Elman Rüstəmov və 700 milyon manat müəmması

Elman Rüstəmov və 700 milyon manat müəmması
22:35
13.09.2017
368
Ölkə
A
Elman Rüstəmovun girovsuz kredit götürdüyü iddia edilir. İddiaya görə, Mərkəzi Bankın rəhbəri birinci devalvasiyadan bir neçə həftə əvvəl Gürcüstanın inşaat sektoruna 700 milyon manat vəsait qoyub və bu vəsaiti Bank Respublikadan, Beynəlxalq Bankdan və digər banklardan götürüb.

Yerli mütəxəssislər isə məsələyə birmənalı yanaşmır. İqtisadçı ekspert Qadir İbrahimli “Ölkə.Az”a açıqlamasında bildirib ki, bu məsələ ciddi şəkildə araşdırılmalıdır. Onun sözlərinə görə, Elman Rüstəmov barəsində söylənilən ittihamlara fikir bildirməlidir və bu məsələ ciddi şəkildə araşdırılmalıdır.

“Elman Rüstəmovun girovsuz kredit götürdüyü iddia edilir. Mən bu məlumatın nə dərəcədə real olduğunu deyə bilmərəm. Ona görə də, bu məsələyə müəyyən qədər ehtiyatlı yanaşmağın tərəfdarıyam. Bir tərəfdən də, burada söhbət yeyintidən yox, girovsuz kreditdən gedir. Yəni ki, E.Rüstəmovu yeyintidə ittiham etməyə hələlik əlimizdə ciddi əsas yoxdur. Bir tərəfdən də, təsdiqlənməyib ki, kredit götürən şirkətlərin Elman Rüstəmovla bağlılığı var, ya yox”, - deyə Qadir İbrahimli bildirib.

Millət vəkili Vahid Əhmədov isə “Ölkə.Az”a açıqlamasında bildirib ki, bundan bir neçə vaxt əvvəl də, banklardan müəyyən vəsaitlərin götürülməsi kimi hallara rast gəlinib. Deputatın fikirincə, burada qeyri-adi bir şey yoxdur.

“Elman Rüstəmovun haqqında səslənən fikirləri mən də oxumuşam. Bu ittihamların nə qədər həqiqətə uyğun olduğunu bilmirəm. Amma bu vəsaitdir. Banklar da, bilirsiz ki, əksəriyyəti oliqarxlara məxsusdur. Oradan istənilən vəsaitin götürülməsinə heç bir maneəçilik olmur. Belə vəsaitlər daim götürülüb. Bununla da bağlı çoxlu cinayət işləri açılıb. Beynəlxalq Bankla əlaqədar məsələni xatırlayaq. Burada qeyri-adi bir şey yoxdur. Banklar özlərinindir və istədikləri kimi maliyyə yardımı alırlar”, - deyə Vahid Əhmədov əlavə edib.

Ziya Səccad
Ölkə.Az

ŞƏRH YAZ
0

Milli Mətbuatımızın 143-cü ili

Milli Mətbuatımızın 143-cü ili
00:19
Bu gün
1702
Ölkə
A
Bu gün Azərbaycanda milli mətbuatın yaranması günüdür.

“Ölkə.Az”ın məlumatına görə, 143 il öncə - 1875-ci il iyulun 22-də dövrünün maarifçilik hərəkatının görkəmli nümayəndələrindən olan Həsən bəy Zərdabinin “Əkinçi” qəzetini nəşrə başlaması ilə Azərbaycan milli mətbuatının əsası qoyulub.

“Əkinçi” Azərbaycan dilində əsl milli demokratik və xalq mətbuatının ilk təməl daşını qoydu, cəmi 56 nömrəsi çıxan qəzet millətin aynası oldu, Azərbaycan jurnalistikasının bayraqdarına çevrildi.

Sonrakı illərdə görkəmli ziyalılar tərəfindən nəşr edilən “Ziya”, “Kəşkül”, “Şərqi-rus”, “İrşad”, “Molla Nəsrəddin” kimi qəzet və jurnallar “Əkinçi”nin ənənələrini davam etdirdi. Bu mətbuat orqanlarının əsas hədəfi cəhalətə, haqsızlığa qarşı mübarizə, maarifləndirmə idi. Zəngin və şərəfli yolla addımlayan Azərbaycan mətbuatı bir neçə mərhələdən keçdi. Azərbaycan Xalq Cümhuriyyəti dövründə azad mətbuatın, eləcə də hadisələrə yeni baxışın təməli qoyuldu. Növbəti mərhələ isə Azərbaycan Xalq Cümhuriyyətinin bolşeviklər tərəfindən işğalından sonrakı dövrü əhatə edir. 143 yaşlı mətbuatın 70 ili bu kommunist dikaturası dövrü ilə bağlıdır. Həmin dövrdə Azərbaycan mətbuatı mövcud problemləri daha çox sətiraltı mənada yazırdı. Çünki mətbuat SSRİ-nin yürütdüyü siyasətin, ideologiyanın ruporu idi. Həmin dövrdə fərqli düşünmək, yazmaq yasaqlanmışdı.

