Əmək müqaviləsiz işçi işlədənlərə — CİDDİ XƏBƏRDARLIQ

Əmək müqaviləsiz işçi işlədənlərə
09:44
17.08.2019
7055
Ölkə
A
2019-cu il yanvarın 1-dən məcburi dövlət sığorta haqlarının hesablanmasına və ödənilməsinə nəzarət üzrə funksiyalar Vergilər Nazirliyinə həvalə edildiyindən, Dövlət Sosial Müdafiə Fondunun əmək müqavilələri sahəsində yoxlamalar aparmaq səlahiyyəti ləğv olunub. Hazırda əmək müqavilələrinin bağlanılması vəziyyəti ilə bağlı yoxlamaları iki dövlət qurumu - Vergilər Nazirliyi və Dövlət Əmək Müfəttişliyi həyata keçirir.

Vergilər Nazirliyinin Media və kommunikasiya mərkəzindən "Ölkə.Az"a verilən məlumata görə, İnzibati Xətalar Məcəlləsinin 192.1-ci maddəsinə əsasən, Əmək Məcəlləsində nəzərdə tutulmuş qaydada əmək müqaviləsi (kontraktı) hüquqi qüvvəyə minmədən işəgötürən tərəfindən fiziki şəxslərin hər hansı işlərin (xidmətlərin) yerinə yetirilməsinə cəlb edilməsinə görə - fiziki şəxslər 1000 manatdan 2000 manatadək, vəzifəli şəxslər 3000 manatdan 5000 manatadək, hüquqi şəxslər isə 20 min manatdan 25 min manatadək məbləğdə cərimə edilirlər. 

Qeyd olunub ki, əmək müqaviləsiz işlədilən işçilərin sayının cərimənin məbləğinə təsiri yoxdur. Əmək müqaviləsiz işlədilən 1 işçi üçün də, 5 işçi üçün də eyni məbləğdə cərimə tətbiq olunur. Hüquqi şəxslərin cəriməsinin fiziki şəxslərlə müqayisədə təxminən 20 dəfə artıq olması diqqətçəkən məqamlardandır. Eyni təqvim ilində 3-cü dəfə cərimə ödəyən işəgötürən bu halı yenə də təkrar edərsə, bu zaman artıq ona 4-cü, 5-ci və sair dəfə etdiyi qanun pozuntusu zamanı əmək müqaviləsiz işlədilən hər işçi üçün 6000 manat cərimə tətbiq olunacaq. 

Əmək müqaviləsiz işçinin işlədilməsi ilə bağlı vacib məqamlardan biri də ondan ibarətdir ki, əgər dövlət orqanlarının yoxlamaları zamanı əmək müqaviləsi bildirişi olmadan xeyli sayda, yəni on nəfər və ondan çox işçinin əməyə cəlb edilməsi aşkara çıxarılarsa, bu zaman işəgötürənə Cinayət Məcəlləsinin fərqli maddələri tətbiq oluna bilər. 

Cinayət Məcəlləsinin 162-1-ci maddəsinə əsasən, Əmək Məcəlləsində nəzərdə tutulmuş qaydada əmək müqaviləsi (kontraktı) hüquqi qüvvəyə minmədən xeyli sayda işçilərin hər hansı işlərin (xidmətlərin) yerinə yetirilməsinə cəlb edilməsi 7 min manatdan 10 min manatadək məbləğdə cərimə və ya iki ilədək müddətə islah işləri və ya iki ilədək müddətə azadlığın məhdudlaşdırılması və ya iki ilədək müddətə azadlıqdan məhrumetmə ilə cəzalandırılır. 

Əgər vergiödəyicisi eyni əməlləri təkrar törədərsə, bu zaman üç ilədək müddətə azadlığın məhdudlaşdırılması və ya üç ildən yeddi ilədək müddətə azadlıqdan məhrumetmə ilə cəzalandırma tətbiq olunur. 

Həmçinin diqqətə çatdırılıb ki, yalnız bir dəfə Cinayət Məcəlləsi üzrə tələbləri pozan şəxs Əmək Məcəlləsi ilə müəyyən edilmiş qaydada işçiləri ilə əmək müqaviləsi bağladıqda, habelə yayındırılmış vergiləri, işsizlikdən sığorta və məcburi dövlət sosial sığorta haqlarını tamamilə ödədikdə cinayət məsuliyyətindən azad edilir. 

