Elnarə Abdullayeva: "Həyat yoldaşım məndən 15 yaş da kiçik ola bilərdi" — MÜSAHİBƏ

Elnarə Abdullayeva:
11:42
13.02.2018
7464
Maqazin
A

Tanınmış xanəndə, əməkdar artist Elnarə Abdullayeva "Ölkə.Az"-ın suallarını cavablandırıb.

- Elnarə xanım, istərdim ki, əvvəlcə konsert hazırlıqlarınız barədə məlumat verəsiniz. 

- Fevralın 16-da Sumqayıtda, Kimyaçılar Sarayında solo konsertim olacaq. Konsert bir gün nəzərdə tutulub.

- Heydər Əliyev adına Sarayda 2-3 günlük proqramla çıxış edən xanəndəyə tələbat azalıbmı?

- O konserti özləri təşkil etdilər.

- İcra Hakimiyyəti?

- Bunu prodüser Asif Kərimov daha yaxşı bilir. Tələbat çox da olsa, bir günlük proqram istəyirəm. Fikrim var ki, bu il bölgələrimizdə silsilə konsert proqramları ilə çıxış edim. Sumqayıtdan sonra Gəncədə konsertim olacaq. Ancaq deyim ki, bu iki konsertin heç birinin təşkilatçılığından xəbərim yoxdur.

- Heç olmasa qonorarın məbləğindən xəbərdarsınız?

- Böyük konsertlərimdə düşünürdüm ki, necə olacaq, nə cür edəcəyəm. İnanın ki, burada məni qonorar düşündürmür. Sadəcə, regionlarda tələbat olduğu üçün bu konsertləri verirəm. Hamı Bakıya gələ bilmir axı. Mən Filarmoniyada da konsert vermək arzusundayam.

- Biletlərin qiyməti necədir?

- Şəhərdə biletin qiyməti səksən manat idisə, rayonlarda, bölgələrdə yəqin ki, 30-40 manatdır.  İnsanların maddi durumunu düşünmək lazımdır.

- Sənət adamları gileylənirlər ki, toya getdiyimiz üçün tamaşaçının gözündə adiləşirik və konsert verə bilmirik. Yəni, müğənnini hər gün toyda görən tamaşaçı onu konsertdə görməyi o qədər də arzulamır. Ancaq siz həm toya gedirsiniz, həm də konsertlərinizdə anşlaq olur. Nə cür ifaçı olmaq lazımdır ki, həm konsertinə maraq olsun, həm də toya dəvət etsinlər?

- Çox sadə çıxış yolunu deyəcəyəm. Əvvəla, özün olmalısan. Özün olanda xalq səni sevəcək. Allaha and olsun ki, ruhdan ruha əlaqə var. Özünü necə aparırsansa, insanlar onu hiss edir. Və ən əsası mütləq sənətlə məşğul olmalısan. Mütəmadi olaraq sözləri, qəzəlləri yeniləməli və rəngarəng olmalısan.

- Sosial şəbəkələrdə sizin adınızdan yaradılmış xeyli profillər var. Özünüz istifadə edə bilirsinizmi?

- Facebook səhifəm var, amma başqası idarə edir. Məsələn, dünən evdə şirniyyat bişirmişdim, onu çəkib paylaşmışdılar. Ancaq özüm bunu edə bilmirəm. 

- Sizcə sənətçinin bişirdiyini çəkib paylaşmağı doğrudurmu?

- Bəli, doğrudur. Gənc ifaçılar görsün ki, bunu etmək insanın şanına kəsir gətirmir. Başqa lazımsız işlərlə məşğul olunca, belə işlər görmək lazımdır.  Çox yorulanda evdə nəsə iş görəndə rahatlaşıram.

- Elnarə xanım, kəndinizə çəkdirdiyiniz bulağın suyu gəlirmi?

- Allaha and olsun ki, bulağın gözü əvvəlkindən daha yaxşı açılıb. Maşallah, su daha yaxşı gəlir. Mən o bulaqdan hələ bir stəkan su içməmişəm. Allahın xalqa rəhmi gəlsin, o bulağın suyu kəsilməsin. İki ildir bizim kənd camaatı ağ günə çıxıb. 

- Hansı kənddir?

- Qobustan royanu, Çuxanlı kəndi. Əkirlər, biçirlər, hamının qapısına su gedir. Allahın bu gününə şükür. Bax tac (Son günlər şou nümayəndələri arasındakı tac qalmaqalına eyham vurur-İ.V.) odur. Allah adama belə işlər qismət eləsin. Ay tac burda gəldi, filan şey oradan getdi.

