq, Azərbaycan Prezidenti İlham Əliyevin siyasətini, Azərbaycan dövlətçiliyini hər zaman dəstəkləmiş və bunu dəfərlərlə bəyan etmişik”.

Bu fikirləri “Ölkə.Az”-a açıqlamasında Niderlanda fəaliyyət göstərən Azərbaycan-Türk Kültür Dərnəyinin sədri İlhan Aşkın Müsavat partiyasının sədri Arif Hacılı ilə görüşünə münasibət bildirərkən deyib. 

İ.Aşkın Avropada Azərbaycan dövlətçiliyi və milli maraqları naminə keçirilən bütün tədbirlərdə fəal iştirak etməyə çalışdığını söyləyib:

“Azərbaycan dövləti də hər zaman mənim xidmətlərimi yüksək qiymətləndirib və çətin məqamlarda mənə dəstək olub. Belə ki, 2014-cü ildə Almelo şəhərində “erməni soyqırımı” abidəsinin tikintisinin qarşısını almaq məqsədilə türk təşkilatlarının keçirdiyi birgə etiraz aksiyasında işlətdiyim ifadələrə görə məhkəməyə verildikdən sonra Azərbaycan dövləti hüquqlarının müdafiəsi üçün bütün zəruri addımları atıb.

Diqqətinizə çatdırmaq istəyirəm ki, Niderland Krallığında məhz mənim təşəbbüsüm və təşkilatçılığımla Xocalı qurbanlarının xatirəsinə abidə ucaldılıb. Azərbaycandan Hollandiyaya gələn hər bir soydaşımız bu abidəni ziyarət etməklə Xocalı qurbanlarının xatirəsini yad etmək istəyir. Qarabağ, Xocalı məsələsi siyasi mövqeyindən asılı olamayaraq hər birimizin ağrılı yeri olduğu üçün biz hər kəsin bu istəyini nəzərə alıb onu abidənin ziyarətinə aparırıq.

Müsavat partiyasının başqanı Arif Hacılı və onun xarici siyasət məsələləri üzrə müavini Səxavət Soltanlının Xocalı abidəsini ziyarət etmək niyyətində olmasında da biz bir problem görməyərək, onların bu istəyini reallaşdırdıq. Daha sonra dərnəyimizin ofisinə gəlmək istədiklərini bidirən qonaqların bu istəyinə qarşı çıxmadıq. Azərbaycanin mərhum Prezidenti Heydər Əliyevin portretinin və Azərbaycan bayraqlarının asıldığı ofisimizdə keçən görüşdə Azərbaycanın milli maraqlarını qorumağa hər zaman hazır olduğumuzu və bu istiqamətdə Azərbaycan Prezidenti İlham Əliyevin yürütdüyü siyasəti dəstəklədiyimizi, Azərbaycan dövlətinin yanında olduğumuzu bildirdik. Təəssüf edirəm ki, kütləvi informasiya vasitələri bu görüşlə bağlı tamamilə yanlış nəticə çıxararaq, bizim hansısa siyasi təşkilatı dəstəklədiyimizi ifadə edən məlumatlar yayıb. Bir daha bildirirəm ki, mən Azərbaycan vətəndaşı deyiləm, Azərbaycandakı daxili siyasi münasibətlər sistemində də tərəf kimi çıxış etmək kimi bir iddiam olmayıb, bu gün də yoxdur. Bunula belə bir azərbaycanlı kimi hesab edirəm ki, Prezident İlham Əliyevin yürütdüyü siyasət Azərbaycan xalqının milli maraqlarına xidmət edir. Mən də Prezident İlham Əliyevin siyasətini dəstəkləyir və bu siyasətin Azərbaycan üçün faydalı olduğuna heç bir şübhəm yoxdur. Bütün mediya nümayəndələrindən xahiş edirəm ki, öz Vətəni üçün xidmət etməyə çalışan, dəfələrlə təzyiqlərə və təhdidlərə məruz qalmasına baxmayaraq, Dağlıq Qarabağ münaqişəsi, Xocalı soyqırımı kimi faktları dünyaya çatırmaq üçün fədakarlıq göstərmiş insanlar haqqında dəqiq olmayan məlumat yaymasınlar”.

