Enni Lennoks Edinburqda Barak Obama üçün oxuyacaq
ABŞ-ın sabiq prezidenti Barak Obama Edinburqa səfər edəcək.
"Ölkə.Az" xəbər verir ki, Obamanın səfəri may ayına planlaşdırılıb. Şotlandiya və dünya səhnəsinin ulduzu-müğənni Enni Lennoks, komediya ustası Kevin Brices və "Texas" qrupu eks-prezidentin qarşısında çıxış edəcək.
Obama 26 may tarixində şam yeməyində prezident müddəti başa çatdıqdan sonra ən böyük çıxışlarından birini edəcək. Keçmiş dövlət başçısı auditoriyanın suallarını da cavablandıracaq.
Tədbirin təşkilatçısı "The Hunter Foundation"-dır. Məqsəd xeyriyyə aksiyası üçün vəsait toplamaqdır. Əldə edilən gəlir Şotlandiyada uşaqlara yardım edən təşkilatlar və ABŞ-ın eks-prezidentinin "Obama Foundation" fondu arasında bölünəcək.
Hikmət
Ölkə.Az
