Əməkdar artist 7 aylıq körpəsini itirdi

Əməkdar artist 7 aylıq körpəsini itirdi
11:51
20.11.2019
18179
Maqazin
A
Əməkdar artist Zakir Əliyev övladının itkisindən danışıb.

“Ölkə.Az” xəbər verir ki, ATV kanalında yayımlanan “Şou ATV” verilişinin qonağı olan ifaçı, 2011–ci ildə vəfat edən 7 aylıq körpəsinin ölümündən danışıb.

“Allah heç bir valideyni övladla imtahana çəkməsin. Mən bu barədə birinci dəfədir danışıram. Övladım dünyaya gələndə tamam dəyişilmişdim, evə bağlanmışdım. Hara gedirdimsə, evə qayıtmağa tələsirdim. Övlad itkisi hər zaman valideynin qəlbində köz kimi qalır, ömrünün sonuna qədər onu yandırır. Fərqi yoxdur kiçik yaşda olsun, ya böyük. Övladım qucağımda boğuldu. Ata hər zaman övladın gözündə ən güclü insandı. Körpə qucağımda boğulanda, digər övladlarım qışqırdı “Ata qoyma boğulsun!”. Çox əfsus ki, mən o an heç nə edə bilmədim, əlimdən heç nə gəlmədi. Təcili yardım gələndə artıq gec idi, övladım qucağımda keçinmişdi. O, sanki Allah tərəfindən bizə göndərilən bir mələk idi, sanki gəldi evimizin bütün dərd, qəmini apardı. Çox ağır bir hissdir. Sonra öz əlimlə onu bağladım, kəfənlədim”,- deyə sənətçi kədərini tamaşaçılarla bölüşüb.

Vüsalə Balayeva
Ölkə.Az

ŞƏRH YAZ
0

Güneldən aparıcıya sərt sözlər — Zaur müğənnini çağırır, canlı efirdə onu alçaldır

Güneldən aparıcıya sərt sözlər
15:13
Bu gün
2573
Maqazin
A
“Aparıcılar var ki, 3 kəlməni bir –birinə calaya bilmir, amma çıxıb veriliş aparır”,- bu sözləri “Pişik” ləqəbli müğənni Günel Ələkbərova deyib.

 “Ölkə.Az” xəbər verir ki, Space telekanalında yayımlanan “Onda başladıq” verilişində qonaq olan ifaçı sərt açıqlamaları ilə yadda qalıb.

Əvvəl ad çəkməyən müğənni, daha sonra konkret olaraq, Xəzər televiziyasında yayımlanan “5-də 5” verilişinin aparıcısı Zaur Kamalı hədəf aldığını söyləyib.

“Ad da açıqlaya bilərəm. Mənim dünya-aləm vecimə deyil. Elə biri Zaur Kamal. Zaur müğənnini çağırır, canlı efirdə onu alçaldır. Sən aparıcısan, verilişini aparmalısan. İnsan ilk növbədə özünü doğru, düzgün aparmalıdır ki,  sonra da proqram aparsın. Çünki veriliş aparmaq bir məsuliyyətdir”,- deyə o, bildirib.

Daha sonra o, aparıcının verilişində iştirak edən müğənniləri də qınayıb.

“Günah onun verilişinə gedənlərdədir. Bir dəfə çağırır səni, alçaldır, yenidən ikinci dəfə onun verilişinə niyə gedirsən axı? Ancaq mən onlarıda qınamıram, efir xatirinə, pul ödəyib onun verilişinə gedirlər”,- deyə G. Ələkbərova fikrini tamamlayıb.

Ölkə.Az

 

ŞƏRH YAZ
0

Bülənt Ərsoya 100 minlik üzük bağışlayan azərbaycanlı bu imiş? — FOTO

Bülənt Ərsoya 100 minlik üzük bağışlayan azərbaycanlı bu imiş?
14:46
Bu gün
2848
Maqazin
A
Bülənt Ərsoya bahalı üzük hədiyyə edən azərbaycanlı iş xanımının kimliyi məlum olub.

"Ölkə.Az"ın axşam.az-a istinadən verdiyi məlumatına görə, Nigar Məmmədova Azərbaycandakı şirkətlərdən birinin sahibidir.

Türk mediasında B.Ərsoya hədiyyə edilən üzüyün dəyərinin 100 min dollar olduğu qeyd edilib.

Məsələ ilə bağlı danışan Nigar Məmmədova zinət əşyasının qiyməti barədə məlumat verməyib:

“Qiyməti deməyəcəyəm. Bülənt xanıma nə qədər bahalı hədiyyə verilsə də, onun sənətinin qarşısında dəyərsizdir. Bu barədə daha çox danışmaq istəmirəm”.

Qeyd edək ki, N.Məmmədovanın B.Ərsoya hədiyyə etdiyi üzük brilyant və sapfirdən ibarət olub.

Ölkə.Az

ŞƏRH YAZ
0
BAĞLA