“Emin 444”ün qətlini sifariş edən şəxs dövlət qurumunda işləyib — AÇIQLAMA

“Emin 444”ün qətlini sifariş edən şəxs dövlət qurumunda işləyib
12:02
16.05.2019
2528
Ölkə
A
Bakıda kriminal dairələrdə “Emin 444” və “Emin Massalinksi” ləqəbləri ilə tanınan kriminal avtoritet Emin Səfərovun qətlini sifariş verən Zaur Yusifovun dövlət qurumlarından birində yüksək vəzifə tutduğu iddia olunur.

Saytlarda yazılan məlumata görə, o, Dövlət Miqrasiya Xidmətinin əməkdaşıdır.

"Ölkə.Az" xəbər verir ki, oxu.az-ın əməkdaşı məsələ ilə bağlı Xidmətin İctimaiyyətlə əlaqələr şöbəsinin rəhbəri Elnur Kələntərli ilə əlaqə saxlayıb.

O, saytımıza açıqlamasında bildirib ki, adıçəkilən şəxs artıq qurumda çalışmır:

“Zaur Yusifov 2013-2017-ci ildə Miqrasiya Xidmətinin Bakı Regional İdarəsində inspektor vəzifəsində işləyib. 2017-ci ildə Dövlət Miqrasiya Xidmətindəki işinə xitam verilib”. 

Qeyd edək ki, Zaur Yusifov Kikboksinq üzrə bir sıra beynəlxalq yarışların qalibidir. Gənclər və İdman Nazirliyi tərəfindən “Əməkdar İdman Ustası” adına layiq görülüb. 

Xatırladaq ki, mayın 10-na keçən gecə Binəqədi rayonunda, 6-cı mikrorayonun İsrafil Həşimov küçəsində əvvəllər məhkumluğu olan Səfərov Emin Ehtiram oğlu qətlə yetirilib.

Bakıda kriminal dairələrdə “Emin 444” və “Emin Massalinksi” ləqəbləri ilə tanınan kriminal avtoritet Emin Səfərovun qətlində altı nəfər iştirak edib. 

Ölkə.Az

ŞƏRH YAZ
0

Azərbaycan regionun ən təhlükəsiz ölkəsidir

Azərbaycan regionun ən təhlükəsiz ölkəsidir
19:45
Bu gün
2379
Ölkə
A
Azərbaycan terrorizmin səviyyəsi çox aşağı olan ölkələr siyahısında yer alıb.

"Ölkə.Az" xəbər verir ki, reytinqdə Azərbaycan öncəki hesabatla müqayisədə mövqeyini 5 pillə yaxşılaşdıraraq 103-cü yeri tutub.

Qonşu ölkələrdən Türkiyə 16-cı (terrorizmin yüksək səviyyəsi), Rusiya 37-ci (terrorizmin orta səviyyəsi), İran 39-cu (terrorizmin orta səviyyəsi), Gürcüstan 90-cı (terrorizmin çox aşağı səviyyəsi), Ermənistan isə 94-cü (terrorizmin çox aşağı səviyyəsi) sırada yer alıb.

Terrorizm baxımından ən təhlükəli ölkələr Əfqanıstan, İraq, Nigeriya və Suriyadır. 26 ölkə isə terror təhlükəsi olmayanlar qrupuna daxil edilib: Kosta Rika, Sloveniya, Toqo, Mavritaniya, Portuqaliya, Xorvatiya, Salvador, Esvatini, Monqolustan, Rumıniya, Benin, Ekvatorial Qvineya, Kamboca, Botsvana, Namibiya, Kuba, Türkmənistan, Mavriki, Timor-Leste, Sinqapur, Eritreya, Şimali Koreya, Qambiya, Oman, Qvineya-Bisau, Belarus.

Hesabatda qeyd olunur ki, ötən il dünyada terror qurbanlarının sayı 2017-ci illə müqayisədə 15,2% azalaraq, təqribən, 16 min nəfər olub, lakin terror hadisələrinin törədildiyi ölkələrin sayı artıb.

Hesabat müəllifləri qeyd edirlər ki, terrorçuların əlindən ölənlərin sayı artıq dördüncü ildir azalır. Bunun əsas səbəbləri kimi Suriya və İraqda İŞİD terrorçularına sarsıdıcı zərbə vurulması, həmçinin ABŞ Hərbi Hava Qüvvələrinin Somalidəki "Əl-Şabab" radikal qruplaşmasının mövqelərinə zərbələr endirməsi göstərilir.

Hesabatda göstərilir ki, radikal "Taliban" yaraqlıları 2018-ci ildə dünyada ən çox insan öldürən terror təşkilatları siyahısında İŞİD-i geridə qoyub.

Göstərilir ki, 2018-ci ildə qlobal terrorizm dünya iqtisadiyyatına 33 milyard dollara başa gəlib və bu, bir il əvvələ nisbətən 38% azdır.

London İqtisadiyyat və Sülh İnstitutu iqtisadi baxımdan dövlətlərin həyatındakı qlobal tendensiyaları və şiddəti qiymətləndirmək üçün öz metodologiyasını hazırlamış analitik mərkəzdir. Araşdırmalar qlobal və dövlətdaxili göstəricilərin emalı yolu ilə aparılır. Mərkəz "Qlobal Terrorizm İndeksi" ilə yanaşı, hər il "Qlobal Sülh İndeksi" və digər hesabatlar da hazırlayır. 

ŞƏRH YAZ
0

Bu il Azərbaycanda nə qədər körpə doğulub? - RƏSMİ

Bu il Azərbaycanda nə qədər körpə doğulub? - RƏSMİ
19:31
Bu gün
1618
Ölkə
A
2019-cu ilin doqquz ayı ərzində Azərbaycanda Ədliyyə Nazirliyinin rayon (şəhər) qeydiyyat şöbələri tərəfindən 104 min 702 nəfər doğulan körpə qeydiyyata alınıb.

"Ölkə.Az" oxu.az-a istinadən xəbər verir ki, əhalinin hər 1000 nəfərinə bu göstərici ötən ilin müvafiq dövrü ilə müqayisədə dəyişməyərək eyni səviyyədə qalır.

Doğulan körpələrin 53,2 %-i oğlan, 46,8 %-i isə qız uşaqlarıdır. Körpələrdən 2454-ü əkiz, 72-si üçəm, dördü isə dördəm olaraq doğulub.

2019-cu ilin yanvar-sentyabr ayları ərzində ölkədə 42 017 ölüm halı qeydə alınıb. Bu rəqəm 2018-ci ilin müvafiq dövrü ilə müqayisədə daha azdır. Belə ki, ötən il əhalinin hər 1000 nəfərinə ölüm səviyyəsi 5,9 olduğu halda cari ildə bu rəqəm 5,7-yə düşüb.

ŞƏRH YAZ
0
BAĞLA