KORONAVİRUSA YOLUXANLARIN SAYI - CANLI STATİSTİKA

Elmar Vəliyevə sui-qəsdi dəstəkləyən şəxsin dəhşətli ƏMƏLLƏRİ

Elmar Vəliyevə sui-qəsdi dəstəkləyən şəxsin dəhşətli ƏMƏLLƏRİ
12:24
03.06.2020
6837
Ölkə
A
Azərbaycanda qanunsuz silahlı birləşmənin tərkibində iştirak etməkdə ittiham olunan Lənkəran sakini, 1970-cı il təvəllüdlü Nağı Ağayevin cinayət işi üzrə məhkəmə prosesi başa çatıb.

"Ölkə.Az"ın Demokrat.az-a istinadən məlumatına görə, Nağı Ağayev əvvəllər xarici ölkələrdə dini zəmində aparılan silahlı münaqişələrdə döyüş təlimi keçmiş Yunis Səfərov tərəfindən 3 iyul 2018-ci il tarixdə Gəncə şəhərində şəhər İcra Hakimiyyətinin başçısı Elmar Vəliyevə və polis əməkdaşına odlu silahdan atəş açılıb, müxtəlif bədən xəsarətləri yetirilərək qəsdən öldürməyə cəhd edilməklə əvvəlcədən planlaşdırılmış terror aktı törədilmiş, faktla bağlı başlanılmış cinayət işi üzrə Azərbaycan Respublikasının Baş Prokurorluğu, Daxili İşlər Nazirliyi və Dövlət Təhlükəsizliyi Xidməti tərəfindən ictimaiyyətə bu barədə rəsmi məlumat verilməsinə baxmayaraq 4 iyul 2018-ci il tarixdə istifadəsində olan “Samsung” markalı mobil telefondakı mobil telefon nömrəsində olan “Whatsapp” proqramının “NAQİ” adlı profili ilə öz səsi ilə Yunis Səfərovun terror əməllərinə dəstək ifadə edib. 

O, “alo, qardaşlar. Salam aleykum. Deməli, qrajdanin Rosiyyadır. Hökumət adamlarından Rusiyaya xəbər vermək lazımdır, Posolstvaya işçilərinə. Allah bu qardaşın canını salamat eləsin. Belə oğlanlar çox olsa, bizim xeyrimizdir. Hə, ikincisi də ki, bu Mübarizdir, Allah rəhmət eləsin. Onlar da şəhiddir. Sözümüz o deyil. Əsas qəhrəman bu qardaşdır. Yəni birinci yeri belə qardaşlara vermək lazımdır. Çünki bizim cavanların başlarını xarab eliyirlər, ay erməni belə, filan. Erməni bəli düşməndir, torpaq da alınmalıdır. Ancaq erməninin bəhanəsi ilə bunlar vlastda qalır. Erməni bunların kirvələridir. Erməni bunların qardaşlarıdır. 


Xalqın balaları dözmürlər, gedirlər ermənilərin üstünə, axırda da ölürlər, gəlirlər. Əsas iş, bunları, bu işdir. Bunların kökün kəsmək lazımdır. Erməni ikinci dərəcəli işdir. Prosto erməni söhbəti ilə bizim başımızı qal eliyiblər. Bu xalqa zülm eliyirlər. Allah o qardaşın canını salamat eləsin. Tezliklə qapısını açsın” məzmunlu səsli mesajı 26 nəfər profil istifadəçisinə göndərib.

Nağı Ağayev Yunis Səfərovun əməllərinə dəstək xarakterli qanunsuz aksiyaların keçirilməsinin vacibliyini ifadə edərək qəsdən Azərbaycan Respublikasında hakimiyyətin zorla ələ keçirilməsinə yönələn dövlət əleyhinə açıq çağırışlar etməklə bu cür məzmunlu materialları yayıb.

Bundan başqa, Nağı Ağayev 9 iyul 2018-ci il tarixdə Lənkəran rayonunun Sütəmurdov kəndində yerləşən su kanalının yanından içərisində döyüş sursatları hesab edilən 01 ədəd “F1” tipli əl qumbarası, həmin qumbaraya aid 01 ədəd “UZRQM” tipli alışdırıcı, 30 ədəd 7,62x39 mm kalibrli patronlar və 1 ədəd partlayıcı maddə olan trotil şaşkasını qəsdən qanunsuz olaraq əldə edib yaşadığı Lənkəran rayonunun Sütəmurdov kəndində yerləşən evinə qanunsuz olaraq daşıyıb, orada qanunsuz olaraq saxlayıb.

