Ərdoğan Almaniyadakı türklərə səsləndi
Türkiyə prezidenti Rəcəb Tayyip Ərdoğan Almaniyada yaşayan türklərə səslənib.
"Ölkə.Az" xəbər verir ki, Ərdoğan türkləri kansler Angela Merkel və Sosial-demokratların lideri Martin Şultsa səs verməməyə çağırıb.
Ərdoğan deyib: "Almaniyada düşünürlər ki, Türkiyəni tənqid etsək, səs toplaya bilərik. Mən vətəndaşlarıma deyirəm ki, bu partiyaları dəstəkləməyin, Merkelin təmsil olunduğu partiya da, sosial-demokratlar da, "Yaşıllar" partiyası da Türkiyənin düşmənidir".
Türkiyə lideri Türkiyəyə qarşı düşmənçilik bəsləməyən partiyaları dəstəkləməyə çağırıb.
Qeyd edək ki, Almaniya Bundestaqına seçkilər 24 sentyabrda keçiriləcək.
Hikmət Həsənov
Ölkə.Az