Elxan Məmmədovdan Yurgen Kloppun kəskin bəyanatına — CAVAB

Elxan Məmmədovdan Yurgen Kloppun kəskin bəyanatına
17:06
12.05.2019
934
İdman
A
AFFA-nın baş katibi Elxan Məmmədov "Liverpul"un baş məşqçisi Yurgen Kloppun Avropa Liqasının finalının Bakıda keçirilməsi ilə bağlı kəskin bəyanatına münasibət bildirib.

"Ölkə.Az"ın məlumatına görə, E.Məmmədov deyib: "Yurgen Kloppun sözləri məni xoşagəlməz bir şəkildə təəccübləndirdi. O, həmişə çox pozitiv insan təəssüratı bağışlayıb. Üstəlik, hamımız bilirik ki, o, futbolda həqiqətən də uğurlu nəticələr əldə edən böyük mütəxəssisdir. Amma bütün bunlarla yanaşı, onun futbolun coğrafi cəhətdən məhdudlaşdırılması ilə bağlı fikirləri ilə razı deyiləm.

Biz futbolun dəyərlərinə hörmət etməli və onu inkişaf etdirməliyik. Əsas dəyərlərimizdən biri də futbolun sərhədlərinin genişlənməsi, onun qloballaşmasıdır.
Avropa çoxdan bu qitənin qərb hissəsi ölkələrinin sərhədlərindən kənara çıxıb və əminəm ki, Avropa çempionatı oyunlarının və Avropa kuboku finalının Şərqi Avropa ölkələrində keçirilməsi bu ölkələrdə futbolun inkişafı üçün yeni imkanlar açmaqla yanaşı, gənc nəsil arasında onun daha da populyarlaşmasına və gənclərin futbola cəlb edilməsinə xidmət edir".
AFFA-nın baş katibi xatırladıb ki, bəzi ölkələrdə skeptik əhval-ruhiyyənin olmasına baxmayaraq, Rusiyada mükəmməl təşkil olunmuş Dünya çempionatının şahidi olduq:
"Eyni sözləri Kiyevdə və yaxud 10 il əvvəl İstanbulda Çempionlar Liqasının final oyunlarının təşkili barədə də deyə bilərik. Bəli, ola bilsin bu il Madriddə qiymətlər Çempionlar Liqasının finalına görə yüksəlib, ancaq bu bazar iqtisadiyyatının yan təsiridir və böyük idman tədbirləri ərəfəsində hər yerdə olur.
Razıyam ki, Londondan Bakıya avtobusla gəlmək çox çətin olacaq. Lakin əsl azarkeşlər üçün məsafə nə vaxtdan maneə olub?
Xatırlatmaq istəyirəm ki, final oyununun təşkili ilə bağlı keçirilmiş tenderdə üç şəhər iştirak edib – Sevilya, İstanbul və Bakı. Heç kəs digər ölkələrin iştirak etməsi imkanlarını məhdudlaşdırmadı. Əminəm ki, Bakıda əsl futbol bayramı olacaq. Eyni zamanda əminəm ki, Madriddə də buna şahid olacağıq.
Biz çox yaxşı hazırlaşmışıq. Bakıdakı otellərdə yerlər var, restoran və mağazalarda pivə kifayət qədərdir, aviaşirkətlərdə isə əlavə çarter reyslərinin açılması planlaşdırılır. Bir sözlə, hər kəsin diqqətini öz işinə cəmləşdirməsinin əsl vaxtıdır.
Yurgen Klopp isə qlobal futbol dəyərlərini fəal şəkildə yüksəltməyi, ölkələri və paytaxtları Avropa kuboklarının finalını keçirmək üçün layiq və layiq olmayanlara bölməməyi məsləhət görərdim. O, məşhur bir insandır və dünyada milyonlarla azarkeş onun fikirlərini dinləyir".
Xatırladaq ki, "Liverpul"un baş məşqçisi Yurgen Klopp Avropa Kuboklarının final oyunlarının keçiriləcəyi Madrid və Bakı şəhərlərinə biletlərin qiymətinin və yaşayış xərclərinin yüksək olması ilə bağlı azarkeşlərin narazılığına münasibət bildirib.

Qeyd edək ki, bir qədər öncə Azərbaycan Respublikasının Dövlət Turizm Agentliyi digər dövlət strukturları, o cümlədən "Azərbaycan Hava Yolları" (AZAL) və Azərbaycan Futbol Federasiyaları Assosiasiyası (AFFA) ilə birgə UEFA Avropa Liqası final matçının Bakıda keçirilməsinə tam hazır olduqlarını və ölkəmizə gələcək turistlər və qonaqlar üçün əlverişli şəraitin yaradıldığını bəyan ediblər.
Azərbaycan Respublikasının Dövlət Turizm Agentliyinin mətbuat xidmətindən bildiriblər ki, final oyununun hazırlıqları tam sürəti ilə davam edir.

Qeyd edildiyi kimi, 29-30 may tarixlərində "AZAL" aviaşirkəti tərəfindən həyata keçiriləcək London-Bakı-London birbaşa uçuşları ilə yanaşı, xarici azarkeşlər üçün 40-dan çox çarter reysi təşkil olunacaq. Bundan əlavə finalçı klublar və UEFA Avropa Liqası ilə AZAL arasında əlavə çarter reyslərinin təşkili ilə bağlı danışıqlar aparılır.

