Ərdoğan Makronla Suriyadakı hərbi əməliyyatlardan danışdı
Türkiyə Prezidenti Rəcəb Tayyib Ərdoğan fransalı həmkarı Emmanuel Makron ilə telefonla danışıb.
"Ölkə.Az" Türkiyə mətbuatına istinadən xəbər verir ki, prezidentlər Suriya rejiminin kimyəvi silah işlətməsinə cavab olaraq ABŞ, Böyük Britaniya və Fransa tərəfindən həyata keçirilən əməliyyatı müzakirə ediblər. Fransa Prezidenti Emmanuel Makron əməliyyatla bağlı Ərdoğana məlumat verib. Rəcəb Tayyib Ərdoğan da öz növbəsində Türkiyənin kimyəvi silah işlədilməsini sərt şəkildə qınadığını vurğulayıb, kimyəvi hücumların cavabsız qalmamasının önəmini qeyd edib.
Xatırladaq ki, Türkiyə Prezidentinin bu gün Böyük Britaniyanın Baş naziri Tereza Mey ilə də eyni mövzuda telefon söhbəti olmuşdu.
Ölkə.Az