ŞƏRH YAZ
0

Leriki Milli Məclisdə kim layiqincə təmsil edə bilər? — İqbal Məmmədov yoxsa digərləri... Niyə məhz İqbal Məmmədov!

Leriki Milli Məclisdə kim layiqincə təmsil edə bilər?
12:30
Bu gün
94
Ölkə
A
Fevralın 9-da keçiriləcək növbədənkənar parlament seçkilərində iştirak edən deputatlığa namizədlərin qızğın seçköncəsi təbliğat-təşviqat mərhələsinə şahidlik etməkdəyik. Qələbə uğrunda mübarizə aparan deputatlığa namizədlər seçici uğrunda ən müxtəlif metoddan və taktikalardan istifadə edirlər. Bu seçkidə digər seçkilərdən fərqli olaraq daha çox “qapı-qapı” taktikasına üstünlük verildiyini görürük.

Düzdür, qanunvericilik hər bir vətəndaşa seçib-seçilmək  hüququ versə də, bu o demək deyil ki, hər bir namizəd deputat mandatını daşımağa layiqdir və ya  seçiləcəyi təqdirdə millət vəkili funksiyasını layiqincə yerinə yetirib, seçildiyi rayonun layiqli deputatı  olacaq. Təbii ki, yox! Odur ki, seçicilər namizədlərini seçərkən ilk növbədə onun vədlərinə və ya gözəl, pafoslu çıxışlarına yox,  daha çox hansı namizədin onları daha yaxşı təmsil etmək bacarığına, potensialına, faydalılığına və layiqliliyənə nəzər yetirməlidirlər. Seçici zamanında bunlara diqqət yetirməlidir ki, nəticədə  seçiminin əziyyətini çəkməsin.
Yuxarıda sadaladığım vəziyyət 78 saylı  Lerik Seçki Dairəsinə də aiddir.  Bu dairədən 15 namizəd mandat uğrunda mübarizəyə qatılıb və seçkiöncəsi marafonunu aparır. 
Seçkiyə qatılan namizədlər siyahısına, onların keçdiyi həyat yoluna, fəaliyyətinə nəzərə saldıqda düşünürsən ki, bu namizədlərdən hansı  daha çox Lerik rayonunun gələcək sosial-iqtisadi inkişafına töhfə verib, lerikliləri Milli Məclisdə daha layiqli təmsil edə bilər?! Hansı namizəd Lerik və leriklilər üçün faydalı ola bilər? Hansı namizədin seçilmək şansı daha realdır və bunu şərtləndirən amillər hansılardır? Hansı namizəd leriklilərin yüksək kürsülərdə layiqli SƏSİ ola bilər?  Bütün bu suallara cavab axtararkən istər-istəməz  deputatlığa namizəd İqbal Məmmədovun namizdəliyi üzərində dayanmalı olursan.
Niyə görə, məhz İqbal Məmmədov...
Onun Lerikin və leriklilərin  Milli Məclisdə ən layiqli namizədi olmasını, onların SƏSİ olacağına, eyni zamanda qələbə şansının real olduğunu  aşağıda  izah edəcəyik. Lerikli seçicilər seçim zamanı düzgün seçim imkanı əldə edə bilsinlər ki, gələcəkdə seçimlərinə görə peşman olmasınlar.
LAYİQLİLİK, FAYDALILIQ VƏ QƏLƏBƏNİ ŞƏRTLƏNDİRƏN SƏBƏBLƏR
Biz İqbal Məmmədovun keçdiyi həyat yoluna, fəaliyyətinə və bu günədək Lerik üçün etdiklərinə nəzər salmaqla dediklərimizi  izah edəcəyik. Qısa fikirlə ifadə etsək, birmənalı olaraq deyə bilərik ki, İqbal Məmmədov bu gün Lerikin Azərbaycan və ölkə hüdudlarından kənarda tanınmasında müstəsna rola malik insanlardan biridir. Məhz onun fəaliyyəti nəticəsində bu gün Lerik nəinki Azərbaycanın Cənub bölgəsinda, o cümlədən Azərbaycanda və ölkədən kənarda məhşur bir turizm rayonu kimi tanınıb.  Bunun nəticəsidir ki, ildə minlərlə istər  yerli, istərsə də xarici ölkə turistləri Lerikdə istirahət etməyə üstünlük verirlər.  Turistlərin Lerikdə istirahətə üstünlük verməsi isə rayonun sosial-iqtisadi cəhətdən  inkişafı, əhalinin isə daha yaxşı yaşaması, dolanması deməkdir. Turizm obyektlərinin  fəaliyyəti nəticəsində isə xeyli sayda lerikli özünə iş yeri tapıb və ailəsini dolandırır. Digər tərəfdən yerli əhali öz məhsulunu gələn turistlərə satır və bu yolla ailəsini dolandırır. Bir sözlə turizm həm də kənd təsərrüfatının, xidmət sektorunun digər sahələrinin də  inkişafına  təkan vermiş olub. Yəni Lerikdə turizmin inkişafı özü ilə bərabər  digər sahələrin inkişafına böyük töhfə vermiş olub. Kimi dükan açıb, kimi müxtəlif cür xidmət obyekti açaraq ailəsini dolandırır.