Bakıda müxtəlif büdcələrə cavab verən beynəlxalq və yerli markalı otellərin olması tədbir zamanı xarici qonaqların rahatlığını təmin edəcək. Gəliş, yerləşmə və ölkədə qalma zamanı turistlərin və qonaqların təhlükəsizliyi ilə bağlı bütün məsələlər dövlət və özəl biznes nümayəndələri tərəfindən diqqətlə nəzərdən keçirilib. Çox vacibdir ki, Azərbaycan ən az terror təhlükəsi olan ölkələrin dünya reytinqində ilk yerlərdən birini tutur.

Matçın hazırlanması və təşkil edilməsi prosesinə cəlb edilmiş bütün dövlət qurumları bu əhəmiyyətli idman tədbirinin uğurla keçirilməsi üçün daha gücləndirilmiş bir rejimdə çalışacaqlar".

Həmçinin qeyd olunur ki, Azərbaycanın Formula 1, Avroviziya, Avropa Oyunları və İslam Həmrəyliyi Oyunları kimi beynəlxalq yarışların uğurlu təşkilində və keçirilməsində böyük təcrübəsi var.

Ölkə.Az

ŞƏRH YAZ
0

"İndi orada olmaq istərdim" — Braziliyalı futbolçudan Bakı haqqında xoş sözlər

23:15
23.05.2019
426
İdman
A
Dünən Londonda, “Çelsi” klubunun bazasında Bakıda keçiriləcək Avropa Liqasının final matçından qabaq klubun açıq məşqi baş tutub.

“Ölkə.Az” xəbər verir ki, məşq zamanı jurnalistlər futbolçularla söhbət etmək imkanı əldə ediblər.

Onlardan biri “Çelsi”nin liderlərindən olan David Luizdən UEFA tərəfindən final matçının Bakıda keçirilməsinə münasibət bildirməsini istəyib və əlbəttə ki, UEFA-nı tənqid edən “Arsenal” rəsmiləri tərzində provokativ cavab gözləyib.

Ancaq braziliyalı Azərbaycan haqqında xoş sözlər deyib:
"Mənim Azərbaycana səfər etmək imkanım olub. Bura çox gözəl ölkədir. Orada Qarabağa qarşı oynamaq əla idi. Bakıda final keçirmək qərarına hörmətlə yanaşmalıyıq.
Mən peşəkar futbolçuyam. Qalib gəlmək üçün əlimizdən gələni edəcəyik və bunun üçün turnir başlayandan bəri mübarizə aparırıq. Mən Bakıya getməyi arzu edirəm və hazırda orada olmaq istəyirəm ", - deyə David Luiz bildirib.

Qeyd edək ki, ötən mövsüm Çempionlar Liqasının qrup mərhələsində "Qarabağ" ilə “Çelsi” eyni qrupda mübarizə aparmışdı və Bakıdakı matç londonluların 0-4 hesablı qələbəsi ilə bitmişdi.

Maraqlıdır ki, Bakı ətrafında yaranan səs-küy məhz “Arsenal” tərəfindən ortaya atılıb. Bütün bu müddətdə isə “Çelsi”nin rəsmiləri və futbolçuları özlərinə Azərbaycana hörmətsizlik etməyi özlərinə yarşdırmadılar. David Luisin sözləri də bunu bir daha təsdiqləyir.

Ölkə.Az

ŞƏRH YAZ
0

"Bu kluba qarşı sərt tədbirlərlə nəticələnə bilər" — UEFA “Arsenal”a xəbərdarlıq etdi

22:18
23.05.2019
387
İdman
A
"Ölkə.Az" bildirir ki, UEFA “Arsenal” futbol klubuna xəbərdarlıq edib:

“Əgər klubun azarkeşləri Bakıda  keçiriləcək Avropa Liqasının final oyunu zamanı UEFA-ya qarşı hansısa etiraz aksiyası keçirsələr, klub neqativ reaksiya ilə qarşılaşacaq”.

 Bu barədə Mirror məlumat yayıb.

UEFA “Arsenal”ın azarkeşlərinin Henrix Mxitaryanın Bakıya gələ bilməməsindən narazı qalaraq, Bakıda UEFA-ya qarşı etiraz bannerləri aça  biləcəklərindən ehtiyat edir. Buna görə, UEFA əməkdaşları klubun azarkeşlərinə nəzarəti artıracaq və onların istənilən etiraz forması kluba qarşı sərt tədbirlərlə nəticələnə bilər.

Xəbər verdiyimiz kimi,“Arsenal” komandasının erməni əsilli oyunçusu Henrix Mxitaryan Azərbaycan tərəfindən verilən təhlükəsizlik zəmanətlərinə baxmayaraq, Bakıya gəlməkdən imtina edib.

Bununla əlaqədar, “Arsenal” futbol klubun fan-qruplarından biri üzlərinə Mxitaryanın şəkli olan maska taxaraq, Bakıda keçiriləcək final oyununu bu maskalar altında izləməyi, həmçinin erməni oyunçunun 7 nömrəli formanı geyməsinin şərəfinə oyunun 7-ci və 77 ci dəqiqələrində flaşmob keçirməyi təklif edib.

Ölkə.Az

ŞƏRH YAZ
0
BAĞLA