Elnarə Abdullayeva: "Həyat yoldaşım məndən 15 yaş da kiçik ola bilərdi" — MÜSAHİBƏ

Elnarə Abdullayeva:
11:42
13.02.2018
7095
Maqazin
A

Tanınmış xanəndə, əməkdar artist Elnarə Abdullayeva "Ölkə.Az"-ın suallarını cavablandırıb.

- Elnarə xanım, istərdim ki, əvvəlcə konsert hazırlıqlarınız barədə məlumat verəsiniz. 

- Fevralın 16-da Sumqayıtda, Kimyaçılar Sarayında solo konsertim olacaq. Konsert bir gün nəzərdə tutulub.

- Heydər Əliyev adına Sarayda 2-3 günlük proqramla çıxış edən xanəndəyə tələbat azalıbmı?

- O konserti özləri təşkil etdilər.

- İcra Hakimiyyəti?

- Bunu prodüser Asif Kərimov daha yaxşı bilir. Tələbat çox da olsa, bir günlük proqram istəyirəm. Fikrim var ki, bu il bölgələrimizdə silsilə konsert proqramları ilə çıxış edim. Sumqayıtdan sonra Gəncədə konsertim olacaq. Ancaq deyim ki, bu iki konsertin heç birinin təşkilatçılığından xəbərim yoxdur.

- Heç olmasa qonorarın məbləğindən xəbərdarsınız?

- Böyük konsertlərimdə düşünürdüm ki, necə olacaq, nə cür edəcəyəm. İnanın ki, burada məni qonorar düşündürmür. Sadəcə, regionlarda tələbat olduğu üçün bu konsertləri verirəm. Hamı Bakıya gələ bilmir axı. Mən Filarmoniyada da konsert vermək arzusundayam.

- Biletlərin qiyməti necədir?

- Şəhərdə biletin qiyməti səksən manat idisə, rayonlarda, bölgələrdə yəqin ki, 30-40 manatdır.  İnsanların maddi durumunu düşünmək lazımdır.

- Sənət adamları gileylənirlər ki, toya getdiyimiz üçün tamaşaçının gözündə adiləşirik və konsert verə bilmirik. Yəni, müğənnini hər gün toyda görən tamaşaçı onu konsertdə görməyi o qədər də arzulamır. Ancaq siz həm toya gedirsiniz, həm də konsertlərinizdə anşlaq olur. Nə cür ifaçı olmaq lazımdır ki, həm konsertinə maraq olsun, həm də toya dəvət etsinlər?

- Çox sadə çıxış yolunu deyəcəyəm. Əvvəla, özün olmalısan. Özün olanda xalq səni sevəcək. Allaha and olsun ki, ruhdan ruha əlaqə var. Özünü necə aparırsansa, insanlar onu hiss edir. Və ən əsası mütləq sənətlə məşğul olmalısan. Mütəmadi olaraq sözləri, qəzəlləri yeniləməli və rəngarəng olmalısan.

- Sosial şəbəkələrdə sizin adınızdan yaradılmış xeyli profillər var. Özünüz istifadə edə bilirsinizmi?

- Facebook səhifəm var, amma başqası idarə edir. Məsələn, dünən evdə şirniyyat bişirmişdim, onu çəkib paylaşmışdılar. Ancaq özüm bunu edə bilmirəm. 

- Sizcə sənətçinin bişirdiyini çəkib paylaşmağı doğrudurmu?

- Bəli, doğrudur. Gənc ifaçılar görsün ki, bunu etmək insanın şanına kəsir gətirmir. Başqa lazımsız işlərlə məşğul olunca, belə işlər görmək lazımdır.  Çox yorulanda evdə nəsə iş görəndə rahatlaşıram.

- Elnarə xanım, kəndinizə çəkdirdiyiniz bulağın suyu gəlirmi?

- Allaha and olsun ki, bulağın gözü əvvəlkindən daha yaxşı açılıb. Maşallah, su daha yaxşı gəlir. Mən o bulaqdan hələ bir stəkan su içməmişəm. Allahın xalqa rəhmi gəlsin, o bulağın suyu kəsilməsin. İki ildir bizim kənd camaatı ağ günə çıxıb. 

