Elmar Məmmədyarov ATƏT PA-nın prezidenti ilə görüşüb

Elmar Məmmədyarov ATƏT PA-nın prezidenti ilə görüşüb
21:10
12.06.2019
4188
Siyasət
A
Xarici işlər naziri Elmar Məmmədyarov ATƏT Parlament Assambleyasının prezidenti George Tseretelini qəbul edib.

Xarici İşlər Nazirliyindən "Ölkә.Az"a verilən məlumata görə, qonağı salamlayan nazir E.Məmmədyarov Avropanın təhlükəsizlik sistemində ATƏT-in və o cümlədən ATƏT PA-nın mühüm rol oynadığını qeyd edərək, ATƏT PA-nın prezidentinə Ermənistan-Azərbaycan Dağlıq Qarabağ münaqişəsinin həlli ilə bağlı ATƏT-in Minsk Qrupunun həmsədrlərinin vasitəçiliyi ilə aparılan danışıqlar prosesinin son vəziyyəti haqqında ümumi məlumat verib.

O, Ermənistan rəhbərliyinin son bəyanatlarına və cəbhə xəttində törədilən qanlı təxribatlara toxunaraq, belə məsuliyyətsiz davranışın danışıqlar prosesinə ciddi xələl gətirdiyini vurğulayıb.

Azərbaycanın danışıqlar prosesində mövqeyinin dəyişilməz olduğunu vurğulayan nazir, işğal edilmiş ərazilərimizdən Ermənistan silahlı qüvvələrinin çıxarılması və azərbaycanlı məcburi köçkünlərin öz torpaqlarına geri qayıtmasının danışıqların təməlini təşkil etdiyini söyləyib.

Öz növbəsində, G.Tsereteli Azərbaycana səfər etməyindən məmnuniyyət hissi keçirdiyini bildirərək, Prezident İlham Əliyev tərəfindən qəbul edildiyini xüsusilə vurğulayıb. O, ATƏT PA-da etdiyi rəhbərlik dövründə bu önəmli məsələlərə böyük diqqət ayırdığını, münaqişələr və onların humanitar fəsadlarının aradan qaldırılması və yumşaldılmasına, habelə edilən vasitəçilik səylərinə parlament müstəvisində də dəstəyin göstərilməsinin vacib vəzifə olduğunu qeyd edib. G.Tsereteli ATƏT PA-nın bu məqsədlə müxtəlif cür təmas imkanlarını təmin etməyə hazır olduğunu söyləyib.

Görüş əsnasında tərəflər Azərbaycanın ATƏT PA-nın işində məhsuldar iştirak etdiyini və qurumun fəaliyyətinə mühüm töhfə verdiyini razılıqla qeyd edərək, əməkdaşlığın gündəliyində duran bir sıra məsələləri müzakirə ediblər və ATƏT məkanında parlament əməkdaşlığı istiqamətinin daha da inkişaf etdirilməsinin vacibliyini vurğulayıblar.

Görüş zamanı, həmçinin qarşılıqlı maraq doğuran digər məsələlər ilə bağlı geniş fikir mübadiləsi aparılıb.

Ölkә.Az

ŞƏRH YAZ
0

"Heç orda YAP da mitinq keçirə bilməz" — Tahir Kərimli

13:50
Bu gün
104
Siyasət
A
“Müxalifət oktyabrın 19-da Bakının mərkəzində mitinq keçirməyə cəhdlə nəyə nail oldu? Əli Kərimli mitinqdən sonra dedi ki, aksiyada 10 minlərlə insan iştirak edib. Bu, yanlışdır. Əli Kərimlini virtual aləmdə bəzi insanlar dəstəkləyir, elə bilir ki, real həyatda da belədir”.

“Ölkə.Az” xəbər verir ki, bu fikri deputat Tahir Kərimli Milli Məclisin  bu gün keçirilən plenar iclasında deyib.

