Əməkdar artist ruhi əsəb dispanserinə yerləşdirilib? — Direktordan AÇIQLAMA - FOTO

Əməkdar artist ruhi əsəb dispanserinə yerləşdirilib?
11:45
04.04.2017
89
Mədəniyyət
A
Sumqayıt Dövlət Musiqili Dram Teatrının aktrisası, əməkdar artist Ulduzə Nəsirovanın sinirlərində ciddi problem yaranıb.

"Ölkə.Az"-ın əldə etdiyi məlumata görə, aktrisa teatrda həmkarlarıyla və digər əməkdaşlarla yola getmir. Hətta onun ruhi əsəb dispanserinə yerləşdirildiyi iddia edilir:

Teatrın direktoru İslam Həsənov əməkdaşımızla söhbətində əməkdar artistin əsəblərinin yerində olmadığını, ancaq sonuncu dəfə iki gün əvvəl teatra gəldiyini deyib: 

"Arabir teatra gəlir, tamaşaları olanda gəlib oynayır. Əməkdaşlarla, aktyorlarla heç bir problemi yoxdur. Amma qonşularını özünə düşmən bilir. Əsəbləri pozulub. Bir qızı var, o da Türkiyədə yaşayır. Mən özüm də ona baş çəkirəm".

Qeyd edək ki, Ulduzə Nəsirova 1956-cı ildə anadan olub. 1974-cü ildə M.A.Əliyev adına Azərbaycan Dövlət İncəsənət institutunun dram və kino aktyoru fakültəsinə qəbul olunub. 1984-cü ildən Sumqayıt Dövlət Musiqili Dram Teatrının aktrisasıdır. 2008-ci ildə əməkdar artist fəxri adına layiq görülüb.

İntiqam VALEHOĞLU
Ölkə.Az

ŞƏRH YAZ
0

Bəxtiyar Vahabzadənin həyat yoldaşı vəfat etdi

Bəxtiyar Vahabzadənin həyat yoldaşı vəfat etdi
10:21
Bu gün
360
Mədəniyyət
A
Azərbaycanın mərhum Xalq şairi Bəxtiyar Vahabzadənin ailəsinə ağır itki üz verib.

Mərhum Xalq şairinin həyat yoldaşı Dilarə Vahabzadə ötən gecə vəfat edib. "Ölkə.Az" xəbər verir ki, bu barədə Modern.az-a ailənin yaxınları məlumat veriblər.

Bildilib ki, Dilarə xanımla vidalaşma mərasimi bu gün Təzəpir məscidində keçiriləcək.

Xatırladaq ki, Bəxtiyar Vahabzadənin özü də fevral ayında vəfat edib. Mərhum xalq şairi 2009-cu il fevral ayının 13-də 83 yaşında dünyasını dəyişmişdi.

ŞƏRH YAZ
0

Muğam müsabiqəsi başlayır

Muğam müsabiqəsi başlayır
12:30
21.02.2018
620
Mədəniyyət
A
Təhsil Nazirliyi və Milli Konservatoriyanın birgə təşkilatçılıyla keçiriləcək Beşinci Respublika Muğam Müsabiqəsinin dinləmələri başlayıb.

 Bu barədə "Ölkə.Az"-a müsabiqənin münsiflərindən olan xalq artisti Mənsum İbrahimov məlumat verib:

"Bu, televiziya müsabiqəsi deyil. Mart ayında Beşinci Beynəlxalq Muğam Festivalı başlayır. Buradan seçilən laureatlar beynəlxalq müsabiqədə Azərbaycanımızı təmsil edəcəklər. Bu həmin müsabiqədir ki, tələbələrim Təyyar Bayramov qran pri qazanmışdı, Aytən Məhərrəmova birinci yeri tutmuşdu. Bir sıra xarici dəvətlərim də var. Ancaq hər şey həmin müsabiqənin gedişatından asılıdır. Münsiflər heyətində məndən başqa xalq artistləri Əlibaba Məmmədov, Arif Babayev, Nəzakət Teymurova, Aygün Bayramova, Zabit Nəbizadə və əməkdar artist Aqil Məlikov var. Bu gün Konservatoriyanın böyük zalında növbəti dinləmələr keçiriləcək".

Mənsum İbrahimov sənət yeniliklərindən də söz açıq. Qeyd edib ki, yeni albomu bu yaxınlarda işıq üzü görəcək:

"İki yeni mahnım var. Novruz bayramına qədər yazdırmaq istəyirəm ki, bayramda yeni mahnılarla çıxış edim. Həm də bu iki mahnı yeni albomuma daxil ediləcək. Səkkiz mahnı hazırdı, dediyim iki mahnı da yazılandan sonra albom işıq üzü görəcək".

İntiqam VALEHOĞLU
Ölkə.Az

ŞƏRH YAZ
0
BAĞLA