- Hansı kənddir?

- Qobustan royanu, Çuxanlı kəndi. Əkirlər, biçirlər, hamının qapısına su gedir. Allahın bu gününə şükür. Bax tac (Son günlər şou nümayəndələri arasındakı tac qalmaqalına eyham vurur-İ.V.) odur. Allah adama belə işlər qismət eləsin. Ay tac burda gəldi, filan şey oradan getdi.

-  Sizə tac hədiyyə etsələr, imtina edərsiniz?

- Tacdır da, onun nə mənası var ki?! İnsan mənəviyyatının tacı olmalıdır. Başqa mənəviyyat, mənlik, əxlaq tacı olmalıdır. Əldə düzələn tacdan insan başına tac olmaz. 

- Sosial şəbəkələrdə həyat yoldaşınızın sizdən 7 yaş kiçik olduğu... (Sözümü kəsir)

- İnsanları yaş fərqinə görə qınamaq doğru deyil. Mənimlə Elxanın arasında (həyat yoldaşı) 3-4 yaş fərq ola bilər. İnan ki, 15 yaş da fərq olsaydı, bunu normal qəbul edərdim. Çünki nə mən Xədicə anamızdan, nə də Elxan Peyğəmbərimizdən artıq deyilik. Odur ki, hansı yaşda ailə qurursan, qur, qadın əxlaqını, namusunu qorumalıdır. Əvvəl hamı deyirdi ki, bu gün varıq, sabah yoxuq. Amma mən deyirəm ki, bu gün varıq, bu gün olmaya da bilərik. Həyatda hər şey boşdur (kövrəlir).

- Belə düşüncənizə görə həmkarlarınız tərəfindən qınandığınız hallar olurmu?

- Mənimçün heç kimin fikri, düşüncəsi maraqlı deyil. Mənim bir düşüncəm var. Elnarə, əxlaqlı, vicdanlı olacaqsan, millətə, xalqa can yandıracaqsan, hər kəsə evindəkilər kimi hörmətlə yanaşacaqsan. Mən inanıram və dərk edirəm ki, hər şey gəldi gedərdi. Hər şeydən ötrü cavab verəcəyik. Bu qalmaqallar bizə lazımdırmı? Bir tikə çörəyimizi qazanaq, sakit yaşayaq, ölüb gedək də. 


İntiqam VALEHOĞLU
Ölkə.Az

ŞƏRH YAZ
0

Məryəm Üzərlinin yeni imici bəyənilmədi — FOTO

Məryəm Üzərlinin yeni imici bəyənilmədi
15:43
21.07.2018
2861
Maqazin
A
Aktrisa Məryəm Üzərli son filmi üçün saçlarını qara rəngə boyayıb.

“Ölkə.Az” xəbər verir ki, aktrisa yeni imicdə fotosunu sosial şəbəkədə paylaşıb. Amma onun izləyiciləri Məryəmin yeni imicini bəyənməyiblər.

İzləyiciləri fotonun altına “Qara sənə yaraşmır, əvvəlki halına qayıt” rəylərini yazıblar.

Hikmət Həsənov
Ölkə.Az

ŞƏRH YAZ
0

"Səkkiz ildir bu elmi işin üzərində çalışıram" — NAZPƏRİ DOSTƏLİYEVAYLA FƏLSƏFƏ DOKTORLUĞUYLA BAĞLI MÜSAHİBƏ

14:04
21.07.2018
5275
Maqazin
A

Xalq artisti Nazpəri Dostəliyeva aşıq sənətiylə bağlı götürdüyü elmi iş ətrafında  son günlər yaranmış ajiotajla bağlı "Ölkə.Az"-a eksklüziv müsahibə verib. 

 –  Nazpəri xanım, sizin aşıq sənətiylə bağlı götürdüyünüz elmi iş həm sosial şəbəkələrdə, həm də sosial mediada müzakirələrə səbəb olub. Bu addımınızı təqdir edənlər də var, tənqid edənlər də. İstərdim ki, öncə bu barədə danışasınız. 

