Elmar Məmmədyarov Azərbaycanın miqrasiya problemindən danışdı

Elmar Məmmədyarov Azərbaycanın miqrasiya problemindən danışdı
17:39
27.06.2019
584
Siyasət
A
Xarici İşlər naziri Elmar Məmmədyarov Miqrasiya Siyasətinin İnkişafı üzrə Beynəlxalq Mərkəzin Baş direktoru Mixael Şpindeleqqer ilə görüşüb.

Bu barədə "Ölkə.Az"a Xarici İşlər Nazirliyindən məlumat verilib. 

Görüş zamanı “Azərbaycanla Avropa İttifaqı arasında Yerdəyişmə üzrə Tərəfdaşlığın həyata keçirilməsinə dəstək” (MOBILAZE) layihəsi çərçivəsində Bakıda keçirilən “Yerdəyişmə üzrə Tərəfdaşlıq” mövzusunda illik beynəlxalq konfrans zamanı faydalı müzakirələrin aparıldığı qeyd edilib. Miqrasiya məsələsinin hazırda beynəlxalq gündəlikdə, o cümlədən Aİ üçün önəm kəsb edən ən vacib məsələlərlədən biri olduğu ifadə edilib.

Tərəflər Azərbaycanın Miqrasiya Siyasətinin İnkişafı üzrə Beynəlxalq Mərkəz ilə miqrasiya sahəsində sıx əməkdaşlıq etdiyini bildirərək MOBILAZE layihəsinin Aİ-Azərbaycan arasında əməkdaşlığın mühüm ölçüsü olan yerdəyişmə proseslərini və insanlararası əlaqələri dəstəkləməkdə rolunu yüksək qiymətləndiriblər. Eyni zamanda tərəflər Avropa İttifaqı ilə Azərbaycan arasında imzalanmış Viza Rejiminin Sadələşdirilməsi və Readmissiya sazişlərin bu ölçüyə xidmət etdiyini söyləyərək sözügedən sazişlərin icrasında Azərbaycanın sadiqliyini xüsusilə vurğulayıblar.

Ermənistan-Azərbaycan Dağlıq Qarabağ münaqişəsinə toxunan E.Məmmədyarov münaqişə nəticəsində ölkəmizin genişmiqyaslı daxili miqrasiya problemi ilə üzləşdiyini bildirib. E.Məmmədyarov Azərbaycanın müvafiq qurumlarının səyi nəticəsində qaçqın və məcburi köçkünlərin həyat şəraitinin yaxşılaşdırılması istiqamətində davamlı işlər görüldüyünü xüsusilə qeyd edib. Eyni zamanda nazir həmsöhbətini münaqişənin həllinin üzrə aparılan danışıqlar prosesinin son durumu ilə bağlı məlumatlandırıb.

Görüş zamanı həmçinin qarşılıqlı maraq doğuran regional məsələlər ətrafında fikir mübadiləsi aparılıb.

Ölkə.Az

ŞƏRH YAZ
0

"Əli Kərimli də polis əməkdaşlarına müqavimət göstərib" — BŞBPİ-dən açıqlama

02:00
Bu gün
440
Siyasət
A
Xəbər verildiyi kimi, özünü Demokratik Qüvvələrin Milli Şurası adlandıran qurumun üzvləri «Sərbəst toplaşmaq azadlığı haqqında» Qanuna zidd olaraq oktyabr ayının 19-da saat 15:00-da metronun «28 May» stansiyasının önündəki meydanda mitinq keçirtməyə cəhd göstəriblər.

"Ölkə.Az" Bakı Şəhər Baş Polis İdarəsinə istinadən xəbər verir ki, görülmüş tədbirlərlə bu hüquqazidd hərəkətlərin qarşısı alınıb, onun təşkilatçıları və bəzi iştirakçıları saxlanılaraq barələrində müvafiq tədbirlərin görülməsi təmin edilib.

Saxlanılanlar arasında Azərbaycan Xalq Cəbhəsi Partiyasının sədri Əli Kərimli də olub. O, barəsində müvafiq sənədləşmə aparılması üçün xüsusi avtomobilə yerləşdirilən zaman polis əməkdaşlarına müqavimət göstərib, nəticədə alnı avtomobilin dəmir barmaqlığına dəyərək xəsarət alıb.

Əli Kərimliyə Daxili İşlər Nazirliyinin Hospitalında tibbi yardım edilib, daha sonra izahatı alınaraq sərbəst buraxılıb.

ŞƏRH YAZ
0

Brexit təxirə salındı

Brexit təxirə salındı
21:48
19.10.2019
660
Siyasət
A
Britaniya parlamentinin İcmalar palatası Brexitin başqa vaxta keçirilməsi haqqında düzəlişi qəbul edib.

“Ölkə.Az” azərtac-a istinadən xəbər verir ki, hakim Mühafizəkarlar partiyasından olan sabiq deputat Oliver Letvin tərəfindən irəli sürülmüş təklifin lehinə 322, əleyhinə 306 deputat səs verib.

Qəbul olunan düzəlişə əsasən, Baş Nazir Boris Conson Brexit sazişinin yeni variantına dair səsvermənin nəticəsindən asılı olmayaraq, bu gün yerli vaxtla saat 23:00-dək Avropa İttifaqından Brexit prosesinin təxirə salınması barədə xahiş etməlidir.

Həmin düzəliş “sərt Brexit” əleyhdarları üçün bir növ “sığorta” rolunu oynayır. Yəni müvafiq qərar qəbul edilənədək və ölkənin Avropa İttifaqının tərkibindən sazişsiz çıxması təhlükəsi tam aradan qalxana qədər deputatlara dəstək olacaq.

Boris Conson isə öz növbəsində Brexitin təxirə salınması üçün Avropa İttifaqına müraciət etməyəcəyini bildirib. “Britaniya üçün ən yaxşısı Aİ-dən oktyabrın 31-də çıxmaqdır. Mən Aİ-dən təxirəsalma barədə xahiş etməyəcəyəm və qanun mənim üzərimə bunu etmək məsuliyyəti qoymur. Sonrakı ləngimə ölkəyə ziyan vuracaq”, - Conson parlamentdəki çıxışı zamanı belə deyib. O, həmçinin bildirib ki, ölkəni Avropa İttifaqından oktyabrın 31-də çıxarmaq üçün hər şeyi edəcək.

Xatırladaq ki, oktyabrın 17-də Avropa İttifaqının sammitində Brexit şərtlərinin parametrləri barədə razılaşma əldə olunub. Avropa İttifaqı və Böyük Britaniya nümayəndələri hələ ötən ilin dekabrında qəbul edilən Brexit şərtləri üzrə 500 səhifəlik sazişə İrlandiya və Şimali İrlandiya üzrə əlavə olunacaq 100 səhifəlik mətni və 25 səhifəlik siyasi deklarasiyanı razılaşdırıblar.

Ölkə.Az

ŞƏRH YAZ
0
BAĞLA