Ərdoğan Ramil Quliyevdən danışdı

Ərdoğan Ramil Quliyevdən danışdı
11:30
13.11.2017
506
İdman
A
Türkiyə prezidenti Rəcəb Tayyib Ərdoğan idmanda milliləşdirmənin əleyhinə olmadığını açıqlayıb.

"Ölkə.Az" Report-a istinadən xəbər verir ki, “NTV Spor”un qonağı olan dövlət başçısı bu praktikadan bütün dünyada istifadə edildiyini söyləyib. Onun fikrincə, milliləşdirməyə neqativ yanaşmaq faydalı deyil: “İngiltərə, Fransada əcnəbilər oynayır. Kaş ki, öz soyumuzdan olub, torpaqlarımızda yetişərdilər. Lakin bu olmursa və dünyanın bir gerçəyidirsə, buna mənfi baxmağın faydası olmaz”.

R.T.Ərdoğan Bolqarıstanda doğulan Halil Mutlu və Naim Süleymanoğlu kimi ağırlıqqaldıranların Türkiyə idmanına müsbət təsir etdiklərini xatırladıb. O, bu il Böyük Britaniyanın paytaxtı Londonda keçirilmiş dünya çempionatında 200 metr məsafəyə qaçışda dünya çempionu olan azərbaycanlı Ramil Quliyevi örnək göstərib: “Əlbəttə, Türkiyə vətəndaşlığını qəbul edən şəxs zəif yox, güclü olmalıdır. Naim Süleymanoğlu, Halil Mutlu... Bunlar gəldi, nə oldu? Ağırlıqqaldırmada Türkiyəni bir addım irəli apardılar. Dəyişiklik yaşatdılar. Atletika tarximizdə son olaraq azərbaycanlı qardaşımız Ramil Quliyev çempion oldu. Efiyopiyalı qızımız bizə çempionluq gətirdi. Bunlar olduğu zaman digərlərini də irəli çəkirlər”.

Qeyd edək ki, Türkiyə yığmasının heyətində dünya çempionu olan Ramil Quliyev yarışdan sonra onu ilk təbrik edən şəxsin Rəcəb Tayyib Ərdoğan olmasına çox təəccübləndiyini açıqlayıb.

ŞƏRH YAZ
0

Məmmədyarov şahmat üzrə superturnirin III turunda heç-heçə edib

Məmmədyarov şahmat üzrə superturnirin III turunda heç-heçə edib
01:33
Bu gün
135
İdman
A
Hollandiyanın Veyk-an-Zeye şəhərində keçirilən şahmat üzrə "Tata Steel Chess" superturnirində III tura yekun vurulub.

“Ölkə.Az” xəbər verir ki, yarışda Azərbaycanı təmsil edən Şəhriyar Məmmədyarov növbəti heç-heçəsini edib. 33 yaşlı qrossmeyster turnirdə ikinci heç-heçəsini rusiyalı Maksim Matlakovla edib.

Bu nəticədən sonra Məmmədyarov aktivindəki xalların sayını 2-yə çatdırıb və 3-4-cü yerlərdə qərarlaşıb. Turnirə 2,5 xal ilə Vişvanatan Anand (Hindistan) və Aniş Giri (Hollandiya) başçılıq edir.

Ölkə.Az

ŞƏRH YAZ
0

Yeddi qolluq oyunda “Liverpul” sevindi — VİDEO

Yeddi qolluq oyunda “Liverpul” sevindi
23:48
14.01.2018
369
İdman
A
İngiltərə Premyer Liqasının XXIII turunda “Liverpul” “Mançester Siti”yə qalib gəlib.

"Ölkə.Az" xəbər verir ki, bununla da Qvardiolanın yetirmələri mövsümdə ilk dəfə məğlubiyyət acısı dadıblar.

"Liverpulun"4:3 hesablı qələbəsi ilə yekunlaşan görüş həm də Yürgen Kloppun komandasının ardıcıl 14-cü məğlubiyyətsiz və 4-cü qalib gəldiyi oyun olub.

Qeyd edək ki, bu matçdan sonra aktivində 62 xal olan “Mançester Siti” birinci, 47 xallı “Liverpul” isə üçüncü pillədə qərarlaşıb.

 

ŞƏRH YAZ
0
BAĞLA