Elxan Şahinoğlunun "Aprel atəş(kəs)i"

Elxan Şahinoğlunun
20:27
08.04.2017
321
Mədəniyyət
A
Aprelin 3-də politoloq, "Atlas" Araşdırmalar Mərkəzinin rəhbəri Elxan Şahinoğlunun "Aprel atəş(kəs)i" adlı yeni kitabının təqdimatı keçirilib.

Elxan Şahinoğlu ölkədə və beynəlxalq arenada baş verən siyasi prosesləri düzgün analiz etməyə bacaran ekspertlərdən biridir. Təsadüfi deyil ki,ölkə mediasının ən çox müraciət etdiyi ekspertlər sırasında gedir.  Biz daima onun fikirlərini mətbuatdan izləyirik.

Bir neçə gün ərzində "Aprel atəş(kəs)i"nı kitabını oxumaq imkanım oldu. Qeyd edim ki, kitabda aprel öncəsi və aprel hadisələri dəqiq və düzgün analiz olunub. Qarabağ ətrafında oynayılan çirkin oyunlar və ATƏT-in Minsk qrupu həmsədrlərinin mənasız,heç bir önəm daşımayan bölgəyə səfərləri sərt tənqid olunub. Xüsusilə, kitabda Azərbaycan prezidenti İlham Əliyevin Qarabağ münaqişəsinin həlli ilə bağlı fikirləri və diplomatlarla görüşləri, Azərbaycan dövlətinin prinsipial mövqeyi və düşmən hücumlarına cavab olaraq, ordumuzun əks-hücumları nəticəsində 2000 hektara yaxın ərazinin, o cümlədən strateji əhəmiyyət daşıyan Lələtəpə və Talış yüksəkliklərinin geri qaytarılması, silahlı qüvvələrimizin on minlərlə hektar əraziyə nəzarət etmək imkanı qazanması, işğalçı ölkənin 200-ə yaxın hərbçisi və çoxsaylı texnikasının məhv edilməsi öz əksini tapıb.  Əsasən kitabda xalqımızın aprel hadisələri zamanı ortaya qoyduğu milli həmrəylik xüsusi olaraq qeyd edilib.

Bu gün aprel hadisələrini təhlil edən belə kitablara böyük ehtiyac var.  Çünki hadisələr baş verən ərəfədə insanların vəziyyəti analiz etmək imkanları məhdud idi. Hadisələr durulduqdan sonra insanların baş verənləri analiz etmək imkanları yarandı. Hadisələrin üzərindən illər keçsə belə, dörd günlük müharibə xalqımızın yaddaşında əbədi iz qoydu. Hesab edirəm ki, “Aprel atəş(kəs)i"kitabı aprel hadisələrini aydınlatmaya geniş işıq açır.  Elxan Şahinoğlu bu missiyanı uğurla həyata keçirib. Nəzərə alsaq ki,kitab ölkənin tanınmış siyasi ekspertinin qələmindən çıxıb, oxuyub analiz etməyə dəyər.

Biz şəxs olaraq yaxşı bilirik ki, Elxan Şahinoğlu vətənpərvər və dövlətini sevən şəxsdir. Bütün beynəlxalq tədbirlərdə və mediada Azərbaycanın haqlı səsini müdafiə edir. Hər zaman Qarabağ danışıqları ilə bağlı Ermənistanı və münaqişənin həlli ilə məşğul olan qurumları sərt tənqid edir.

Bu gün bu kimi kitabların müxtəlif dillərə çevrilib, dünyanın elm mərkəzlərinə və kitabxanalarına göndərilməsinə böyük ehtiyac var. Tərcümə Qafqaz bölgəsi ilə maraqlanan xarici ekspertlər,alimlər üçün əla mənbə funksiyasını yerinə yetirər.
Kitab həm də politologiya və.s. humanitar fakültələrində təhsil alan tələbələr üçün yaxşı vəsait ola bilər. Yetər ki gənclərimiz bu cür kitabları oxusunlar və nəticə çıxartmağı bacarsınlar. Dostlarıma kitabı oxumağa tövsiyyə edirəm.