Ramal Hüseynli
Ölkə.Az

ŞƏRH YAZ
0

Bu gün AŞPA-nın yaz sessiyası başlayır

Bu gün AŞPA-nın yaz sessiyası başlayır
10:32
Bu gün
337
Siyasət
A
Bu gün Strasburqda Avropa Şurası Parlament Assambleyasının (AŞPA) yaz sessiyası başlayır.

"Ölkə.Az"ın xəbərinə görə, aprelin 23-dən 27-dək davam edəcək sessiya çərçivəsində  qeyri-qanuni aktivlərin müsadirəsi, İŞİD terror qruplaşmasının maliyyələşdirilməsi və hibrid müharibə ilə bağlı insan hüquqları problemləri ətrafında müzakirələr aparılacaq.

O cümlədən, Liviyada vəziyyət, “Avropada yüksələn antisemitizm, islamofobiya və ksenofobiya: Avropa dəyərlərinə təhdid" və "Krımda Rusiya Federasiyası tərəfindən keçirilmiş qanunsuz seçki: insan hüquqlarının pozulması" mövzuları müzakirə ediləcək.

Sessiya dövründə Assambleya Bürosunun və Daimi Komitənin görülən işlər barədə hesabatı dinləniləcək, İqlim dəyişiklikləri üzrə Paris Sazişi, Avropadakı jurnalistlərin statusu, Liviyada hazırkı vəziyyət və Avropa Şurasının rolu, Hibrid müharibə və insan hüquqları üzrə öhdəliklər, Avropada dərmana qarşı davamlı olan vərəm xəstəliyi, Miqrant uşaqların inteqrasiyası və məcburi təhsili  barədə fikir mübadiləsi aparılacaq. 

Sessiya çərçivəsində Avropada məcburi köçkünlərin hüquqları və humanitar ehtiyacları mövzusunda məruzə dinləniləcək, Azərbaycandakı məcburi köçkünlərin vəziyyəti də müzakirə ediləcək.

Sessiyada Makedoniya və Lüksemburq xarici işlər nazirlərinin çıxışları gözlənilir.

Qeyd edək ki, Milli Məclisin Beynəlxalq münasibətlər və parlamentlərarası əlaqələr Komitəsinin sədri, Avropa Şurası Parlament Assambleyasındakı daimi nümayəndə heyətinin rəhbəri Səməd Seyidov  və bir qrup deputat da AŞPA-nın yaz sessiyasında iştirak edir. 

Nümayəndə heyətinə Milli Məclisin Mədəniyyət komitəsinin sədri Rafael Hüseynov, deputatlardan Sevinc Fətəliyeva, Sahibə Qafarova, Ülviyyə Ağayeva, Asim Mollazadə, Elşad Həsənov, Vüsal Hüseynov və Sabir Hacıyev daxildirlər.

Deputatlarımız gündəlikdəki məsələlərlə bağlı çıxış edəcək, fikirlərini bildirəcəklər. 

 

ŞƏRH YAZ
0

Oqtay Şirəliyev vəzifə başındadır

Oqtay Şirəliyev vəzifə başındadır
10:10
Bu gün
1143
Siyasət
A
Hazırda Azərbaycanın səhiyyə naziri vəzifəsini Oqtay Şirəliyev icra edir.

"Ölkə.Az" Report-a istinadən xəbər verir ki, bu barədə  Səhiyyə Nazirliyindən bildirilib.

Xatırladaq ki, aprelin 21-də Prezident İlham Əliyev Azərbaycan Respublikası Nazirlər Kabinetinin yeni tərkibi haqqında sərəncam imzalayıb. Kabinetin yeni tərkibində Oqtay Şirəliyevin adı yer almayıb.

ŞƏRH YAZ
0
BAĞLA