T.Kərimli bildirib ki, mitinqdə kütləvilik olmayıb: “Niyə özünüzdən yalanlar uydurursunuz, özünüzü də inandırırsınız? O vaxtlar 100 minlər çıxırdı ki, imperiayadan azad olsun, indi nədən azad olmaq istəyirlər? Hə, dava nədir, sən get, mən yerində oturum... Özləri də bilir ki, idarə edə bilməzlər. Əli Kərimlinin müavinləri mitinqə çıxmadı, haradan bildi ki, 100 minlər onları müdafiə edir? Qanunvericiliyə əsasən, metrostansiyasının mühafizə zonasında mitinq keçirilməsi qadağandır. Guya orada Yeni Azərbaycan Partiyası istəsə, mitinq keçirə bilər? Əlbəttə, yox, çünki orada mitinq keçirmək qadağandır. Görünür, bunlar xaricdən dəstək alırlar".

Mürtəza
Ölkə.az

ŞƏRH YAZ
0

"Ermənistanın, erməniçiliyin maraqlarına xidmət edənlərin sifarişini yerinə yetirən insanların iştirakı ilə aksiya keçirmək istədilər" — Bahar Muradova

13:24
Bu gün
327
Siyasət
A
"Oktyabrın 19-da icazəsiz aksyia keçirənlərin arasında hansı qüvvələrin dayandığı, məqsədləri məlumdur".

“Ölkə.Az” xəbər verir ki, bunu  Milli Məclis sədrinin müavini Bahar Muradova parlamentin bu gün keçirilən plenar iclasında deyib.

Onun sözlərinə görə, bu destruktiv qüvvələr həmin gün  qanundan kənar, qanuna zidd fəaliyyət həyata keçirmək istədilər. “Onlar  bu aksiyaya müəyyən sosial narazılıqları olan təbəqələri də bura cəlb etmək istəyiblər. Arxasında erməni maliyyəsi dayanan, Ermənistanın, erməniçiliyin maraqlarına xidmət edənlərin sifarişini yerinə yetirən insanların iştirakı ilə aksiya keçirmək istədilər. Bunların özün çox şey deyir. 

Məqsəd Azərbaycandakı islahatları dayandırmaq, dövləti sarsıtmaq, qanuni hökuməti dayandırmaq idi. Haqqında danışdığımız qruplara baxaq və onların hərəkətlərinin nəticələri barədə fikirlərimizə korrektə edək”- B. Muradova deyib.

Vitse-spiker qeyd edib ki, həmin adamlar bu qanunsuz aksiyanı keçirməyə cəhd etməklə 1990-cı illər haqqında təsəvvürü olmayan gənclərə, geniş əhali kütləsinə bir daha xatırlatdılar ki, qanundan kənar hərəkətlər nəyə gətirib çıxara bilər: “Öz maraqlarını, ambisiyalarını xalqın, dövolətin maraqlarından üstün tutmağın nəyə başa gələ biəlcəyini göstərdilər. Polisi gözdən salmağa çalışmaqla, yalan məlumatlar yaymaqla, polisi hədəfə çevirməyə yönələn səylər nəyə gətirib çıxara bilər, bunu göstərdilər. Onlar bunu yaxşı bacardılar, elə bacardıqları da budur. Ona görə də düşünürəm ki, Azərbaycan dövləti hər zaman olduğu kimi bu cür hərəkətlərin qiymətini hüquqi müstəvidə verməklə yanaşı, öz yoluna davam edəcək”- vitse-spiker bildirib.

Vitse-spiker onu da bildirib ki, Azərbaycan Prezidenti  bundan sonra da Ermənistanı gücdən salan siyasətini davam etdirəcək və ölkəmizin dünyada nüfuz sahibi edən siysaətini xalqla birlikdə aparacaq. 

Mürtəza
Ölkə.Az

ŞƏRH YAZ
0
BAĞLA