Elmar Məmmədyarov Monteneqro parlamentinin sədri ilə görüşüb

Elmar Məmmədyarov Monteneqro parlamentinin sədri ilə görüşüb
17:32
13.03.2018
930
Siyasət
A
Xarici işlər naziri Elmar Məmmədyarov ölkəmizdə səfərdə olan Monteneqro parlamentinin sədri İvan Brayoviçin başçılıq etdiyi nümayəndə heyətini qəbul edib.

Nazirlikdən "Ölkə.Az"a verilən məlumata görə, ölkəmizə səfərindən məmnunluğunu ifadə edən İ.Brayoviç Azərbaycan Prezidenti İlham Əliyev ilə çox maraqlı və faydalı görüş keçirdiyini bildirib.

İ.Brayoviç Azərbaycanın son illər ərzində artan nüfuzu, bir sıra mötəbər beynəlxalq tədbirlərə ev sahibliyi etməsi faktını diqqətə çatdıraraq ATƏT Parlament Assambleyasının İpək Yoluna Dəstək Qrupunun ilk beynəlxalq sessiyasının Bakıda keçirilməsinin önəmini vurğuladı və sessiya çərçivəsində keçirilmiş məhsuldar müzakirələrin dialoq və əməkdaşlığın inkişafına əsaslı töhfə verəcəyinə əminliyini ifadə edib.
Görüşdə Azərbaycanla Monteneqro arasında dostluq əlaqələrinin konstruktiv dialoq və anlaşma mühitində yüksələn xəttlə inkişaf etdiyi məmnunluqla qeyd olunub. Bu xüsusda, iki ölkənin beynəlxalq gündəlikdə duran məsələlərə münasibətdə baxışlarının üst-üstə düşdüyü, beynəlxalq təşkilatlar çərçivəsində bir-birini dəstəklədiyi bildirilərək Monteneqronun Avro-Atlantik təsisatlarda Azərbaycanın etibarlı tərəfdaşı olduğu diqqətə çatdırılıb. Monteneqronun Azərbaycanın Expo 2025 namizədliyinin dəstəkləməsinin təqdir olunduğu nəzərə çatdırılıb.
Azərbaycan və Monteneqro arasında dostluğun inkişafında parlament diplomatiyasının xüsusi rola malik olduğu qeyd olunub. Hər iki ölkənin parlament nümayəndə heyətlərinin Avropa Şurası Parlament Assambleyası, ATƏT Parlament Assambleyası, NATO Parlament Assambleyası və Qara Dəniz İqtisadi Əməkdaşlıq Təşkilatı Parlament Assambleyası çərçivəsində uğurla əməkdaşlıq etdiyi vurğulanıb.

Söhbət zamanı Ermənistan-Azərbaycan Dağlıq Qarabağ münaqişəsinin həlli üzrə ATƏT-in Minsk qrupunun həmsədrlərinin vasitəçiliyi ilə aparılan danışıqlar prosesi haqqında fikir mübadiləsi aparılıb.

Monteneqro Parlamentinin spikeri ölkəsinin Azərbaycanın ərazi bütövlüyü və suverenliyini tam şəkildə dəstəklədiyini və Ermənistan-Azərbaycan Dağlıq Qarabağ münaqişəsinin BMT Təhlükəsizlik Şurasının qətnamələri əsasında Minsk Qrupu çərçivəsində həllinin tərəfdarı olduğunu deyib.

Nazir E.Məmmədyarov Monteneqronun münaqişənin həllinə dair bu ədalətli mövqeyinin yüksək qiymətləndirildiyini nəzərə çatdırıb. O, bütün beynəlxalq ictimaiyyətin, o cümlədən Avropa İttifaqının Azərbaycanın ərazi bütövlüyü və suverenliyini tam şəkildə dəstəklədiyini diqqətə çatdırıb.

Görüşdə iki ölkə arasında enerji, nəqliyyat, investisiya, turizm və təhsil sahələrində əməkdaşlıq məsələlərinə toxunulub. Nazir qonağa Cənub Qaz Dəhlizinin inkişafı, TANAP və TAP layihələri haqqında məlumat verdi və bu əsnada Monteneqro ilə əməkdaşlıq məsələlərini diqqətə çəkib.

Görüşdə qarşılıqlı maraq kəsb edən digər məsələlərə ətrafında müzakirələr aparılıb.

