Ərdoğan onu təhqir edən şairi yenə məhkəməyə verdi

"Ölkə.Az" xəbər verir ki, Ərdoğan onun barəsində Ankara prokurorluğuna müraciət edib. Ərdoğanın vəkili Hüseyn Aydın jurnalistlərə açıqlamasında bildirib ki, Jan Böhmerman barədə yenidən məhkəməyə müraciət olunacaq.

Ərdoğan Jan Böhmermanın yazdığı şerdə şərəf və layaqətinin alçaldılması, Türkiyə hökumətinin və dövlətinin təhqir olunması, eləcə də, Türkiyə vətəndaşlarının cılızlaşdırılması kimi ittihamlarla komediya ustasını ittiham edib.

Qeyd edək ki, 2016-cı ilin mart ayının 31-də Depfner məşhur komediyaçı Jan Böhmerman ZDF telekanalında yayımlanan verilişlərdən birində səsləndirdiyi satirik "Ərdoğan şeiri” ilə Türkiyə rəhbərini biabır edib. O, şerdə Ərdoğanı tənqid və təhqir edib. Ərdoğan bir neçə dəfə Jan Böhmerman və onu dəstəkləyən Almaniya və Avropanın ən böyük media qurumlarından biri olan "Axel Springer” konserninin rəhbəri Matias Depfneri məhkəməyə verib. Lakin Avropa və Almaniya məhkəmələri Ərdoğanın ittihamlarının heç birini qəbul etməyib.

Ziya Səccad
Ölkə.Az