Elman Rüstəmov 700 milyon manat vəsaiti haraya xərcləyib? — İDDİA

Elman Rüstəmov 700 milyon manat vəsaiti haraya xərcləyib?
15:20
13.09.2017
267
Ölkə
A
Elman Rüstəmovun girovsuz kredit götürdüyü iddia edilir.

İddiaya görə, Mərkəzi Bankın rəhbəri birinci devalvasiyadan bir neçə həftə əvvəl Gürcüstanın inşaat sektoruna 700 milyon manat vəsait qoyub və bu vəsaiti Bank Respublikadan, Beynəlxalq bankdan və digər banklardan götürüb.

İqtisadçı ekspert Natiq Cəfərli bu iddia ilə bağlı fikirlərini Ölkə.Az-la bölüşüb:

"İnanmıram ki, Elman Rüstəmov birbaşa öz adı ilə bu əməliyyatı həyata keçirib. Çox güman ki, şirkətlər və öz adının hallanmadığı ona yaxın adamlar vasitəsi ilə bu pullar əldə edilib. Bu sistem Azərbaycanda çox populyardır. Əgər məlumat həqiqəti əks etdirirsə, məhz bu sistemlə həyata keçirilib.

Bundan əlavə, Beynəlxalq bankla bağlı baş verən problemlər onu göstərdi ki, təqribən ölkə daxilindən 10 milyard vəsait kredit müqavilələri ilə müxtəlif şəxslərə və şirkətlərə verilib və bunun geri qayıtması mümkün olmadı. Dövlət təqribən 10 milyarda yaxın krediti Beynəlxalq bankdan silib, onu digər kredit təşkilatına ötürməklə, obrazlı desək, onları basdırıb. Vəsaitin geri qayıtması mümkün deyil. Təbii ki, devalvasiyalardan öncə böyük məbləğlərdə kredit müqavilələrinin bağlanması və girov qoyulmadan bu tipli kredit müqavilələri vasitəsi ilə milyardlarla vəsaitin kredit şəklində götürülməsi və bunun bir hissəsinin ölkədən çıxarılması, devalvasiya zamanı da ölkədəki bank sektorunun çöküşünə ciddi təsir göstərdi".

Ələ keçirilən pulların ölkədən çıxışı məsələsinə gəldikdə isə Natiq Cəfərli bildirdi ki, əlimizdə faktlar olmasa da, bu məsələnin dolayı təsdiqi var:

"Mərkəzi Bankın devalvasiyalardan öncə 15 milyarda yaxın valyuta ehtiyatı var idi. 1 il, 1 il yarıma yaxın müddət ərzində 11 milyarda yaxın vəsait itirdi. Bu sadə vətəndaşların aldığı dollar deyil. 10 milyard sərbəst vəsait yox idi ki, onu alsınlar. Çox güman ki, kredit müqavilələri bağlanarkən manatla götürülən kreditin böyük bir hissəsi sonradan dollara çevrilərək ölkədən çıxarılıb ki, bu da indiki bank sektorunun acınacaqlı və ağır durumda olmasına səbəb olub".

Səxavət Məmməd
Ölkə.Az

ŞƏRH YAZ
0

“Nar”dan autizmli uşaqlara dəstək aksiyası

“Nar”dan autizmli uşaqlara dəstək aksiyası
18:03
Bu gün
199
Ölkə
A

“Nar” özünün korporativ sosial məsuliyyət (KSM) strategiyası çərçivəsində daha bir sosial aksiyaya imza atdı. Autizmdən əziyyət çəkən uşaqlara dəstək olmağa qərar verən mobil operator bu çərçivədə “Nur” korreksiyaedici mərkəzlə əməkdaşlığa başladı. Belə ki, 23-27 aprel 2018-ci il tarixləri arasında qardaş Türkiyə Cümhuriyyətinin Alanya şəhərində keçiriləcək ANCA Dünya Autizm Festivalında “Nur” korreksiyaedici mərkəzdə müalicə alan 3 autizmli uşaq və 4 pedaqoqun iştirakı mobil operator tərəfindən təmin edildi.