İqbal Məmmədov eyni zamanda kənd təsərrüfatı məhsullarının  və heyvandarlığın inkişafında töhfəsi olan şəxslərdən biridir.
Bütün bunların nəticəsində yüzlərlə lerikli özünə yeni iş yeri tapıb.
İqbal Məmmədov Lerikin sosial və infrastrukunun yenilənməsində, qazlaşdırma, kəndlərarası asflat yolların çəkilməsində böyük xidməti olan insanlardan biridir. Bu gün Lerikə qonşu rayonlarla müqayisədə birmənalı olaraq demək olar ki,  daha çox kənd qazlaşdırılıb. Rayonun demək olar əksər kəndləri qazlaşdırılıb. Təkcə son 5 ildə 10 kənd qazlaşdıırlıb ki, bu da digər rayonlarla müqayisədə çoxdur. Bu proses  davam etməkdədir və Dövlət proqramları çərçivəsində həyata keçirilir.
Kəndlərarası yolların salınması baxımından da Lerik  respublikada  öndə olan rayonalrdnadır. Hansı ki, illərlə bərbad vəziyyətdə olan yollar asfaltlaşdırılıb. Bir çox kənd yolları asflatlaşdırılmasa da, çınqılla döşənərək, abadlaşdırılıb. 
İqbal Məmmədov rayonun digər sosial-humanitar  problemlərinin həllində xidməti olan şəxsdir.
Bütün bu sadaladıqlarımız və sadalamadıqlarımız onu deməyə əsas verir ki, bu gün Leriki ən layiqli təmsil edə biləcək ŞƏXS İqbal Məmmədovdur! Lerikə ən çox fayda verə biləcək ŞƏXS məhz İqbal Məmmədovdur! 
İqbal Məmmədov öz fəaliyyətində hər zaman Azərbaycan dövlətinə sadiqliyini nümayiş etdirməklə, millətini, dövlətini sevdiyini sübut edib. 
İqbal Məmmədov təmsil etdiyi hakim Yeni Azərbaycan partiyasının və ölkə başçısının yürütdüyü siyasəti canla başla yerinə yetirən şəxslərdən olub.
İqbal Məmmədov ölkə başçısının həyata keçirdiyi qeyri-neft sektorunun, xüsusən də turizmin, kənd təsərrüfatı, yoxsulluğun azaldılması, məşğulluq proqramlarının icrasında ciddi rolu olan insanlardandır. Elə yuxarıda onun fəaliyyəti ilə bağlı sadaladığımız işlər dediklərimizin bariz nümunəsidir. İqbal Məmmədov ötən müddət ərzində fəaliyəti ilə nəinki Lerikin hərtərəfli inkişafına, eyni zamanda Lerikdə yoxsulluğun aradan qaldırılmasında, əhalinin işlə təmin olunmasında müstəsna  xidməti olan insandır.
İqbal Məmmədov həm də Lerik və leriklilərin problemlərini, üzləşdiyi çətinliklərinə ən yaxından bələd olan insandır. Bu problemlərin, çətinliklərin də həlli yollarını bilən  və imkan, potensialı daxilində bunların həllinə çalışan ŞƏXSDİR.
İqbal Məmmədov Milli Məclisdə təkcə leriklilərin deyil, bütövlükdə ölkə əhalisinin daha layiqli həyat tərzi sürməsi üçün ən yaxşı qanunların qəbulu üçün çalışanlardan biridir. O, deputat olduğu müddətdə qanunvericilik sahəsində əldə etdiyi təcrübədən ölkənin və təmsil etdiyi Lerikin inkişafı üçün istifadə etməyi bacaran, bu istiqamətdə fəaliyyət göstərən insandır. Ona görə də Azərbaycan Prezidenti və hakim Yeni Azərbaycan Partiyası onun yuxarıda sadaladığımız xidmətlərini, böyük bacarıq və potensiala malik olduğunu nəzərə yenidən deputatlığa namzidəliyini