Elmar Məmmədyarov İtaliyanın yeni səfirini qəbul etdi

Elmar Məmmədyarov İtaliyanın yeni səfirini qəbul etdi
15:07
22.08.2017
18
Siyasət
A
Xarici işlər naziri Elmar Məmmədyarov İtaliya Respublikasının Azərbaycana yeni təyin olunmuş səfiri Auqusto Massarini qəbul edib.

"Ölkə.Az"ın XİN-in saytına istinadən verdiyi məlumata görə, səfir etimadnaməsinin surətini Elmar Məmmədyarova təqdim edib. Nazir Auqusto Massarini Azərbaycana səfir təyin olunması münasibətilə təbrik edi, ona gələcək fəaliyyətində uğurlar arzulayıb.

Səfir Auqusto Massarini iki ölkə arasında əlaqələrin daha da inkişafı naminə səylərini əsirgəməyəcəyini vurğulayıb. O, həmçinin, TAP layihəsinin İtaliya ərazisində tikintisi ilə bağlı görülən işlərin son vəziyyətinə dair Elmar Məmmədyarova məlumat verib.

Görüşdə Azərbaycan və İtaliya arasında ikitərəfli münasibətlərin müxtəlif sahələrdə uğurlu inkişafı qeyd olunub, xüsusilə siyasi, iqtisadi və enerji sahələrində əməkdaşlığın səviyyəsindən məmnunluq ifadə edilib. İki ölkə arasında mədəniyyət, turizm, nəqliyyat, kənd təsərrüfatı, humanitar, əczaçılıq və tibb sahələrində əməkdaşlıq üçün əlverişli imkanların mövcudluğu vurğulanıb.

Görüşdə qarşılıqlı maraq doğuran məsələlər ətrafında fikir mübadiləsi aparılıb.

ŞƏRH YAZ
0

Türkiyənin NATO-dan çıxması gündəmə gələcəksə bu tamamilə alyansın dağılması deməkdir — Hərbi ekspert

Türkiyənin NATO-dan çıxması gündəmə gələcəksə bu tamamilə alyansın dağılması deməkdir
12:31
Bu gün
138
Siyasət
A
NATO-nun Norveçdəki hərbi təlimlərində əsgərlərin hədəfinə (meşinə) Atatürk və Erdoğanın şəkilləri yerləşdirilib.

Buna görə də, 41 türkiyəli hərbçi təlimlərdən geri çağırılıb və Türkiyə prezidenti Rəcəb Tayyib Ərdoğan baş verən insidenti çox ağır dillə tənqid edib. Ərdoğan açıqlamasında bildirib ki, "belə müttəfiqlik olmaz".

Bəzi ekspertlər baş vermiş olayın bilərəkdən edildiyi və Rusiya Türkiyə yaxınlaşmasına bir mesaj olduğunu iddia edir. Ərdoğanın "Belə müttəfiqlik olmaz" cümləsi bəzi ekspertlər tərəfindən Türkiyənin NATO-dan çıxa biləcəyi kimi şərh edilir.

Baş vermiş hadisə və Türkiyə NATO-dan çıxarsa yeni birliklərin yaranma ehtimalı ilə bağlı hərbi ekspert Tərlan Eyvazov "Ölkə.Az"a açıqlama verib:

"Türkiyənin Rusiya təyyarisini vurmaqla Qərb öz istəyinə çatmışdı və iki ölkənin münasibətləri çox ciddi şəkildə pisləşmişdi. Rusiyanın siyasətini tənqid etsək də, Rusiya ilə Türkiyənin əməkdaşlığı həm iki ölkənin həm də Azərbaycanın xeyirinədir. Azərbaycan iki ölkə arasında körpü rolunu oynayır".

Təlimdə baş vermiş hadisəyə gəldikdə isə hərbi ekspert bildirdi ki, bu təxribat xarakterlidir və hərbi, strateji müttəfiqə qarşı bu cür hərəkət yolverilməzdir.