1980-ci illərin II yarısından başlayaraq Azərbaycan mətbuatı yeni inkişaf mərhələsinə qədəm qoydu. Bu mərhələ həm də Azərbaycan dövlətçiliyi, demokratik dövlət quruculuğu dövrüdür. Bu yeni inkişaf dövrünün təməlini qoyan ulu öndər Heydər Əliyev hər zaman mətbuatın cəmiyyətə təsir gücünü yüksək qiymətləndirib, mətbuat və söz azadlığı, kütləvi informasiya vasitələrinin maddi-texniki bazasının möhkəmləndirilməsi istiqamətində ardıcıl tədbirlər həyata keçirib. Müstəqillik dövründə Azərbaycan mətbuatı ilə bağlı ilk fərmanı da Heydər Əliyev imzalayıb.

Ümumilikdə, ulu öndər mətbuatın problemlərinin həlli ilə bağlı 10-dan çox sərəncam və fərman imzalayıb. 1999-cu ildə “Kütləvi İnformasiya Vasitələri haqqında” beynəlxalq tələblərə cavab verən qanun qəbul edilib. Heydər Əliyevin 1998-ci il 6 avqust tarixli sərəncamı ilə Azərbaycanda senzura ləğv olunub.

Ölkədə söz və mətbuat azadlığına, KİV-lərə ən yüksək səviyyədə diqqət və qayğı var. Prezident İlham Əliyevin 31 iyul 2008-ci il tarixli sərəncamı ilə “Azərbaycan Respublikasında KİV-lərin inkişafına dövlət dəstəyi Konsepsiyasının” təsdiq edilməsi, bir il sonra, 3 aprel 2009-cu il tarixində Prezident yanında Kütləvi İnformasiya Vasitələrinin İnkişafına Dövlət Dəstəyi Fondunun yaradılması azad medianı inkişaf etdirmək, mətbuatın maddi-texniki bazasını möhkəmləndirmək, jurnalistlərin sosial-iqtisadi vəziyyətinin yaxşılaşdırılması məqsədilə atılan mühüm addımlar idi.

Milli mətbuatın yubileylərinin ölkədə geniş qeyd olunması, KİV-lərə birdəfəlik yardımların göstərilməsi, mətbuat işçilərinin sosial müdafiəsinin gücləndirilməsi tədbirləri, həmçinin milli mətbuatın inkişafındakı xidmətlərinə görə jurnalistlərin fəxri adlarla təltif edilməsi haqqında sərəncamlar da mətbuata və mətbuat işçilərinə qayğının tərkib hissəsidir.

Dövlət başçısının Azərbaycan mətbuat işçilərinin sosial müdafiəsinin gücləndirilməsinə dair sərəncamları əsasında jurnalistlər üçün iki yaşayış binası tikilib. 2013-cü və 2017-ci illərdə Prezident İlham Əliyev jurnalistlər üçün tikilmiş binada Milli Mətbuat Günü münasibətilə mənzillərin paylanması mərasimində iştirak edib. Dövlət başçısı 2017-ci ildə mətbuat işçiləri üçün sayca üçüncü yaşayış binasının tikintisi ilə bağlı sərəncam imzalayıb.

Ölkə.Az

ŞƏRH YAZ
0

Təhsil aldığı məktəbin 700 bal toplayan ilk məzunu

Təhsil aldığı məktəbin 700 bal toplayan ilk məzunu
22:29
21.07.2018
2570
Ölkə
A
“700 bal topladığımı biləndə inanmadım”.

“Ölkə.Az” xəbər verir ki, bunu Oxu.az-a açıqlamasında Bakı şəhəri 6 nömrəli məktəb-liseyinin məzunu Nərmin Əhədova bildirib.

Onun sözlərinə görə, bundan əvvəlki qəbul imtahanında 657 bal toplayıb:

“700 bal toplayacağımı gözləmirdim. Çox sevindim.Bakalavr təhsilimi Azərbaycan Tibb Universitetində alacam. Daha sonra təhsilimi Almaniyada davam etdirmək istəyirəm”.

Nərmin Əhədova qeyd edib ki, oxuduğu məktəbin tarixində ilk 700 bal toplayan məzun olub.

Qeyd edək ki, Dövlət İmtahan Mərkəzi iyulun 18-də I və IV ixtisas qruplarının abituriyentləri üçün keçirdiyi qəbul imtahanlarının nəticələrini elan edib. 15 nəfər 700 bal toplayıb.

Ölkə.Az

ŞƏRH YAZ
0
BAĞLA