ANCA Dünya Autizm Festivalı ilk dəfə 1995-ci ildə Kanadada keçirilib. Festival hər il müxtəlif ölkələrdə təşkil edilir. Bu il festivalda 35 ölkənin iştirakı gözlənilir. Azərbaycanı bu festivalda məhz “Nur” korreksiyaedici mərkəz təmsil edəcəkdir. “Nur” korreksiyaedici mərkəzdə defektoloq, loqoped, psixoloq, müalicəvi idman, yaşam və gimnastika müəllimi, xüsusi pedaqoqlar xidmət göstərirlər. Mərkəzdəki mütəxəsislər Daun sindromu, autizm, əqli inkişafın ləngiməsi, hiperaktivlik, eləcə də digər psixoloji və  müxtəlif  nitq  problemlərinin reabilitasiyası ilə məşğul olurlar.      

Festivalda Azərbaycanı təmsil edəcək kollektivin səfər xərclərini öz üzərinə götürən “Nar” uşaqların çıxışlarında istifadə edəcəkləri xüsusi paltarlar və milli geyimlər, idman dəstləri, milli rəqs üçün  xüsusi müəllimin dəvəti, müxtəlif dillərdə hazırlanmış broşürlər və milli hədiyyələrin təşkili, eləcə də digər logistik xərclərin qarşılanmasını təmin etdi.

ŞƏRH YAZ
0

Namusunu təmizləyən 18 yaşlı gəncin cinayətinin təfərrüatı

Namusunu təmizləyən 18 yaşlı gəncin cinayətinin təfərrüatı
17:45
Bu gün
308
Ölkə
A
Şəki Ağır Cinayətlər Məhkəməsində kollec tələbəsini namus üstündə öldürən 18 yaşlı gəncin məhkəməsi başlayıb.

 “Ölkə.Az”ın xəbərinə görə, hakim Rəşid Hüseynovun sədrliyi ilə keçirilən məhkəmə prosesində cinayət məcəlləsinin 120.2.2-ci maddəsi ilə məhkum olunan Hacıyev Tərlan Fikrət oğlunun ifadəsi dinlənilib, vəkillər vəsatətlə çıxış ediblər. 

İttiham aktına görə, 2017-ci il dekabr ayında  Ağdaş şəhərinin Bəkir Nəbiyev küçəsində, mərkəzi poçtun qarşısında şəxsi münasibətlər zəminində aralarında baş verən dava zamanı əslən Ağdaş rayonundan olan və Bakıda yaşayan 2000-ci il təvəllüdlü Hacıyev Tərlan Fikrət oğlu həmyaşıdı, Ağdaş şəhər sakini Nəsibov Ətraf Nəsib oğlunu bıçaqlayıb. Ürək və kürək nahiyəsindən bıçaq xəsarətləri alan Ətraf Nəsibov hadisə yerində dünyasını dəyişib.
Qətli törədən Tərlan Hacıyev hadisə yerindən qaçaraq Qəbələ rayonunda yaşayan qohumunun evində, sonra isə meşə ərazisində gizlənsə də, günorta saatlarında Ağdaş rayon Polis Şöbəsinin əməkdaşları tərəfindən keçirilən operativ əməliyyat-axtarış tədbirləri nəticəsində saxlanılaraq istintaqa təhvil verilib.

Ağdaş Dövlət Humanitar Kollecinin 2-ci kurs tələbəsi olan Ətraf Nəsibovun namus üstündə qətlə yetirildiyi bildirilir. Belə ki, Ətraf Nəsibov Tərlan Hacıyevin Ağdaşda orta məktəbin 10-cu sinfində oxuyan və dayısının evində yaşayan bacısı ilə görüşüb. Sonradan qız barəsində xoşagəlməz fikirlər söyləyən Ətraf Nəsibovun bu hərəkəti Tərlan Hacıyevin xoşuna gəlməyib. Tərlan Hacıyev bacısına görə Bakıdan Ağdaşa gələrək Ətraf Nəsibovu amansızlıqla qətlə yetirib. Qətli törədən Tərlan Hacıyevin valideynləri hazırda Türkiyədədir.

Qeyd edək ki, hadisə Ağdaş Dövlət Humanitar Kollecinin ərazisindən kənarda, dərslərarası fasilə vaxtı baş verib. Ətraf Nəsibov təhsil ocağını özbaşına tərk edərək poçtun yanına gedib və məlum hadisə bu zaman qeydə alınıb.

Kollecdən bildirilib ki, Ətraf Nəsibov dərslərini yaxşı oxuyan, sakit təbiətli insan olub, tələbə gənclər təşkilatının üzvü kimi təhsil ocağının tədbirlərində fəal iştirak edib.

Növbəti məhkəmə prosesi aprel ayının 24-ə təyin olunub.

ŞƏRH YAZ
0
BAĞLA