Elmar Məmmədyarov: "Prezidentlərin görüşü görüş xatirinə keçirilməməlidir"

Elmar Məmmədyarov:
17:04
17.07.2017
31
Siyasət
A
Azərbaycan XİN rəhbəri Elmar Məmmədyarov bildirib ki, görüş xatirinə görüş keçirilməməlidir.

"Ökə.Az" xəbər verir ki, nazirin sözlərinə əsasən Azərbaycan və Ermənistan prezidentərinin görüşündə Qarabağ münaqişəsi üzrə konkret plan müzakirə edilməlidir və onun implementasiyasını təmin etmək lazımdır.

Azərbaycanlı diplomat bəyan edib: "Görüşdə dövlət başçıları səviyyəsində görüş keçirmək barədə təklif səsləndirilib. Xarici işlər nazirləri isə  bu təklifi dövlət başçıları ilə razılaşdırmalıdırlar. Görüşlər münaqişənin həlli prosesində vacib elementdir".

Amma "bu görüşlər görüş xatirinə keçirilməməlidir"-deyə nazir qeyd edib.

"Əgər prezidentlər səviyyəsində görüş təşkil edilirsə, düşünürəm ki, münaqişənin həlli və onun implementasiyası həmsədrlərlə müzakirə edilməlidir. Bu səbəbdən biz həmişə danışıqların substantiv xarakterinin vacibliyini vurğulayırıq".

Hikmət Həsənov
Ölkə.Az

 

ŞƏRH YAZ
0

YAP-ın Qurultayı nə zaman olacaq? — Siyavuş Novruzovdan AÇIQLAMA

YAP-ın Qurultayı nə zaman olacaq?
11:42
Bu gün
218
Siyasət
A
Bu il ölkədə keçiriləcək növbəti prezident seçkiləri ilə əlaqədar Yeni Azərbaycan Partiyasının (YAP) İdarə Heyəti yaxın vaxtlarda toplanacaq.

Bu barədə “Ölkə.Az”-a açıqlamasında Yeni Azərbaycan Partiyasının (YAP) İcra katibinin müavini, Milli Məclisin İctimai Birliklər və Dini Qurumlar Komitəsinin sədri Siyavuş Novruzov bildirib. 

S.Novruzov deyib ki, bu il keçiriləcək prezident seçkilərinə hazırlıq işləri ilə bağlı Yeni Azərbaycan Partiyasının keçirdiyi konfranslar artıq yekunlaşıb. 

Onun sözlərinə görə, YAP-ın rayon və şəhər təşkilatları tam hazır vəziyyətə gətirilib: 

“Digər məsələlərlə bağlı isə yaxın vaxtlarda YAP İdarə Heyətinin müvafiq qərarı olacaq. Bu qərardan sonra seçkilərə hazırlıq işi üzrə proqramlar tərtib olunacaq”.

Prezidentliyə vahid namizədin müəyyən edilməsi ilə əlaqədar YAP-ın Qurultayının nə zaman çağırılacağı ilə bağlı məsələyə də toxunan S.Novruzov qeyd edib ki, bu səlahiyyət yalnız YAP-ın sədrinə aid olan məsələdir:

“Prezident seçkilərində vahid namizədin müəyyən edilməsi ilə Yeni Azərbaycan Partiyasının Qurultayının nə zaman çağırılacağı isə bizim səlahiyyətimizə aid olmadığı üçün dəqiq tarixi söyləyə bilməyəcəm. Bilirsiniz ki, partiyanın Qurulyatı çağırmaq səlahiyyəti sədrə aiddir. Yeni Azərbaycan Partiyasının sədri də nə zaman məsləhət bilsə, qurultay o zaman çağırılacaq”. 

S.Novruzov həmçinin vurğulayıb ki, bu il Milli Məclis tərəfindən dini sahədə yeni qanun layihələrinin qəbul edilməsi gözlənilir:

“Hazırda bu istiqamətdə müvafiq qurumlarla məsləhətləşmələr aparılır”.