irəli sürüb, İQBAL MƏMMƏDOVA ETİMAD göstərib.Elə ölkə başçısının ona göstərdiyi bu ETİMAD, İqbal Məmmədovun fəaliyyətinə  verdiyi QİYMƏT VƏ DƏYƏR, ƏN BÖYÜK MÜKAFATDIR. İqbal Məmmədov ona verilən bu dəyər və qiymətdən ruhlanaraq növbəti mərhələdə daha çox işlər görəcək. Lerikin inkişafı ilə bağlı bütün planlarını, layihələrini gerçəkləşdirəcək. Bundan qazanan isə ancaq və ancaq leriklilər olacaq. Leriklilər daha yaxşı həyat şəraitini təmin etmiş olacaq. Növbəti mərhələdə Lerikin kəndlərarası yolları yenidən qurulacaq, qazlaşadırma prosesi davam edəcək. Yeni iş yerlərinin açılması, məşğulluğun artması üçün yeni-yeni müəssisələr işə düşəcək. Ölkə başçısının regionların sosial-iqtisadi inkişafını təmin edən, yoxsulluğun azaldılması, məşğulluq, ərzaq təhlükəsiziliyinin təmin olunması  və sair Dövlət Proqramlarının Lerikdə daha yaxşı və sürətlə reallaşması üçün əlindən gələni edəcək. 
Sadaladığımız bu amillər və rayon ərazisində daha çox tanınması, nüfuza malik olması onun QƏLƏBƏSİNİ şərtləndirən faktordur.
Qələbəni şərtləndirən digər əsas faktor isə İqbal Məmmədovun seçkiöncəsi təbliğat-təşviqat kampaniyasını vaxtında və düzgün qurması, seçicilərlə daha sıx görüşüb, təmasda olmasıdır. Onları inandıra bilməsidir. İqbal Məmmədov Lerikin əksər kəndlərini qarış-qarış, qapı-qapı gəzib, evlərdə insanların qonağı olub. Seçicilərin problemlərini, qayğılarını dinləyib və  yaxından maraqlanıb. Hələ qarşıda zaman var və İqbal Məmmədov demək olar ki, bütün leriklilərin qonağı olacaq. Onların həyat şəraiti, üzləşdikləri qayğı və problemlərlə yaxından tanış olacaq. Bax, düzgün qurulan seçki kampaniyası qələbəni şərtləndirən əsas amildir ki, İqbal Məmmədov  da effektiv seçki kampaniyası təşkil edə bilib. Bu bacarıq və uğurlu seçki kampaniyası onun QƏLƏBƏSİNİ təmin edəcək. 
Ola bilsin ki, kimsə obyektiv  və subyektiv səbəbdən onun fəaliyyətinə kölgə salsın, qərəzli yanaşsın. İş olan yerdə çatışmazlıq və nöqsan ola bilər. Lakin bunlar hamısı müqayisəlidir. 
Əminliklə demək olar ki, bu gün İqbal Məmmədov Lerikin inkişafı üçün daha çox iş görə bilər və bunun üçün o, yetərincə böyük bir potensiala,  bilik və bacarığa malikdir. Lakin onun Lerik və leriklilər üçün niyyətində tutduğu planlarını reallaşdıra bilməməsinin də obyektiv səbəbləri var. 
Ancaq İqbal Məmmədovun Lerik, leriklilər üçün gördüyü işlərə kölgə salmaq, qarışqanı fil etmək və ya başqa cür yozmaq, OBYEKTİVLİK, HAQQDAN, ƏDALƏTDƏN, REALLIQ HİSSİNDƏN UZAQ, QƏRƏZ, PAXILLIQDAN başqa bir şey deyil. Onun barəsində səsləndirilən ittihamların bir çoxu isə  həqiqətdən uzaq, reallığa söykənməyən iftiradır. Ancaq yalanın ömrü az olar, ayaq tutsa da yeriməz.  Bulud Günəşin qarşısını uzun müddət ala bilməz.Günəş yenə parlayacaq...
Lakin leriklilər müdrikdir və hər şeyi müqayisə edib real qiymət verməyi bacaran insanlardır. Onlar AĞI QARADAN seçməyi bacarırlar. Onlar gələcək talelərini kimə həvalə edəcəklərini yaxşı bilirlər. Onlar yaxşı bilir ki, ancaq İqbal Məmmədov onların yüksək kürsülərdə eşidələn SƏSİ ola bilər. Onların problemlərini həll edən şəxs ola bilər. Seçiminizi düzgün edin ki, gələcək xoş həyat nəsibiniz olsun. Bu isə Sizin əlinizdədir. Bu ŞƏXS isə  İqbal Məmmədovdur. LAYİQLİ  namizəd kimi lerikliləri LAYİQİNCƏ təmsil edə bilər!


