KORONAVİRUSA YOLUXANLARIN SAYI - CANLI STATİSTİKA

Ən çox və ən az deputatlığa namizədliyi qeydə alınan seçki dairələri

Ən çox və ən az deputatlığa namizədliyi qeydə alınan seçki dairələri
16:23
14.01.2020
2473
Siyasət
A
15 saylı Yasamal Birinci Seçki Dairəsində 44 nəfər mandat uğrunda mübarizə aparacaq.

9 fevralda keçiriləcək növbədənkənar parlament seçkilərində təbliğat-təşviqat kampaniyasına artıq  iki gün qaldı. Yanvarın 17-dən etibarən deputatlıq mandatı uğrunda mübarizəyə start veriləcək.

Artıq deputatlığa namizədliyi qeydə alınan şəxslər təbliğat kampaniyasına  hazırlıq işlərini yekunlaşdırmaq üzrədirlər.
“Ölkə.Az” saytı olaraq  yanvarın 13-dək Mərkəzi Seçki Komissiyası (MSK) tərəfindən hansı dairədən daha çox və daha az namizədlərin qeydə alındığını araşdırıb. Araşdırma nəticəsində bəlli oldu ki, deputat mandatı uğrunda daha kəskin mübarizə Bakı şəhərində  gedəcək. Hələ ki, namizədlərin qeydə alınma prosesi davam edir.
Buna baxmayaraq, MSK-nın açıqladığı rəqəmlərdə çox maraqlı mənzərələr qeydə alınıb.
 Bunu nəzərə alaraq ən çox və ən az namizədliyi qeydə alınan seçki dairələrini təqdim edirik.  Belə ki, yanvarın 13-dək ən çox deputatlığa namizədliyi qeydə alınan seçki dairəsi 15 saylı Yasamal Birinci Seçki dairəsidir. Bu dairədən indiyədək 44 nəfərin rəsmən deputatlığa namizədliyi qeydə alınıb. İkinci yerdə 8 saylı Birinci Binəqədi Seçki Dairəsi gəlir ki, burada 41 nəfərin namizədliyini qeydə alınıb. 3-cü yeri 16 saylı Yasamal İkinci Seçki Dairəsi və 44 saylı Sumqayıt-Xizi Seçki Dairəsi bölüşür. Bu seçki dairələrinin hər birindən indiyədək 36 nəfərin namizədliyi qeydə alınıb. 35 namizədlə 34 saylı İkinci Xətai Seçki Dairəsi, 33 namizədlə 13-cü və 45-ci seçki dairəsi, 32 namizədlə 29-cu Səbail Seçki Dairəsi,  31 namizədlə 9-cu İkinci Binəqədi,  125-ci  seçki dairələri, 30 namizədlə 41 seçki dairəsi, 29 namizədlə 107-ci, 27-ci seçki dairələri qərarlaşıb.
Ən az namizəd  Naxçıvan Muxtar Respublikasında qeydə alınıb. Belə ki, Naxçıvanda yerləşən seçki dairələrində 3-5 nəfər mandat uğrunda mübarizə aparacaq.

Mürtəza
Ölkə.Az

ŞƏRH YAZ
0

Prezident yenidən qurulan yarımstansiyanın açılışında

Prezident yenidən qurulan yarımstansiyanın açılışında
11:08
Bu gün
350
Siyasət
A

Azərbaycan Respublikasının Prezidenti İlham Əliyev iyulun 9-da Bakının Nizami rayonunda “Azərenerji” Açıq Səhmdar Cəmiyyətinin yenidən qurulan 110/35/10 kilovatlıq “8-ci km” yarımstansiyasının açılışında iştirak edib.

ŞƏRH YAZ
0

Mehriban Əliyeva şəhid ailələrinin ev probleminin həlli ilə bağlı göstəriş verib — FOTO

Mehriban Əliyeva şəhid ailələrinin ev probleminin həlli ilə bağlı göstəriş verib
20:29
08.07.2020
1511
Siyasət
A
“2016-cı ilin aprel döyüşlərində şəhid olan gizirlər Adil Adilzadənin və Teymur Qasımovun Mingəçevirdə yaşayan, təşkilatımızın üzvü olan ailələri tərəfindən mənzil şəraitinin yaxşılaşdırılması ilə bağlı müraciətə Heydər Əliyev Fondunun prezidenti Mehriban xanım Əliyeva tərəfindən dərhal müsbət münasibət bildirildi”.

"Ölkə.Az" APA-ya istinadən xəbər verir ki, bunu “Zəfər” Şəhid Ailələrinə Dəstək İB-nin sədri, aprel şəhidi Raquf Orucovun həyat yoldaşı Sevinc Orucova bildirib.

Onun sözlərinə görə, hər iki ailə uzun müddətdir, çətin şəraitli, qəzalı vəziyyətdə olan evdə yaşayıb: “Bizim təşkilata - "Zəfər" Şəhid Ailələrinə Dəstək İctimai Birliyinə qəza vəziyyətində olan evlərinin təmiri ilə əlaqədar ünvanlanmış müraciətlə bağlı Heydər Əliyev Fondunun rəhbərliyinə məlumat verdik.

Fondun prezidenti Mehriban xanım şəhid ailələrinin qəzalı vəziyyətdə olan evlərinin əvəzinə, bütün məişət təminatı ilə birlikdə yeni fərdi yaşayış sahəsinin tikilib təhvil verilməsinə dair göstəriş verib.

Ən qısa zamanda yeni fərdi yaşayış evləri tikilərək hər iki şəhid ailəsinə təhvil veriləcək.

Mehriban xanımın bu addımı bir daha sübut edir ki, ölkəmizdə koronavirus pandemiyasına qarşı mübarizə apardığımız bir dövrdə heç bir sosial layihə diqqətdən kənarda qalmayıb. Şəhid ailələrinin sosial-məişət problemləri ən yüksək səviyyədə həllini tapır.

Hər bir şəhid ailəsi qəhrəmanlarımızın bizlərə əmanətidir. Hər kəs bu əmanətə sayğı duymağa, qayğı göstərməyə çalışmalıdır. Bizlərə ən mükəmməl örnək Mehriban xanımdır.

“Zəfər” Şəhid Ailələrinə Dəstək İctimai Birliyi olaraq, təşkilatımızın və şəhid ailələri adından göstərilən diqqət və qayğıya görə Heydər Əliyev Fondunun prezidenti Mehriban xanım Əliyevaya təşəkkürümüzü bildiririk”.

Ölkə.Az

ŞƏRH YAZ
0
BAĞLA