Əmisinin gəlinini qaçırdığı üçün döyülərək öldürülən şəxs haqda — YENİ MƏLUMATLAR

Əmisinin gəlinini qaçırdığı üçün döyülərək öldürülən şəxs haqda
12:16
22.10.2018
12568
Ölkə
A
"Aynurla Elşad arasında hansısa münasibətin olmağına dair heç bir məlumatımız olmayıb. Kənd camaatı da onların münasibətdə olmasından şübhələnməyiblər".

Bu fikirləri "Ölkə.Az”a açıqlamasında Quba rayon Tükəkaran icra nümayəndəliyinin sədri Elxan Məmmədhüseynov səsləndirib. İcra nümayəndəsi bildirib ki, sözügedən şəxslərin hər ikisi rayonun Tülər kəndindəndirlər:

"Əsədova Aynur Sadıq qızı 1993-cü il, Əsədov Elşad Yaqut oğlu 1992-ci il təvəllüdlüdür. Gəlinin həyat yoldaşı  Əsədov Şahmar Nəbi oğlu 1986-ci il təvəllüdlüdür. Əsədov Elşad Qubada yaşamırdı, Bakıda kafelərdə çalışırdı. Gəlinin yoldaşı isə təsərrüfatla məşğuldur. Aynurun Şahmarla nikahından iki övladı var. Elşad Əsədov isə evli olmayıb, subay idi. Heç vaxt bu iki şəxs arasında hansısa münasibət hiss etməmişik. Aynurun harda olduğu bilinmir, yoldaşı isə kənddədir". 

Qeyd edək ki, "Report"un yaydığı xəbərdə bildirilir ki, Qubada ailəli qadını qaçıran kişi döyülərək öldürülüb. 25 yaşlı Aynur Əsədova həyat yoldaşının əmisi oğlu 26 yaşlı Elşad Əsədov tərəfindən qaçırılıb. Məlumata görə, qadın öz razılığı ilə E.Əsədovla birgə gedib.

Hadisədən sonra qızın atası Sadıq Dadaşov, qohumları Elman Muradov və Mətləb Muradov E.Əsədovu döyərək ona ağır bədən xəsarəti yetiriblər.

Hadisədən sonra E.Əsədov aldığı xəsarətlərdən dünyasını dəyişib.

Hər üç şəxs saxlanılıb. Fakt üzrə araşdırmalar davam etdirilir.

İntiqam VALEHOĞLU
Ölkə.Az

ŞƏRH YAZ
0

Tovuzda 2 döyüş mərmisi tapılıb

Tovuzda 2 döyüş mərmisi tapılıb
22:42
20.03.2019
1280
Ölkə
A
2019-cu il 20 Mart tarixində ″102″ Xidməti-Zəng mərkəzi sistemi vasitəsi ilə Ərazilərin Minalardan Təmizlənməsi üzrə Milli Agentliyə (ANAMA) Tovuz rayonu, Əlibəyli kəndi ərazisində mərminin tapılması barədə məlumat daxil olub.

“Ölkə.Az”a Agentlikdən verilən məlumata əsasən, ANAMA-nın xüsusi mobil çevik əməliyyat qrupu və Daxili İşlər Nazirliyinin Tovuz rayon Polis Şöbəsinin əməkdaşları dərhal həmin əraziyə göndərilib.
 
Agentliyin mütəxəssisləri və Tovuz rayon Polis Şöbəsinin əməkdaşları tərəfindən birlikdə yuxarıda adı qeyd olunmuş ərazidə çay kənarına baxış keçirilib. Yerli əhalinin təhlükəsizliyini təmin etmək məqsədilə ərazi polis tərəfindən mühasirəyə alınıb. Agentliyin mütəxəssisləri tərəfindən aparılan təcili təxirəsalınmaz əməliyyat-axtarış tədbirləri nəticəsində 2 ədəd 85 mm-lik top mərmisi (OF-350K) aşkar olunmuş, zərərsizləşdirilməsi üçün götürülərək Agentliyin mərkəzi məhvetmə ərazisinə daşınıb.
 
Top mərmilərinin ətrafında 200 kv.m əraziyə yerüstü baxış keçirilib, əlavə təhlükəli əşya və qurğu aşkarlanmayıb.

Ölkə.Az

 

ŞƏRH YAZ
0

Zakir Həsənov Novruz bayramında hərbi hospitalda — FOTOLAR

Zakir Həsənov Novruz bayramında hərbi hospitalda
21:55
20.03.2019
630
Ölkə
A
Martın 20-də Müdafiə Nazirliyinin rəhbər heyəti Novruz bayramı münasibətilə Silahlı Qüvvələrin Baş Klinik Hospitalında olub.

Əvvəlcə Ümummilli Lider Heydər Əliyevin büstü önünə gül dəstələri qoyulub və xatirəsinə ehtiram ifadə edilib.

“Ölkə.Az”a nazirlikdən verilən məlumata görə, Müdafiə naziri general-polkovnik Z.Həsənov hospitalda müalicə alan şəxsi heyətlə görüşərək onların səhhəti ilə maraqlanıb.

Bayram münasibəti ilə hərbi qulluqçuları təbrik edən Müdafiə naziri onlara sovqatları təqdim edib və tezliklə sağalaraq xidmət yerlərinə qayıtmalarını arzulayıb.

Tibb heyəti ilə görüşən Müdafiə naziri hospitalın kollektivini bayram münasibətilə təbrik edib, uğurlar diləyib və müvafiq tapşırıqlar verib.

Görüşün sonunda Müdafiə nazirinin əmri ilə hospitalın rəisi tibb xidməti polkovniki Tofiq Tağıyev “Hərbi xidmətdə fərqlənməyə görə” 3-cü dərəcəli medal ilə təltif edilib.

Ölkə.Az

ŞƏRH YAZ
0
BAĞLA