Ölkə.Az

ŞƏRH YAZ
0

Bakıda avtobus qəzasında yaralananların adları açıqlandı — SİYAHI

Bakıda avtobus qəzasında yaralananların adları açıqlandı
12:24
Bu gün
124
Ölkə
A
Baş Dövlət Yol Polisi İdarəsi (BDYPİ) Bakıda baş verən avtobus qəzası ilə bağlı məlumat yayıb.

"Ölkə.Az" xəbər verir ki, BDYPİ-nin İctimaiyyətlə əlaqələr şöbəsinin rəisi Kamran Əliyev Report-a bildirib ki, bu gün saat 7:00 radələrində Zabrat Maştağa avtomobil yolundakı körpünün üzərində sürücü Cahangirov Elgün Otello oğlunun idarə etdiyi “Ayşən LTD” MMC-yə məxsus, 107 nömrəli müntəzəm marşrut xətti üzrə hərəkət edən “Daewoo” markalı, 90-JL-290 dövlət qeydiyyat nişanlı avtobusla eyni istiqamətdə qarşısında hərəkət edən və körpü üzərində idarəetmədən çıxaraq fırlanıb hərəkətin əks istiqamətində dayanmış Quliyev Əbil Zabil oğlunun idarə etdiyi “VAZ-2107” markalı, 10-MR-819 dövlət qeydiyyat nişanlı minik avtomobili ilə toqquşub.

Qəza nəticəsində avtobusun sürücüsü və sərnişinləri, 1970-ci il təvəllüdlü Kərimova Aytən Əfələddin qızı, 1996-cı il təvəllüdlü Məmmədova Fidan Rasim qızı, 1961-ci il təvəllüdlü Balakişiyeva Mühbarə Cuma qızı, 1993-cü il təvəllüdlü Məmmədov Əli Rasim oğlu, 1996-cı il təvəllüdlü Həsənov Elşən Məmməd oğlu və 1991-ci il təvəllüdlü Rüstəmzadə Murad İlqar oğlu yüngül dərəcəli xəsarətlər alaraq, 3 saylı Şəhər Klinik Xəstəxanasına aparılıblar.

Faktla bağlı araşdırma aparılır.

Qeyd edək ki, Maştağa qəsəbəsi ərazisindəki körpüdə yolun buz bağlaması nəticəsində 107 saylı marşrut xətti üzrə hərəkət edən sərnişin avtobusu “Mitsubishi-Pajero” və “VAZ 2107” markalı avtomobillərlə toqquşub. Hadisə nəticəsində sərnişin avtobusu və “Mitsubishi-Pajero” körpüdən aşıb.

ŞƏRH YAZ
0
BAĞLA