 –  Əvvəlcə qeyd edim ki, iyun ayında Ali Attestasiya Komissiyası mövzunu qəbul edib. Ümumiyyətlə, istərdim oxucular bilsin ki, bu haqda hələ heç kimə heç nə deməmişəm. Bildiyiniz kimi, peşəkar səhnəyə addım atan gündən bir kəlmə demişəm ki, müəllimim də, ustadım da atam olub. Muğamları, xalq mahnılarını, aşıq musiqilərini də atamdan öyrənmişəm. Bəzən deyəndə ki, atamın məktəbini keçmişəm, ondan bəhrələnmişəm, kimlərinsə beynində xoşagəlməz fikirlər yarana bilər. Ancaq bu, faktdır. Bəli, mən Azərbaycan Dövlət Mədəniyyət və İncəsənət Universitetini bitirmişəm, təhsil almışam, bildiklərimi püxtələşdirmişəm.  Peşəkar səhnəyə ayaq qoyan gündən ali təhsil almaq barədə düşünmüşəm və təhsil almışam. Eyni zamanda pedaqoji fəaliyyətlə məşğul olmuşam. 2009-cu ildən bu günə kimi Mədəniyyət və İncəsənət Universitetində pedaqoji fəaliyyətlə məşğulam. 

 –  Bəs "Azərbaycanın şərq və qərb aşıq məktəblərinin xüsusiyyətləri və ifaçılıq ənənələrinin müqayisəli təhlili” adlı dissertasiya mövzusunu götürməyiniz hansı zərurətdən yarandı? Yəni, niyə məhz bu mövzunu araşdırmaq, işləmək qərarına gəldiniz?

 –  Atam dünyasını dəyişəndən sonra aşıqları layiq olmayan yerlərdə görəndə, çayxanalara getdiklərini eşidəndə bu, mənə çox pis təsir edirdi. Aşığın hansı bölgədən olmasının heç bir fərqi yoxdur. Bu, mənimçün müqəddəs sənətdir, ilk öncə ağsaqqalımın qoyduğu mirasdır. Bu, əzəli, qədimi ozan sənətidir və hər bir azərbaycanlının borcudur ki, onu qorusun və bacarırsa, inkişaf etdirsin. Düşündüm ki, əgər bütün bu proseslərin içərisindən keçmişəmsə, onun inkişafında, öyrənilməsində, aliləşməsində mənim də müəyyən qədər xidmətim olsun. Qərara gəldim ki, aşıq musiqisi orkestrlə səslənsin. Bunu sevə-sevə və ürəkdən istəyərək etdim. İstədim ki, həmin musiqini ali formada xalqımıza, dünya xalqlarına təqdim edim. Mikayıl Azaflının "Ağarma, ay saçlarım" adlı musiqisini ifa edəndə dilimizi başa düşməyən xarici dövlətlərin vətəndaşlarının gözündən yaş axdığını gördüm. Atamın ustadı Aşıq Abbas Cəyirlinin sözlərinə "Şirvan şikəstəsi" oxuyanda "Zarıncı şikəstə"nin bəzi detallarını ora əlavə etdim. Halbuki onu aşıqlardan başqa heç kim başa düşməzdi. Bu, mənim ustadlarımdan bəhrələndiyimdir. Şamaxının, Şirvan elinin məşhur saz-söz ustadları olan aşıq Abbas Cəyirli, aşıq Mahmud, aşıq Şakir Hacıyev, aşıq Bilal, aşıq Pənah, aşıq Əhməd, aşıq Şərbət, aşıq Məhəmməd, aşıq Xanış kimi ustadlardan, o cümlədən Qərb aşıq məktəbinin nəhəngləri olan aşıq Ədalət, aşıq Xanlar kimi sənətkarlardan hər zaman bəhrələnmişəm.  

 –  Yəni, demək istəyirsiniz ki, sözgedən elmi işi götürməyinizin səbəbi bu amillər olub?