Vasif Həsənli
Ölkə.Az

ŞƏRH YAZ
0

Prezident bir neçə obyektin açılışında iştirak edib — FOTO / YENİLƏNİB

Prezident bir neçə obyektin açılışında iştirak edib
11:41
Bu gün
627
Siyasət
A
Azərbaycan prezidenti İlham Əliyev “Azərişıq” Açıq Səhmdar Cəmiyyətinin Bakı Paylayıcı Şəbəkəsinin yeni inzibati binasının və yarımstansiyalarının açılışında iştirak edib.

Prezident İlham Əliyev həmin obyektlərin rəmzi açılışını bildirən lenti kəsib.

“Azərişıq” ASC-nin sədri Baba Rzayev görülən işlər barədə dövlət başçısına məlumat verib.

Sonra prezident İlham Əliyevə Bakı Rayon Elektrik Təchizatı və Satışı İdarəsinin yenidən qurulan 110/35/10 kilovoltluq “Yasamal-1” yarımstansiyası barədə məlumat verilib. Bildirilib ki, yeni inşa olunan yaşayış binalarının artan güc tələbatını ödəmək, perspektiv inkişafa uyğun olaraq digər istehlakçıları dayanıqlı elektrik enerjisi ilə təmin etmək üçün “Yasamal-1” yarımstansiyası tamamilə yenidən qurularaq gücü iki dəfədən çox artırılıb. “Yasamal-1” yarımstansiyası dövlət əhəmiyyətli obyektlər də daxil olmaqla Yasamal rayonunun böyük bir hissəsini elektrik enerjisi ilə təmin edir.

Prezident İlham Əliyev məsafədən idarə olunan SCADA dispetçer sistemi vasitəsilə 110 kilovoltluq “Yasamal-1” yarımstansiyasını işə salıb.

Sonra dövlət başçısına 35/10-6 kilovoltluq 120 saylı və Qobu qəsəbəsi ərazisində yeni inşa edilən 110/35/10 kilovoltluq “Qobu” yarımstansiyaları barədə məlumat verilib.

Prezident İlham Əliyevə məlumat verilib ki, Qobu qəsəbəsinin ərazisində ilk dəfə 110 kilovoltluq yeni yarımstansiya inşa edilib. Yeni inşa edilmiş “Qobu” yarımstansiyasından çəkiləcək 35 kilovoltluq elektrik verilişi xətləri vasitəsilə “502” və “Hökməli” yarımstansiyalarının elektrik təchizatı təmin ediləcək.

Dövlət başçısına “Azərişıq”ın elektrik təchizatı sxemi, 110 kilovoltluq “Bayramzadə” yarımstansiyası, Külək Elektrik Parkı və digər yenidənqurma layihələri barədə də məlumat verilib.

Bakı Paylayıcı Şəbəkəsinin inzibati binası və yeni yarımstansiyalarla tanış olan prezident İlham Əliyev müvafiq tapşırıq və tövsiyələrini verib.

***

Prezident İlham Əliyev yanvarın 17-də “Azərişıq” Açıq Səhmdar Cəmiyyətinin paytaxtın Xətai rayonunda yerləşən Bakı Paylayıcı Şəbəkəsinin inzibati binasının, 220 saylı yarımstansiyasının, 110 kV-luq “Yasamal 1” yarımstansiyasının, 110 kV-luq “Qobu” yarımstansiyasının və 120 saylı yarımstansiyanın açılışında iştirak edib.

"Ölkə.Az"ın məlumatına görə, dövlət başçısı rəmzi açılışı bildirən lenti kəsib.

“Azərişıq” ASC-nin sədri Baba Rzayev prezident İlham Əliyevə inzibati bina və yarımstansiyalar haqqında məlumat verib.

ŞƏRH YAZ
0
BAĞLA