“Ən çox xanımım Mehribanın hazırladığı yeməkləri xoşlayıram” — İlham Əliyev

“Ən çox xanımım Mehribanın hazırladığı yeməkləri xoşlayıram”
21:59
05.04.2018
7795
Maraqlı
A
Azərbaycan Respublikasının Prezidenti İlham Əliyev Rusiyanın TASS informasiya agentliyinin baş direktorunun birinci müavini Mixail Qusmana müsahibə verib.

“Ölkə.Az” xəbər verir ki, prezident M. Qusmanın “Azərbaycan mətbəxinin Sizin xoşladığınız yeməkləri hansılardır, Azərbaycan Prezidentinin menyusu nədən ibarətdir?” sualına belə cavab verib: “Əlbəttə, hər bir xalqın mətbəxi onun mədəniyyətinin, ənənələrinin və imkanlarının göstəricisidir. Azərbaycan mətbəxi çox rəngarəngdir, çox dadlıdır, lakin çox təhlükəlidir”.

“Bəs təhlükə nədən ibarətdir” sualına cavab verən ölkə başçısı bildirib ki, təhlükə məhz nəzarətsiz çəki artımındadır.

İlham Əliyev Qusmanın “Azərbaycan arıqlamaq istəməyənlər üçün cənnətdir” deyimini təsdiqləyərək, bu səbəbdən gündəlik həyatda sui-istifadə etməməyə çalışdığını deyib: “Zənnimcə siz haqlısınız. Buna görə mən gündəlik həyatımda sui-istifadə etməməyə çalışıram, hərçənd, əlbəttə, hesab edirəm ki, Azərbaycan mətbəxindən dadlı heç nə yoxdur. Düşünürəm ki, hər bir xalqın nümayəndəsi öz mətbəxini xoşlayır. Mən də istisna deyiləm. Lakin gündəlik həyatımda hər halda bir qədər uzaq durmağa çalışıram. Azərbaycan mətbəxindən xoşladığım yeməklərə gəldikdə isə deməliyəm ki, mən bu yeməklərin praktiki olaraq hamısını xoşlayıram. Lakin ən çox xanımım Mehribanın hazırladığı yeməkləri xoşlayıram. Bu məsələdə o, yaxşı mütəxəssisdir, əlbəttə, mənə və ailəmizin bütün üzvlərinə çox sevinc bəxş edir, özünün kulinar əsərləri ilə bizi sevindirir. Biz, əlbəttə, bunu qiymətləndiririk və ailə üzvlərinə bu cür qayğısına görə ona çox təşəkkür edirik”.

Qusman Prezidentə itirdiyi enerjini necə bərpa etməsi ilə bağlı da sual ünvanlayıb. Ölkə başçısı məxsusi hobbisi olmadığını dilə gətirib: “Mənim məxsusi hobbim yoxdur. Lakin hesab edirəm ki, sənə sevinc, məmnunluq gətirən işlə məşğul olmaq elə hobbidir. Mənə gəldikdə, əməyimin nəticələrini görmək ən böyük sevincdir. İnanın, bu sözləri elə-belə, kamera üçün demirəm, bu, həqiqətən belədir. Əlbəttə, görəndə ki, nəzərdə tutulan işlər yerinə yetirilib, görəndə ki, Azərbaycanın inkişafının bu və ya digər sahəsində irəliləyiş var, bu, mənə böyük mənəvi zövq verir. Bu, hər bir hobbidən yaxşıdır. Buna görə düşünürəm ki, mən hansısa məxsusi hobbinin olmamasını bu yolla kompensasiya edirəm. Bundan əlavə, əlbəttə, asudə vaxtımı ailəmlə keçirirəm və yəqin ki, orada həm də həyat üçün enerji alıram. Mən o insanlardanam ki, işə sevinə-sevinə gedir və işdən evə sevinə-sevinə qayıdır”.

Ölkə.Az

ŞƏRH YAZ
0

İnstaqramda yenilik — Tək barmaqla...

İnstaqramda yenilik
23:00
20.03.2019
1162
Maraqlı
A
İnstaqram yeni tətbiqi barədə məlumat paylaşıb.

“Ölkə.Az” xəbər verir ki, hələ test mərhələsində olan tətbiq bu yaxınlarda əlavə ediləcək. İstifadəçilər birbaşa İnstaqram vasitəsilə sifariş verib istədiyi məhsulu ala biləcək. Şirkət uzun müddətdir üzərində işlədiyi “Sifariş” tətbiqini həyata keçirməyə hazırlaşır.

Şirkət yeni tətbiqin detalları barədə məlumat vermir. Amma deyilənlərə görə, bundan sonra bəyəndiyimiz hər hansı bir məhsulun fotosunun altındakı “Sifariş et” düyməsini basaraq almaq mümkün olacaq.

Hikmət Həsənov

Ölkə.Az

ŞƏRH YAZ
0

10 yaş cavan görünməyin asan yolu

10 yaş cavan görünməyin asan yolu
19:59
20.03.2019
1627
Maraqlı
A
Hər bir qadın cavan görünmək arzusundadır.

"Ölkə.Az" axşam.az-a istinadən sizə 10 yaş cavan görünmək üçün bəzi tövsiyələr verir:

Bibər - qırışlar üçün sarı bibər yeyin. Bu tərəvəz yeməklərinizə ləzzət qatmaqla yanaşı, eyni zamanda dərinizə də faydalıdır. Sarı bibər zərərli radikalların qarşısını alan C vitamini ilə zəngindir.

Yumurta - sallanan dəri üçün çox xeyirdir. Yumurtada olan yağsız proteinlər dərinin 
sallanmasının qarşısını almaq üçün onun toxumalarını dolduran zülal əmələ gətirir.

Arpa - əgər dəriniz günəşin zərərli ultrabənövşəyi şüaları ilə zədələnibsə, o zaman bütöv arpa yeyin. Çünki arpa seleniumla zəngindir.

Qızıl balıq - dərinizdə ləkələr varsa, bu balıq ideal qidadır. Balıq dəridə ləkə və sızanaqların əmələ gəlməsinə səbəb olan iltihabı sakitəşdirməyə yardım edən omega-3 yağ turşuları ilə zəngindir.

Yuxu - qocalmağa qarşı yuxunun sirri üzüstə yatmaqdır. Üzüstə yatdıqda diafraqma dartılır, döş qəfəsi genişlənir. Nəticədə daha dərindən nəfəs almaq mümkün olur.

Bu cür yatmaq sizə ilk vaxtlar çətin gələ bilər. Amma dizləriniz və boynunuzun altına yastıq yerləşdirsəniz, buna daha tez alışa bilərsiniz.

ŞƏRH YAZ
0
BAĞLA