Emin Eminzadənin "Monoloq"u hazırdı

Eminzadənin "Ölkə.Az"a verdiyi məlumata görə, "Monoloq"un çəkilişləri Massaçutest ştatının Boston şəhərində olub.  Dmitri Qordevskiy tərəfindən lentə alınan ekran işinin ssenarisini isə Emin özü yazıb:

"Monoloqda musiqiyə olan sevgim haqda məlumat verilir. Bəstələdiyim mahnılardan danışıram, mahnı bəstələyəndə nələr hiss etdiyimi, hansı səviyyələrdən keçdiyimi açıqlayıram. 

Həmçinin qeyd etmək istəyirəm ki, bir neçə gün əvvəl Amerikanın "Deyli Fləş" adlanan məşhur telekanalına müsahibə verdim. Bu kanal Amerikanın bütün şəhərlərində yayımlanır. Ora azərbaycanlı ifaçı kimi çıxdım və ilk albomumdan bəzi ifalar etdim". 

Qeyd edək ki, Texas ştatının fəxri vətəndaşı olan 20 yaşlı superistedad həmçinin Bakı Musiqi Akademiyasının tələbəsidir.

İntiqam VALEHOĞLU
Ölkə.Az