ŞƏRH YAZ
0

İlham Əliyev Fələstin Dövlətinin başçısını təbrik edib

İlham Əliyev Fələstin Dövlətinin başçısını təbrik edib
18:35
14.11.2018
17315
Siyasət
A
Azərbaycan Respublikasının Prezidenti İlham Əliyev Fələstin Dövlətinin Prezidenti Mahmud Abbasa təbrik məktubu ünvanlayıb.

"Ölkə.Az"ın məlumatına görə, təbrik mətnində deyilir:  

"Hörmətli cənab Prezident,

Fələstin Dövlətinin milli bayramı münasibətilə Sizə və xalqınıza öz adımdan və Azərbaycan xalqı adından təbriklərimi yetirirəm.

İnanıram ki, Azərbaycan ilə Fələstin arasındakı münasibətlər xalqlarımızın iradəsinə uyğun olaraq daha da genişlənəcək və inkişaf edəcəkdir.

Sizə möhkəm cansağlığı, işlərinizdə uğurlar, qardaş Fələstin xalqına sülh və rifah diləyirəm".

ŞƏRH YAZ
0

Fransalı deputat: ATƏT-in Minsk Qrupu xarab olub

Fransalı deputat: ATƏT-in Minsk Qrupu xarab olub
18:33
14.11.2018
10128
Siyasət
A
Jerome Lambert DağlIq Qarabağ münaqişəsindən danışdı

“Fransa merlərinin qondarma Dağlıq Qarabağa səfər etməsi və ya şəhərlərin qondarma Dağlıq Qarabağla qardaşlaşması təəsüf hissi doğurur”.

"Ölkə.Az" xəbər verir ki, bu açıqlamanı REAL TV-yə Azərbaycanda səfərdə olan Fransa parlamentinin deputatı Jerome Lambert etdi.

“Mən təəssüf hissi ilə qeyd edirəm ki, biz belə hallarla rastlaşırıq. Bildiyiniz kimi Fransada merlər dövlətdən asılı deyil, onlar seçiliblər və çox azaddırlar. Onlar hər hansısa bir şəhərlə münasibətə girə bilərlər, yəni əlaqə yarada bilərlər. Təbii ki, bu Fransa qanunvericiliyinə uyğun deyil, Azərbaycan ərazisi sayılan şəhərlərlə sənədələr imzalayırlar, qardaşlıq əlaqələri qururlar. Amma onlara qarşı hələ ciddi bir tədbir görülməyib. Ümid edirəm ki, bu cür hallarla tez-tez rastlaşmarıq. Həm də bu o qədər tez-tez rast gəldiyimiz fakt deyil. Amma bu fakt var. Merlər Qarabağa səfər edirlər və mən buna yalnız təəssüf edə bilərəm”, - fransalı deputat bildirib. 

Jerome Lambert münaqişənin həll edilməsi istiqamətində fəaliyyət göstərən ATƏT-in Minsk Qrupunun bu istiqamətdə işini də dəyərləndirdi.

“Təbii ki, hazırki vəziyyətdə biz buna baxsaq, ATƏT-in Minsk Qrupu işləmir, yəni xarab olub. Fransa əlbəttə ki, vacib ölkədir və həmsədr olan 3 ölkədən biridir. Fransanın sülh əldə olunmasında rolu böyük olmalıdır. Mən ümid edirəm ki, Fransa öz mövqeyini tam olaraq ortaya qoyacaq və bu münaqişənin həllində öz gücünü ortaya qoyacaq”, - deputat deyib.

Qeyd edək ki, Fransanın Sent-Etyen şəhərinin meri, "Fransa-Artsax" dostluq qrupunun üzvü Qael Perdrion Azərbaycanın işğal altında olan Qarabağ bölgəsinə qanunsuz səfər edib.

Məlumata görə, səfər çərçivəsində işğal altında olan Şuşa və Fransanın Sent-Etyen şəhərləri arasında qanunsuz olaraq "Dostluq bəyannaməsi" imzalanıb. Qeyd edək ki, Azərbaycanın qanunvericiliyə əsasən işğal altında olan Dağlıq Qarabağ bölgəsinə qanunsuz səfər edən şəxslər Xarici İşlər Nazirliyinin (XİN) arzuolunmaz şəxslər siyahısına daxil edilir.

ŞƏRH YAZ
0
BAĞLA