Türkiyənin S-400 raket kompleksi alması və bunu edəcəyi təqdirdə Qərbin Türkiyəyə yeni silahlar satmayacağı ilə hədələməsini isə Tərlan Eyvazov bu cür şərh edib:

"Suriya problemi yeni başlayanda NATO Türkiyəyə "Patriot" raket sistemini yerləşdirdi. Ancaq bir müddət sonra NATO həmin raket sistemin Türkiyə ərazisindən çıxardı. Bununla yanaşı NATO bu raket kompleksini Türkiyəyə satmır. Bu da o deməkdir ki, Türkiyənin hava məkanı lazımi səviyyədə qorunmur. Belə olan təqdirdə Türkiyə öz hava məkanını qorumaq üçün Rusiyadan S-400 raket kompleksini almağa məcburdur. Eyni situasiyanı Azərbaycan da yaşayır. 907-ci düzəlişə görə Azərbaycana nə ABŞ və də Avropa İttifaqı ölkələri silah sata bilməz. Buna görə də, Azərbaycan Rusiya və İsraildən silah alır".

Türkiyənin NATO-dan çıxa bilmək və yeni birliklərin yaranması ehtimalı barədə isə hərbi ekspert bunları deyib:

"Xüsusilə Tramp ABŞ prezidenti seçildikdən sonra ABŞ-ın nəinki Türkiyə ilə, Avropa ilə də münasibətlərində gərginlik yaranıb. Hətta Avropa dövlətləri qərar qəbul edərək, Avropa müdafiə qoşunlarını yaratmaq istəyindədirlər. Avropa müdafiə qoşununun yaradılması NATO-dan ayrılmaq və yeni qurumun yaranması deməkdir. Əgər Türkiyənin NATO-dan çıxması gündəmə gələcəksə bu tamamilə NATO-nun dağılması anlamına gəlir. Çünki NATO dövlətləri arasında Türkiyə quru qoşunlarının sayına görə ikincidir və türk əsgəri NATO-nun hər zaman vuran əli olub.

Deməzdim ki, yaxın gələcəkdə Türkiyə və Rusiya silahlı qüvvələrinin ittifaqı yaranacaq. Ancaq Türkiyə, Pakistan, Azərbaycan hətta İranın da daxil olduğu hərbi birliyin yaranması mümkündür. Bu birlik Çinlə də əməkdaşlıq edə bilər. Çünki iqtisadçı ekspertlər bildirir ki, yaxın gələcəkdə Çin iqtisadi cəhətdən dünyanın bir nömrəli dövləti olacaq".

Sonda hərbi ekspert bildirib ki, NATO Türkiyənin bu qurumdan çıxmasına göz yummayacaq. Çünki NATO-nun beyin mərkəzi yaxşı bilir ki, Türkiyənin qurumdan çıxması onların xeyirinə olmayacaq.

Səxavət Məmməd
Ölkə.Az

ŞƏRH YAZ
0

Serj Sərkisyan qorxdu

Serj Sərkisyan qorxdu
23:14
17.11.2017
1303
Siyasət
A
“Ermənistan prezidenti Serj Sərkisyan qorxdu”.

“Ölkə.Az” xəbər verir ki, bu barədə politoloq Elxan Şahinoğlu “Facebook” səhifəsində yazıb. Onun sözlərinə görə, Sərkisyan Ermənistanda məşhur analitik Sergey Minasyanı Gürcüstana səfir təyin etmək istəyirdi. Onun sözlərinə görə, Sərkisyanın bu istəyi ürəyində qalıb.

“Rəsmi Tbilisi aqreman vermədi, bu təyinatın əleyhinə çıxdı. Tbilisinin iki arqumenti var idi. Birinci arqumenti bu idi ki, Sergey Minasyan Gürcüstanda erməni separatçılarını dəstəkləyir, Rusiyanın Abxaziyanı və Cənubi Osetiyanı ələ keçirməsinə haqq qazandırır. İkinci arqument də sadə idi: Minasyan rusiyapərəstdir. Bu iki arqumentin qarşısında separatçı prezident Serj Sərkisyan təslim olmaq məcburiyyətində qaldı və o Minasyanı Ermənistan üçün vacib ölkə olan Gürcüstana deyil, Rumıniyaya səfir təyin etdi. Ermənilər deyir ki, Minasyan Buxaretsdə turist qismində olacaq, çünki Ermənistanla Rumıniya arasındakı münasibətlər sıfır səviyyəsindədir. İrəvana yaxşı dərs oldu. Separatçılarla ya hərbi güclə, ya da qapının ağzına qoymaqla danışmaq lazımdır”, politoloq bildirib.

Ziya Səccad
Ölkə.Az

ŞƏRH YAZ
0
BAĞLA