 – Bəli, tamamilə doğrudur. "Ağarma, ay saçlarım"ı ifa edəndən sonra Avropada, Türkiyədə, Rusiyada verdiyim solo konsertlərdə aşıq musiqisinin sifarişini gördüm. Xahiş edirdilər ki, aşıq mahnısı ifa edim. Bunların hər biri içimdə alov, istək yaratdı. Düşündüm ki, niyə aşıq sənəti haqqında elmi iş yazmayım? Bu iş mənim beynimə o vaxtdan həkk olundu. Mədəniyyət və İncəsənət Universitetində pedaqoji fəaliyyətimlə yanaşı, böyüklərimizin, alimlərimizin məsləhətiylə aşıq sənətiylə bağlı elmi iş götürmək qərarına gəldim. 

 –  Bu elmi işi neçənci ildə götürmüsünüz?

 –  Təxminən 2010-cu ildən bu işin üzərində çalışıram. Səkkiz ildir bu işlə məşğulam. Həm evimdə oturub işləmişəm, həm alimlərlə məsləhətləşmişəm, bu gün də araşdırmalarım davam edir. Hətta Özbəkistanda, Qırğızıstanda ozan sənətiylə bağlı araşdırmalar aparmışam. Həmçinin Şamaxıda ustad aşıqların evlərində olmuşam. Vaxt məhdudluğuna baxmayaraq, məhz bu iş üçün hara imkanım çatıbsa getmişəm, faktlar toplamışam. 

 –  Maraqlıdır ki, səkkiz il öncə götürdüyünüz elmi iş bu gün gündəmə gəlir.

 –  Mən elmi iş yazdığımla bağlı afişa vurmayacaqdım ki? 

 –  Sizcə, yazdığınız elmi iş müsbət rəy ala biləcəkmi?

 – Faktlar əsasında yazmışam və bacardığımın ən yaxşısını etməyə çalışmışam. Ümid edirəm ki,  səkkiz il ərzində gördüyüm işlər, mütəxəssislərlə məsləhətləşərək apardığım araşdırmalar müsbət nəticə verəcək. Ancaq istənilən halda yekun qərar Ali Attestasiya Komissiyasınındır. Hələ işim tamamlanmayıb və hətta deyim ki, mətbuatda, sosial şəbəkələrdə yazılanları eşidəndə Şamaxıdan qayıdırdım. Yaxınlarım mənə dedilər ki, belə şeylər yazırlar. Bir şeyi də vurğulayım ki, həmin fotonu mənim köməkçim "Instagram"da paylaşıb. Düşünürəm ki, bu mənə qarşı təxribatdır. Atdığı yanlış addıma görə, köməkçimi bu gün işdən azad etdim. Həmin foto paylaşılanda mən Şamaxıda olmuşam.

 – Əslində, vermək istədiyim suala toxundunuz. Sənət aləmindəkilərin arasında intriqaların olması sirr deyil. Sizcə, bu məsələnin ajiotaja səbəb olmağında həmkarlarınızın rolu varmı?

 –  Əlbəttə, var. 

 –  Səbəb nə ola bilər?

 –  Paxıllıq! İnanıram ki, bu yaranan yox, süni şəkildə kimlərsə tərəfindən yaradılan ajiotajdır. Atalar deyib ki, mərdiməzar olmasa, bağ çəpəri neyləyir? Ümumiyyətlə, hər zaman bəzi həmkarlarım gördüyüm işlər qarşısında aciz qalıblar. Bu səbəbdən də hansısa formada gördüyüm işlərə kölgə salmağa çalışıblar. Sənətə gəldiyim ilk gündən belə olub. Amma onların savadsızlığı, acizliyi hər zaman məni güldürüb və məndə hünər, şövq yaradıb. Yoluma daş atanlar, mane olmaq istəyənlər hər zaman olub və bu gün də var. Ancaq həmişə ağlıma, sənətimə, işimə güvənib, irəli getmişəm. İnanıram ki, bu şövqlə daha gözəl işlərə imza atacağam. Bu işdə heç kim mənə mane ola bilməyəcək. Elmi işimi bitirib Ali Attestasiya Komissiyasına təhvil verəcəyəm. 

İntiqam VALEHOĞLU
Ölkə.Az

ŞƏRH YAZ
0
BAĞLA