Elnur Eltürk

ŞƏRH YAZ
0

Cənubi Afrikada 148 yaşlı Azərbaycan xalçası aşkarlandı

Cənubi Afrikada 148 yaşlı Azərbaycan xalçası aşkarlandı
19:45
13.06.2018
1129
Mədəniyyət
A
Daha bir qədim və nadir Azərbaycan xalçası aşkarlanıb.

“Azərxalça” ASC-nin mətbuat xidmətindən "Ölkə.Az"a verilən məlumata görə, aşkarlanan qədim və orijinal nümunələrdən biri Naxçıvan MR-in Şahbuz rayonunun Biçənək kəndində 1870-ci ildə toxunmuş xovsuz xalçadır: "Xalça Cənubi Afrika Respublikasının Yohannesburq şəhərindəki bir xalça kolleksiyaçısından alınaraq ölkəmizə gətirilib. Xalçanın Cənubi Afrika Respublikasından əldə edilməsi xalçalarımızın tarixən yayıldığı arealın nə qədər geniş olduğunu göstərir".

Qeyd olunub ki, bu növ xovsuz xalçalara xalq arasında “şəddə”, “sərəndaz” da deyilir. Xalça üzərində əks olunmuş naxışlar, simvollar, türk tayfalarına məxsus damğalar qədim zamanlardan bu torpaqlarda yaşamış insanların dünyagörüşünü, təbiətə münasibətini, həyat tərzini, adət-ənənəsini dəqiq ifadə edir. Əsas bəzək elementi olaraq Naxçıvan qrupu Azərbaycan xalçalarını səciyyələndirən dəvə karvanının seçilməsi də xalçanın orijinal bədii  göstəricilərindən biridir. Tədqiqatlar göstərir ki, dəvə, ana-bala dəvə, dəvə karvanı təsvirləri olan xovlu və xovsuz xalçalar, xalça məmulatları Naxçıvan bölgəsində daha çox toxunub. Bu təsvirlər bölgədə yaşayan əhalinin ənənəvi təsərrüfat həyatını əks etdirir.  

Xalça əldə əyrilmiş yundan hazırlanan, təbii boyalarla boyanan iplərlə toxunub.

Hazırda bir şəxsi kolleksiyada qorunan, ölçüsü 307 x 172 olan xovsuz xalçanın saxlanma vəziyyəti əladır. İlk baxışdan sənət əsəri təsiri bağışlayan bu qiymətli nümunənin unikallığı həm də odur ki, 140-150 il bundan əvvəl toxunan xovsuz xalçalar nadir hallarda belə salamat qalır.

 

ŞƏRH YAZ
0

Novruz Qartal oğlunu evləndirir

Novruz Qartal oğlunu evləndirir
10:23
13.06.2018
704
Mədəniyyət
A
Əməkdar artist, tanınmış aktyor Novruz Qartal oğlunu evləndirir. Aktyor iyunun 19-da paytaxt restoranlarından birində toy edəcək.

"Ölkə.Az" xəbər verir ki, Yenicag.az-a açıqlama verən aktyor sevincini bizimlə bölüşüb:

“Oğlum qızı özü görüb, özü sevib. Mən onun seçiminə qarışmadım. Çünki indiki cavanların işinə qarışmaq olmur. Bir problem çıxanda da, günahı özlərində axtarmırlar, deyirlər sən elədin. Oğlum da deyəndə ki, evlənmək istəyirəm, dedim kimin qızını istəyirsən, elçi gedim. Getdim və gördüm ki, oğlum seçimində yanılmayıb. Gəlinim yaxşı ailədəndir, tərbiyəli qızdır. Şadlıq evini də özləri seçib, qonaqları da özləri müəyyənləşdirib”.

Qeyd edək ki, aktyorun üç övladı, iki nəvəsi var.

ŞƏRH YAZ
0
BAĞLA