Emmanuel Makron: "Ukraynanın şərqindəki aqressiya Rusiyadan qaynaqlanır"
Fransa prezidenti Emmanuel Makron Ukraynadakı vəziyyətlə bağlı fikirlərini bölüşüb.
"Ölkə.Az" xəbər verir ki, fransalı prezidentin fikrinə görə, Rusiya Donbass vilayətində aqressiya yaradır və Krımı ələ keçirib.
Ukrayna prezidenti Pyotr Poroşenko ilə görüşdən sonra keçirilən mətbuat konfransında Makron deyib:
"Anlamaq lazımdır ki,Ukrayna aqressor deyil, aqressiya Rusiya tərəfdən qaynaqlanır. Krımın ilhaqını biz qanunsuz sayırıq. Biz bilirik ki, müharibəni kim başlayıb. Əldə edilən razılaşmalar çərçivəsində bu vəziyyətdən çıxmaq lazımdır".
Makronun fikrinə əsasən, Minsk formatı Donbass probleminin həlli üçün ideal olmasa da, daha yaxşı variant yoxdur. Əgər tərəflər səy göstərsələr və Minsk anlaşmasına əməl etsələr, uğur qazanmaq mümkündür.
Hikmət
Ölkə.Az
