Ərdoğan qaranlıq məsələlərə aydınlıq gətirdi

"Ölkə.Az" xəbər verir ki, Ərdoğan müsahibə zamanı bir çox mübahisəli məsələlərə aydınlıq gətirib. O, ilk öncə ABŞ-ın Suriya və İraqda Türkiyə ordusunun ABŞ və koalisiya qüvvələrilə hesablaşmadan əməliyyat keçirməsinə münasibət bildirib. Ölkə rəhbəri iddiaların həqiqətə uyğun olmadığını deyib.

Ərdoğan kürd silahlılarına qarşı əməliyyatdan öncə Rusiya, ABŞ və Şimali İraq Kürdüstanı da məlumatlandırdıqlarını deyib. 

Biz Sincarın Kürd Fəhlə Partiyası yaraqlıları üçün bazaya çevrilməsinə imkan verməyəcəyik. Bu səbəbdən də, tədbir görmək məcburiyyətindəyik. Bunu Rusiya, ABŞ və digər koalisiya qüvvələrinə də bəyan etmişik”, - deyə Ərdoğan bildirib.

Ərdoğan əməliyyat zamanı “Peşmərgə” kürd silahlı dəstələrinin bir neçə üzvünün ölümündən təəssüfləndiyini bildirib. Türkiyə rəhbəri əməliyyatın “Peşmərgə”yə qarşı yönəlmədiyini qeyd edib.
 
Bundan başqa, Ərdoğan müsahibəsində əlavə edib ki, Moskva Suriya prezidenti Bəşər Əsədə qarşı mövqeyini dəyişib. Ərdoğan rusiyalı həmkarı Vladimir Putinlə telefon danışığından sonra bu qənaətə gəldiyini bildirib:

"Cənab Putin mənə zəng etdi və dedi ki, siz məni düzgün başa düşün, mən Əsədi müdafiə etmirəm, onun vəkili də deyiləm. Nə qədər ki, Əsəd hakimiyyətdədir, Suriyada müharibə bitməyəcək və sülh əldə olunmayacaq”, - deyə Ərdoğanı əlavə edib.

Ziya Səccad
Ölkə.Az