-  Sizə tac hədiyyə etsələr, imtina edərsiniz?

- Tacdır da, onun nə mənası var ki?! İnsan mənəviyyatının tacı olmalıdır. Başqa mənəviyyat, mənlik, əxlaq tacı olmalıdır. Əldə düzələn tacdan insan başına tac olmaz. 

- Sosial şəbəkələrdə həyat yoldaşınızın sizdən 7 yaş kiçik olduğu... (Sözümü kəsir)

- İnsanları yaş fərqinə görə qınamaq doğru deyil. Mənimlə Elxanın arasında (həyat yoldaşı) 3-4 yaş fərq ola bilər. İnan ki, 15 yaş da fərq olsaydı, bunu normal qəbul edərdim. Çünki nə mən Xədicə anamızdan, nə də Elxan Peyğəmbərimizdən artıq deyilik. Odur ki, hansı yaşda ailə qurursan, qur, qadın əxlaqını, namusunu qorumalıdır. Əvvəl hamı deyirdi ki, bu gün varıq, sabah yoxuq. Amma mən deyirəm ki, bu gün varıq, bu gün olmaya da bilərik. Həyatda hər şey boşdur (kövrəlir).

- Belə düşüncənizə görə həmkarlarınız tərəfindən qınandığınız hallar olurmu?

- Mənimçün heç kimin fikri, düşüncəsi maraqlı deyil. Mənim bir düşüncəm var. Elnarə, əxlaqlı, vicdanlı olacaqsan, millətə, xalqa can yandıracaqsan, hər kəsə evindəkilər kimi hörmətlə yanaşacaqsan. Mən inanıram və dərk edirəm ki, hər şey gəldi gedərdi. Hər şeydən ötrü cavab verəcəyik. Bu qalmaqallar bizə lazımdırmı? Bir tikə çörəyimizi qazanaq, sakit yaşayaq, ölüb gedək də. 


İntiqam VALEHOĞLU
Ölkə.Az

ŞƏRH YAZ
0

Nigar Camal ikinci dəfə ərə gedib? — FOTO

Nigar Camal ikinci dəfə ərə gedib?
20:56
Bu gün
2606
Maqazin
A
Müğənni Nigar Camalın ikinci dəfə ailə həyatı qurması ilə bağlı xəbərlər yayılıb.

"Ölkə.Az" xəbər verir ki, baku.ws-in əldə etdiyi görüntülərdə ifaçının bir bəylə restoranların birində yan-yana əyləşməsi nəzərdən qaçmayıb. 

Məlumata görə, onların bu xoş günündə aparıcı Afaq Gəncəli, müğənni Sevda Yahyayeva və başqa məşhurlar iştirak ediblər.

Ölkə.Az

ŞƏRH YAZ
0

Yılmaz Morgül göz yaşlarına boğuldu: “Anamın ayaqlarını öpürəm”

Yılmaz Morgül göz yaşlarına boğuldu: “Anamın ayaqlarını öpürəm”
19:17
Bu gün
3515
Maqazin
A
Müğənni Yılmaz Morgül iştirak etdiyi verilişdə xəstə olan anasını xatırlayaraq göz yaşlarına hakim ola bilməyib. “Ölkə.Az” xəbər verir ki, Yılmaz keçmişdə çox çətin günlər keçirdiyindən bəhs edib.

“Altı yaşım olanda atamı itirdim. Tətildə işləyib dəftər-kitabımı alırdım. Anam da işləyirdi. Cavan yaşında 7 uşaqla dul qaldığı üçün 3 yerdə işləyirdi. Anam çox güclü qadın idi. Amma sonradan Alzheimer xəstəliyinə tutuldu. “Ana, Yılmazın gəldi” deyirəm, məsum-məsum baxır, heç nə demir. İndi anam mənim övladım kimidir. Hara getsəm, onun corabını çıxarıb ayağının altını öpürəm. Həyatda olan valideynlərinizi çox sevin, duasını alın, halallaşın, hər gün qucaqlayın. Onları incitməyin”.

Yılmaz Morgül bildirib ki, Acun İlıcalı ilə tanış olana qədər pul üzü görməyib:

“Acun yaxşı insandır, onunla tanış olduqdan sonra pul qazanmağa başladım. Anam “Survivor”da mənə baxanda xoşbəxt olurdu. 38 xəstə uşağın təmsilçisi kimi bu yarışda iştirak etdim. Qazanılan pulun bir qismini dərnəklərə bağışlamaq şərtilə getdim”.

Hikmət Həsənov
Ölkə.Az

ŞƏRH YAZ
0
BAĞLA