İstintaq orqanı tərəfindən Nağı Ağayevin barəsində Cinayət Məcəlləsinin 228.1-ci (qanunsuz olaraq odlu silah, onun komplekt hissələrini, döyüş sursatı (yivsiz odlu ov silahı və həmin silah üçün döyüş sursatı istisna olmaqla), partlayıcı maddələr və qurğular əldə etmə, başqasına vermə, satma, saxlama, daşıma və ya gəzdirmə) və 281.1-ci (hakimiyyətin zorla ələ keçirilməsinə, zorla saxlanılmasına və ya Azərbaycan Respublikasının konstitusiya quruluşunun zorla dəyişdirilməsinə və ya ərazi bütövlüyünün parçalanmasına yönələn açıq çağırışlar etmə, habelə bu cür məzmunlu materialları yayma) maddələri ilə ittiham elan edilib.

Lənkəran rayon Məhkəməsinin hökmü ilə Nağı Ağayev 4 il 6 ay müddətinə azadlıqdan məhrum edilib.

Hökmdən narazı qalan Nağı Ağayev apelyasiya şikayəti verib. O, törətmədiyi cinayətə görə məhkum olunduğunu qeyd edib. Nağı Ağayev barəsində bəraət hökmünün çıxarılmasını istəyib.

Nağı Ağayevin şikayəti araşdırılması üçün Şirvan Apelyasiya Məhkəməsinə göndərilib. Hakim İsmayıl Əhmədovun sədrliyi ilə baş tutan iclasda apelyasiya şikayətinin dəlilləri araşdırılıb, sonda qərar elan olunub.

Qərara görə, Nağı Ağayevin şikayəti qismən təmin edilib və birinci instansiya məhkəməsinin hökmü dəyişdirilib.

Yeni hökmə əsasən, Nağı Ağayevin cəzası 3 ilə endirilib.

ŞƏRH YAZ
0

Ölkə ərazisindəki çaylarda sululuq artıb

Ölkə ərazisindəki çaylarda sululuq artıb
07:00
Bu gün
188
Ölkə
A
İyulun 11-də ölkə ərazisinə yağan yağışlar nəticəsində respublikanın əksər çaylarında sululuq artıb.

"Ölkə.Az" Milli Hidrometeorologiya Xidmətinə istinadən xəbər verir ki, Böyük və Kiçik Qafqazın bəzi çaylarından qısamüddətli sel keçib.

Belə ki, Kiçik Qafqazın ərazisindən axan Zəyəmçay-Ağbaşlar məntəqəsində suyun səviyyəsi 22 sm, Kürəkçay-Toğanada 5 sm, Böyük Qafqazın ərazisindən axan Vəlvələçay-Təngəaltı məntəqəsində 6 sm, Lənkəran-Astara bölgəsinin ərazisindən axan Viləşçay-Şıxlar məntəqəsində 1 sm, Kür-Qıraqkəsəmən məntəqəsində 4 sm, Qanıx-Əyriçay məntəqəsində isə səviyyə 2 sm artıb.
Yağan leysan yağışlar nəticəsində Daşkəsən rayonunun ərazisindən axan Dəstəfürçaydan və Oğuz rayonunun ərazisindən axan Əyriçaydan sel keçib.

ŞƏRH YAZ
0

Bu günün hava proqnozu

Bu günün hava proqnozu
06:00
Bu gün
5245
Ölkə
A
Azərbaycanda bu günə gözlənilən hava şəraiti açıqlanıb.

Milli Hidrometeorologiya Xidmətindən "Ölkə.Az"-a verilən məlumata görə, 12 iyulda Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağmursuz keçəcəyi, lakin gecə və səhər bəzi yerlərdə yağış yağacağı gözlənilir. Mülayim şimal küləyi gündüz cənub küləyi ilə əvəz olunacaq.

Havanın temperaturu Abşeron yarımadasında gecə 21-24, gündüz 29-34, Bakıda gecə 21-23, gündüz 32-34 dərəcə isti olacaq. Atmosfer təzyiqi normadan aşağı 758 mm civə sütunundan 754 mm civə sütununa enəcək, nisbi rütubət 60-70 faiz təşkil edəcək.

Abşeron çimərliklərində mülayim şimal küləyi gündüz cənub küləyi ilə əvəz olunacaq. Dəniz suyunun temperaturu Sumqayıt, Novxanı, Pirşağı, Nardaran, Bilgəh, Zaqulbada 23-24, Türkan, Hövsan, Sahil, Şıxda isə 24-25 dərəcə isti olacaq.

12 iyulda Azərbaycanın rayonlarında gecə və səhər şimşək çaxacağı, arabir yağış yağacağı, ayrı-ayrı yerlərdə intensiv olacağı, dolu  düşəcəyi, gündüz əksər rayonlarda yağışın tədricən kəsiləcəyi gözlənilir. Qərb küləyi bəzi yerlərdə arabir güclənəcək. Havanın temperaturu  gecə 19-24, gündüz  30-35, dağlarda gecə 9-14, gündüz 17-22 dərəcə isti olacaq.

Ölkə.Az

ŞƏRH YAZ
0
BAĞLA